ယာဉ်တိုက်မှု

January 26, 2021

မန္တလေးခရိုင်၌ ၂၀၂၀ ပြည့်နှစ်အတွင်း ယာဉ်တိုက်မှုကြောင့် သေဆုံးသူ ၁၀၇ ဦးရှိ

မန္တလေးခရိုင်အတွင်းရှိ  ၇ မြို့နယ်မှာ  ၂၀၂၀ ပြည့်နှစ်က ယာဉ်တိုက်မှုပေါင်း ၂၅၇ မှု ဖြစ်ပွားခဲ့ပြီး သေဆုံးသူ ၁၀၇ ဦး ရှိခဲ့တယ်လို့ အမှတ်(၁၄) ယာဉ်ထိန်းရဲ ဒုတပ်ဖွဲ့ခွဲမှူးရုံး(မန္တလေး)က‌နေ သိရပါတယ်။

အောင်မြေသာစံမြို့နယ်မှာ ယာဉ်တိုက်မှု ၂၅ မှု နဲ့ ဒဏ်ရာရသူ ၂၆ ဦး နဲ့ သေဆုံးသူ ၇ ဦး၊ ပုသိမ်ကြီးမြို့နယ်မှာ ယာဉ်တိုက်မှု ၃၇ မှုနဲ့ ဒဏ်ရာရသူ ၃၄ ဦး၊ သေဆုံးသူ ၂၁ ဦး၊ ပြည်ကြီးတံခွန်မြို့နယ်မှာ ယာဉ်တိုက်မှု ၅၁ မှုနဲ့ ဒဏ်ရာရသူ ၅၇ ဦး ၊ သေဆုံးသူ ၁၈ ဦး၊ အမရပူရမြို့နယ်မှာ ယာဉ်တိုက်မှု ၄၆ မှု နဲ့ ဒဏ်ရာရသူ ၃၄ ဦး ၊သေဆုံးသူ ၂၈ ဦးရှိပါတယ်။

 ချမ်းမြသာစည်မြို့နယ်မှာတော့ ယာဉ်တိုက်မှု ၄၁ မှုနဲ့ ဒဏ်ရာရသူ ၃၆ ဦး ၊ သေဆုံးသူ ၁၄ ဦး ၊မဟာအောင်မြေမြို့နယ်မှာ ယာဉ်တိုက်မှု ၃၁ မှုနဲ့ ဒဏ်ရာရသူ ၄၅ ဦး၊ သေဆုံးသူ ၁၁ ဦး ရှိခဲ့ပြီး ချမ်းအေးသာစံမြို့နယ်မှာတော့ ယာဉ်တိုက်မှု ၂၆ မှုနဲ့ ဒဏ်ရာရသူ ၂၆ ဦး ၊သေဆုံးသူ ၈ ဦး ရှိခဲ့တယ်လို့ အဆိုပါ ရဲတပ်ဖွဲ့ထံက သိရပါတယ်။

ပြီးခဲ့တဲ့ ၂၀၁၉ခုနှစ်အတွင်းက အဆိုပါ ခုနစ်မြို့နယ်မှာ ယာဉ်တိုက်မှု ၃၀၉ မှုနဲ့ ဒဏ်ရာရသူ ၃၀၃ ဦး ၊ သေဆုံးသူ ၁၄၄ ဦးအထိ ရှိခဲ့ပြီး  ၂၀၂၀ ပြည့်နှစ်မှာ  သေဆုံးသူ လျော့ကျသွားတာ ဖြစ်ပါတယ်။

မန္တလေးတိုင်းဒေသကြီးရှိ ခရိုင်တွေအလိုက် မန္တလေးခရိုင်မှာ ယာဉ်တိုက်မှု ၂၅၇ မှုနဲ့ သေဆုံးသူ ၁၀၇ ဦး၊ ကျောက်ဆည်ခရိုင်မှာ ယာဉ်တိုက်မှု ၂၂၅ မှုနဲ့ သေဆုံးသူ ၈၃ ဦး ၊ ညောင်ဦးခရိုင်မှာ ယာဉ်တိုက်မှု ၁၁၆ မှုနဲ့ သေဆုံးသူ ၃၄ ဦးရှိပါတယ်။

ပြင်ဦးလွင်ခရိုင်မှာတော့ ယာဉ်တိုက်မှု ၂၈၈ မှုနဲ့ သေဆုံးသူ ၁၅၅ ဦး၊ မြင်းခြံခရိုင်မှာ ယာဉ်တိုက်မှု ၁၂၃ မှုနဲ့ သေဆုံးသူ ၃၇ ဦး၊ မိတ္ထီလာခရိုင်မှာ ယာဉ်တိုက်မှု ၂၆၃မှုနဲ့ သေဆုံးသူ ၈၃ ဦး ၊ရမည်းသင်းခရိုင်မှာ ယာဉ်တိုက်မှု ၁၆၈ မှုနဲ့ သေဆုံးသူ ၅၁ ဦး ရှိခဲ့တယ်လို့လည်း သိရပါတယ်။

သတင်း- ထိန်ထိန်လင်း

3 months Ago

January 24, 2021

၂၀၂၀ ပြည့်နှစ်အတွင်း ကချင်ပြည်နယ်၌ ယာဉ်တိုက်မှု ၄၃၀ ကျော်ဖြစ်ပြီး လူ ၂၀၀ ကျော်သေဆုံး

ကချင်ပြည်နယ်မှာ  ၂၀၂၀ ခုနှစ်အတွင်း ယာဉ်တိုက်မှုပေါင်း ၄၃၂ မှု ဖြစ်ပွားခဲ့ပြီး သေဆုံးသူ ၂၀၂ ဦးနဲ့ ဒဏ်ရာရသူ ၅၆၀ ရှိတယ်လို့ သိရပါတယ်။ ကျား ၁၆၈ ဦး၊ မ ၃၄ ဦး  သေဆုံးသူ စုစုပေါင်း  ၂၀၂ ဦး နဲ့ ကျား ၃၉၆ ဦး၊ မ ၁၆၄  ဦး ဒဏ်ရာရသူ စုစုပေါင်း ၅၆၀ ရှိခဲ့တယ်လို့ ကချင်ပြည်နယ် ယာဉ်ထိန်းရဲတပ်ဖွဲ့ဆီက  သိရပါတယ်။ ယာဉ်တိုက်မှုအများစုမှာ  ညနေပိုင်းနဲ့ ညပိုင်းမှာ အများဆုံးဖြစ်ကာ ယာဉ်စည်းကမ်း လမ်းစည်းကမ်းမလိုက်နာတာ၊ သောက်စား မှုးယစ်ပြီး မဆင်မခြင် အရှိန်ပြင်း မောင်းနှင်တာတွေကြောင့်ဖြစ်ပြီး ဆိုင်ကယ်နဲ့ မော်တော်ကား ယာဉ်တိုက်မှုက အများဆုံးဖြစ်တယ်လို့ သိရပါတယ်။ ၂၀၁၉ ခုနှစ်မှာ ကချင်ပြည်နယ်အတွင်း ယာဉ်တိုက်မှုပေါင်း ၄၅၂ မှု၊ သေဆုံးသူ ၂၁၄ ဦးနဲ့ ဒဏ်ရာရသူ ၅၆၄ ဦး ရှိတာကြောင့် ၂၀၂၀ ပြည့်နှစ်မှာ ယာဉ်တိုက်မှုနဲ့ လူသေဆုံးနှုန်း လျော့နည်းခဲ့တယ်လို့ ဆိုပါတယ်။ ၂၀၁၉/၂၀၂၀ ခုနှစ်အတွင်း မြစ်ကြီးနားခရိုင်မှာ ယာဉ်တိုက်မှု အများဆုံးဖြစ်ပြီး  ပူတာအိုခရိုင် က ယာဉ်တိုက်မှု အနည်းဆုံး ဖြစ်ပါတယ်။ ထူးထူး( ဗိုလ်ကလေး)
4 months Ago
More News
Up