မန္တလေး

July 29, 2019

မန္တလေး တက္ကသိုလ်အရန်လေ့ကျင့်ရေးတပ်အတွင်း မီးလောင်

မန္တလေးမြို့၊ မဟာအောင်မြေမြို့နယ်၊ အမှတ် ၂ တက္ကသိုလ်လေ့ကျင့်ရေးတပ်ဝန်း အတွင်းမှာ ဇူလိုင် ၂၈ ရက်ညက မီးလောင်မှုဖြစ်ပွားပြီး ကျပ်သိန်း ၇၀ ကျော်ဖိုး ပျက်စီးဆုံးရှုံးသွားပါတယ်။ မဟာအောင်မြေမြို့နယ်၊ ဟေမာလာတောင်ရပ်ကွက်၊ ၇၃ လမ်း၊ လမ်း ၄၀ ထောင့်ရှိ အမှတ် ၂ တက္ကသိုလ် အရန်လေ့ကျင့်ရေးတပ်အတွင်းက အိမ်ထောင်သည်ဝန်ထမ်းတွေ နေထိုင်တဲ့ ၁၀ ပေပတ်လည် ၈ ခန်းတွဲ ၂ ထပ်ဆောင်မှာ မီးလောင်ခဲ့တာပါ။ မီးလောင်မှုကြောင့် အဆောင်ရဲ့ အောက်ထပ်မှာ ပျက်စီးဆုံးရှုံးမှု ပမာဏ ကျပ်သိန်း ၄၀ ဖိုး၊ အပေါ်ထပ်မှာတော့ ငွေကျပ် ၂၄ သိန်းဖိုးနဲ့ ပစ္စည်းတန်ဖိုး ၁၀ သိန်း၊ စုစုပေါင်း ၇၄ သိန်းဖိုး မီးလောင်ဆုံးရှုံးခဲ့ပါတယ်။ မီးလောင်ရာကို Level ၃ အဆင့်သတ်မှတ်ပြီး ရာနဲ့ချီတဲ့ မန္တလေးတိုင်း မီးသတ်တပ်ဖွဲ့ဝင်တွေက မီးသတ်ကား အစီး ၅၀ လောက်နဲ့ ငြှိမ်းသတ်နိုင်ခဲ့ပါတယ်။ အဲဒီမီးလောင်မှုနဲ့ ပတ်သက်ပြီး မန္တလေးတိုင်း မီးသတ်တပ်ဖွဲ့အနေနဲ့ အမှုဖွင့် အရေးယူမှာမဟုတ်ဘဲ တပ်တွင်းစစ်တရားရုံးကနေ တရားစွဲ အရေးယူသွားမှာဖြစ်တယ်လို့ တိုင်း​မီးသတ်​ဦးစီးမှူး ညွှန်​ကြား​ရေးမှူး ဦးသန်း​ဇော်​ဦးက ပြောပါတယ်။
2 years Ago

May 24, 2019

မန္တလေးနေ့စဉ်သတင်းစာတိုက်က ခန့်အပ်ထားသည့် သတင်းထောက်များကို ပြန်စိစစ်နေ

မန္တလေးမြို့တော် စည်ပင်သာယာရေးကော်မတီကနေ တာဝန်ယူထုတ်ဝေတဲ့ မန္တလေးနေ့စဉ်သတင်းစာတိုက်က ခန့်အပ်ထားတဲ့ သတင်းထောက်တွေကို ပြန်လည်စိစစ်နေတယ်လို့ သတင်းစာတိုက် တာဝန်ရှိသူတွေက ပြောပါတယ်။ ပြီးခဲ့တဲ့ရက်ပိုင်းက ပုသိမ်ကြီးမြို့နယ်ဘက်မှာ သတင်းမီဒီယာအမည်ခံပြီး ငွေကြေး အလှူခံတဲ့အတွက် ရာဇသတ်ကြီး ဥပဒေပုဒ်မ ၄၂၀/၄၆၈/၁၁၄ တို့နဲ့ အမှုဖွင့်လှစ်ခံထားရသူတွေထဲက တဦးဟာ မန္တလေးနေ့စဉ်သတင်းစာတိုက်က ဖြစ်တယ်လို့ ပြောကြားခဲ့တာပါ။ အဆိုပါပုဂ္ဂိုလ်ဟာ မန္တလေးနေ့စဉ် သတင်းစာတိုက်ကို အလွတ်တန်း သတင်းပေးပို့ဖူးသူ ဖြစ်ပေမယ့် တရားဝင်အသိအမှတ်ပြု ခန့်အပ်ထားတဲ့ သတင်းသမားမဟုတ်ဘူးလို့ မန္တလေးမြို့တော်စည်ပင်သာယာရေးကော်မတီ ပြန်ကြားရေးနှင့် ပြည်သူ့ဆက်ဆံရေးဌာနက ကော်မတီဝင် ဦးကျော်ဆန်းမြင့်က ပြောပါတယ်။ နယ်ဒေသတွေမှာ သတင်းထောက်အမည်ခံပြီး ငွေကြေးတောင်းခံတာတွေကိုလည်း တွေ့ရှိနေရတဲ့အတွက် နောက်ပိုင်းမှာ အခုထက်ပိုမို တင်းကြပ်စစ်ဆေးသွားမယ်လို့ ဆိုပါတယ်။ ဒါ့အပြင် မန္တလေးနေ့စဉ်သတင်းစာတိုက်ကနေ တရားဝင်အသိအမှတ်ပြုထားတဲ့ သတင်းထောက်ကတ်နဲ့ သတင်းထောက်နံပါတ် ရှိသူတွေက ပေးပို့လာတဲ့ သတင်းတွေကိုပဲ လက်ခံဖို့ စီစဉ်နေသလို သတင်းလုပ်ငန်းအတွက် တင်ပြဆွေးနွေးမှုတွေ လျှောက်ထားမှုတွေကိုလည်း စည်ကမ်းသတ်မှတ်ချက်တွေ အသိပေးတာ၊ စိစစ်မှုတွေ ပြုလုပ်ပြီးမှ အကျိုးဆောင် (က.ဆ) သတင်းထောက်တွေအဖြစ် လက်ခံမယ်လို့ မန္တလေးမြို့တော်စည်ပင်သာယာရေးကော်မတီကနေ သိရပါတယ်။ ထိန်ထိန်လင်း
2 years Ago
More News
Up