မွန်ညီညွတ်ရေးပါတီ

June 9, 2021

မွန်ညီညွတ်ရေးပါတီ အမျိုးသမီးကိုယ်စားလှယ်လောင်း ၁ ဦး ပစ်သတ်ခံရ

မွန်ညီညွတ်ရေးပါတီက အမျိုးသားလွှတ်တော်ကိုယ်စားလှယ်လောင်း မိဝေသီဖြိုးဟာ ဘုရားသုံးဆူမြို့အနီး ရွာသစ်ရွာမှာ ဇွန်လ ၈ ရက် ညဦးပိုင်းက သေနတ်နဲ့ ပစ်သတ်ခံခဲ့ရတယ်လို့ ပါတီပြောရေးဆိုခွင့်ရှိသူ နိုင်တလညီက အတည်ပြုပြောပါတယ်။

မိဝေသီဖြိုးကို အမည်မသိသေနတ် သမားတစ်ဦးက လုပ်ကြံပစ်ခတ်ခံတာ ဖြစ်ပြီး ဘုရားသုံးဆူဆေးရုံမှာ သေဆုံးခဲ့တာ ဖြစ်ပါတယ်။

မိဝေသီဖြိုး လုပ်ကြံခံရတာဟာ နိုင်ငံရေးနဲ့ ဆက်စပ်မှု ရှိနိုင်တယ်လို့ နိုင်တလညီက ပြောပါတယ်။ အခုဖြစ်စဉ်အတွက် မွန်ညီညွတ်ရေးပါတီအတွင်း အရေးပေါ် အစည်းအဝေး ခေါ်ယူသွားမယ်လို့ ဆိုပါတယ်။

မိဝေသီဖြိုးရဲ့ ဘုရားသုံးဆူက ဘကြီးတစ်ဦးရဲ့ နေအိမ်ကို ပြီးခဲ့တဲ့လပိုင်းတုန်းက သေနတ်နဲ့ ပစ်ခတ်ခံခဲ့ရသလို မီးရှို့တာလည်း ခံခဲ့ရတာပါ။

တရားလွှတ်တော် ရှေ့နေတစ်ဦးဖြစ်တဲ့ မိဝေသီဖြိုးဟာ ပြီးခဲ့တဲ့ ၂၀၂၀ ရွေးကောက်ပွဲမှာ ကရင်ပြည်နယ် ကြာအင်းဆိပ်ကြီးမြို့နယ်ကနေ အမျိုးသားလွှတ်ကိုယ်စားလှယ်အဖြစ် ဝင်ရောက်ယှဉ်ပြိုင်ခဲ့ပေမယ့် အနိုင်ရရှိခဲ့ခြင်းတော့ မရှိပါဘူး။

2 weeks Ago

April 14, 2021

မဟုတ်မမှန် သတင်းတင်သူများကို အရေးယူမည်ဟု မွန်ညီညွတ်ရေးပါတီ ကြေညာ

လူမှုကွန်ရက်စာမျက်နှာတွေမှာ မွန်ညီညွတ်ရေးပါတီနဲ့ ပတ်သက်ပြီး မဟုတ်မမှန်သတင်း တင်ထားသူ‌တွေအပါအဝင် ရှယ်ထားသူတွေအနေနဲ့ လာရောက်မတောင်းပန်ရင် အရေးယူမယ်လို့ ပါတီဗဟိုက ဧပြီ ၁၄ ရက်နေ့မှာ ကြေညာလိုက်ပါတယ်။

မွန်ညီညွတ်ရေးပါတီကို မဟုတ်မမှန်သတင်း တင်ထားသူ‌တွေနဲ့ ရှယ်ထားသူတွေဟာ မော်လမြိုင်မြို့က ပါတီဌာနချုပ်မှာ လာရောက်တောင်းပန်ဖို့နဲ့ လူမှုကွန်ရက်ပေါ်မှာလည်း တောင်းပန်စာရေးဖို့ သတိပေးထားပါတယ်။

လာရောက် မတောင်းပန်ရင် စည်းကမ်းချက်တွေနဲ့အညီ ဆက်လက်အရေးယူသွားမယ်လို့ ဆိုပါတယ်။

မွန်ညီညွတ်ရေးပါတီဟာ အာဏာသိမ်း အကြမ်းဖက်စစ်ကောင်စီအဖွဲ့ဝင်အပြင် မွန်ပြည်နယ် အဆင့် ကော်မတီမှာလည်း အဖွဲ့ဝင်အဖြစ် ပူးပေါင်းဆောင်ရွက်နေတဲ့အတွက်ကြောင့် ဝေဖန်ခံနေရ တာပါ။

2 months Ago
More News
Up