မြေစာပြိုကျ

November 20, 2020

ဖားကန့်တွင် မြေစာပြိုကျပြီး ၁ ဦးသေဆုံး၊ ၂ ဦး ဒဏ်ရာရ 

ကချင်ပြည်နယ်၊ ဖားကန့်မြို့နယ်၊ လုံးခင်းကျေးအုပ်စု၊ မလောင်ကျေးရွာအနီးမှာ နိုဝင်ဘာ ၂၀ ရက် ဒီနေ့ မွန်းလွဲ ၂ နာရီလောက်က မြေစာပုံဟောင်းပြိုကျပြီး   အမျိုးသား ၁ ဦးသေဆုံးကာ ၂ ဦး ဒဏ်ရာရသွားပါတယ်။ ပြိုကျခဲ့တဲ့မြေစာပုံဟောင်းဟာ သိရောမဏိ ကျောက်စိမ်တူးဖော်ရေးကုမ္ပဏီရဲ့ မြေစာပုံဟောင်းဖြစ်ပြီး အဆိုပါမြေစာပုံမှာ ရွှေနဲ့ ကျောက်မျက်မျောတိုက်ရင်း မြေစာပြိုကျခဲ့လို့ လူတွေ သေဆုံး ဒဏ်ရာရခဲ့တာလို့ လောင်ကျေးရွာအုပ်ချုပ်ရေးမှူးကပြောပါတယ်။ သေဆုံးသူဟာ ဇော်ဦး (၂၅)နှစ် မလောင်းကျေးရွာနေသူဖြစ်ပြီး ၊ဒဏ်ရာရသူတွေကတော့ ကျော်ကြီး (၂၉)နှစ်နဲ့  စိုးငယ် (၂၄)နှစ်တို့ဖြစ်ကြပါတယ်။ ဖားကန့်မြို့နယ်၊ ဆိပ်မူကျေးရွာအုပ်စုထဲမှာ နိုဝင်ဘာ ၁၈ ရက် ညကလည်း  မြေစာပုံပြိုကျပြီး ရေမဆေးကျောက်တူးသမား ၁ ဦး သေဆုံးသွားပါတယ်။ ဖားကန့်မြို့နယ်မှာ မြေစာပြိုမှု၊ ကျောက်ကမ်းပါးပြိုကျမှုနဲ့ ကမ်းပါးပေါ်က ခြေချော်ပြုကျမှုတွေကြောင့် အခုနှစ်အတွင်း  လူပေါင်း ၂၀၀ကျော်သေဆုံးခဲ့ပြီးဖြစ်တယ်လို့ ဒေသအာဏာပိုင်များရဲ့ သတင်းမှတ်တမ်းများအရသိရပါတယ်။ ဇော်မိုးထက်(ဖားကန့် )
6 months Ago

August 20, 2020

ဖားကန့်တွင် မြေစာပြိုကျသဖြင့် တဲ ၂ လုံးနှင့်ဆိုင်ကယ် ၂ စီးဆုံးရှုံး၊ လူ ၁ ဦး ပျောက်ဆုံးနေ

ဖားကန့်မြို့နယ်၊ ဆိပ်မူအုပ်စု မမုံကျေးရွာ တာဝါတိုင်အနီး YTT တောင်ကုန်းမှာ ဩဂုတ်လ ၁၉ ရက်နေ့ ည ၁၀ နာရီလောက်က ပေ ၂၀၀ အမြင့်ရှိ ကျောက်ကြောကမ်းပါးယံပြိုကျရာ တဲ ၂ လုံး၊ ဆိုင်ကယ် ၂ စီး ဆုံးရှုံးခဲ့ပြီး ရွှေကျောက်မျှောတိုက်သူ ၁ ဦး ပျောက်ဆုံးနေတယ်လို့ ဖားကန့်မြို့နယ် အုပ်ချုပ်ရေးမှူး ဦးဉာဏ်လင်းအောင်က အတည်ပြ‌ေပြောကြားပါတယ်။ မမုံကျေးရွာတာဝန်ခံ ဦးစိုင်အောင်သန်းက “ကျောက်ကြောပြိုကျတဲ့ အတွက် အောက်ထဲရှိ ရေအိုင်ထဲသို့ ပြုတ်ကျမျှောပါသွားပြီး ရေလှိုင်းဖြင့် မမုံအကျိုးတူ သိမ့်ဝင်းထက် ကျင်းဟောင်း နံရံအတွင်းသို့ ဆက်လက်မျောပါ ပျောက်ဆုံးသွားကြောင်း သိရပြီး အလောင်းရှာဖွေနေဆဲ ဖြစ်ပါတယ်။ လေးယောက်အတူ ညဆိုင်းဆင်းကြရင်း သူက နောက်ကျနေတယ်။ သူ့ကို လှမ်းခေါ်ကြတော့ ကမ်းပါးယံက ပြိုကျသွားပြီ။ သူလည်း ပြိုတဲ့အထဲ ပါသွားတယ်” လို့ ပြောပါတယ်။ သေဆုံးသူမှာ မမုံကျေးရွာမှာ လက်ရှိနေထိုင်ခဲ့သူဖြစ်ပြီး မန္တလေးတိုင်း ဝမ်းတွင်းမြို့နယ်ဇာတိ အသက် ၅၀ အရွယ် ဦးခင်ဇော်  ဆိုသူ ဖြစ်ပါတယ်။ ပျောက်ဆုံးသွားသူနဲ့ပတ်သက်လို့ ဆက်လက်စုံစမ်းနေတယ်လို့ မမုံကျေးရွာတာဝန်ခံက ပြောကြားပါတယ်။ ပြိုကျသွားတဲ့ ကမ်းပါးယံနေရာကို ဒေသအခေါ်အရ ဗိုလ်တစ်ထောင်ကုန်း ဖြစ်ပေမဲ့ YTT တောင်ကုန်းလို့ လူသိများပြီး ဧရာရတနာကုမ္ပဏီ၊ အဲဗားဝင်းနားကုမ္ပဏီ၊ မြန်မာသူရကုမ္ပဏီတို့ရဲ့ လုပ်ကွက်နေရာနေရာဟောင်းဖြစ်ပြီး သက်တမ်းကုန်လုပ်ကွက်နေရာဖြစ်တယ်လို့ သိရပါတယ်။ ၂၀၁၈ ခုတုန်းကလည်း အခုလို ကမ်းပါးယံပြိုကျတာကြောင့် လူ ၅၀) ထက်မနည်း ရေလှိုင်းရိုက်ပုတ်ပြီး သေဆုံးခဲ့ဖူးတယ်လို့ မမုံကျေးရွာတာဝန်ခံက ပြောကြားပါတယ်။ စစ်ကိုနိုင်ထွန်း
9 months Ago
More News
Up