မြဝတီဘဏ်

January 18, 2022

မန္တလေးမြို့က မြဝတီဘဏ်နှင့် ဂရိတ်ဝေါလ် ဟိုတယ်တို့တွင် ဗုံးပေါက်ကွဲ

မန္တလေးမြို့ ပြည်ကြီးတံခွန်မြို့နယ်က မြဝတီဘဏ်နဲ့ မဟာအောင်မြေမြို့နယ်က ဂရိတ်ဝေါလ်ဟိုတယ်တို့မှာ ဇန်နဝါရီလ ၁၈ ရက် နေ့လယ်ပိုင်းက ဗုံးပေါက်ကွဲမှု ဖြစ်ခဲ့ပါတယ်။ 

ပြည်ကြီးတံခွန်မြို့နယ် ၁၁၅ (သာယာဝတီမင်းကြီး) လမ်း ကျွဲဆည်ကန်ကားကြီးဝန်းအနီးက  မြဝတီဘဏ်ရှေ့အတွင်းခြံစည်းရိုး သံတံခါးအနီးမှာ လက်လုပ်မိုင်း ပေါက်ကွဲခဲ့တာပါ။

အနီးပတ်ဝန်းကျင်ရှိ ပြည်သူတစ်ဦးက “မြဝတီဘဏ်နားမှာက အစောင့်တွေရှိတယ်။ အခုကွဲတာ ဘာအထိအခိုက်မှာတော့ မကြားမိဘူး။ ကွဲတုန်းကတော့ ပိတ်ဆို့စစ်ဆေးတာတွေ လုပ်ကြတယ်” လို့ ပြောပါတယ်။

မဟာအောင်မြေမြို့နယ် ရန်ကုန်-မန္တလေးလမ်းပေါ်ရှိ ဂရိတ်ဝေါလ်ဟိုတယ် ဝင်ပေါက်မှာလည်း ပေါက်ကွဲခဲ့ပြီး အဆောက်အဦ ထိခိုက်ပျက်စီးတာရှိပေမယ့် လူထိခိုက်ဒဏ်ရာရတာ မရှိခဲ့ဘူးလို့ သိရပါတယ်။

2 weeks Ago

January 7, 2022

မန္တလေးမြို့တွင် မြဝတီဘဏ်အပါအဝင် နေရာ ၃ နေရာ ဗုံးပေါက်ကွဲ

မန္တလေးမြို့မှာ ဇန်နဝါရီ ၇ ရက် မနက်ပိုင်းက အာဏာသိမ်းစစ်ကောင်စီ ထောက်တိုင်ဖြစ်တဲ့ မြဝတီဘဏ်အပါအဝင် နေရာ ၃ နေရာ ဗုံးပေါက်ကွဲမှုဖြစ်ခဲ့ပါတယ်။

ချမ်းအေးသာစံ မြို့နယ်၊ ၈၁ လမ်း၊ ၂၆ လမ်း နဲ့ ၂၇လမ်းကြားရှိ မြ၀တီဘဏ်မှာ မနက် ၉ နာရီကျော်အချိန်က ဗုံးပေါက်ကွဲခဲ့ပြီး ဘဏ်ဝန်ထမ်း ၂ ဦးနဲ့ ငွေထုတ်လာသူ ၁ ဦး ဒဏ်ရာရခဲ့တယ်လို့ သိရပါတယ်။

“ဘဏ်ကို လက်ပစ်ဗုံးနဲ့ ပစ်သွားတာ ဆိုင်ကယ်နဲ့ လာပြီးပစ်တာတဲ့။ ဘဏ်ဝန်ထမ်း နှစ်ဦးနဲ့ ငွေထုတ်လာသူ ဒဏ်ရာရတယ်။ အသက်အန္တရာယ်တော့ မစိုးရိမ်ရဘူး။ ဝန်ထမ်းတစ်ယောက်ကတော့ ဒဏ်ရာများတယ်လို့ ကြားတယ်။ ဘဏ်နားက အရင်ကတည်းက အတားအဆီးတွေ ချပြီး လုံခြုံရေးယူတာတွေရှိတယ်” လို့ အနီးပတ်ဝန်းကျင်ရှိ ပြည်သူတစ်ဦးက ပြောပါတယ်။

ဇန်နဝါရီ ၇ မနက် ၇ နာရီကျော်အချိန်က ချမ်းမြသာစည်မြို့နယ် ၇၃ လမ်း၊ ၁၀၇ လမ်း နဲ့ ၁၀၉ လမ်းကြားရှိ MIIT ကျောင်း အရှေ့ဘက်မှာ ပေါက်ကွဲမှုဖြစ်ခဲ့ပြီး ထိခိုက်ဒဏ်ရာရ ပျက်စီးတာမရှိခဲ့ပါဘူး။

ဒါ့အပြင် ၃၆ လမ်း၊ ၈၂ လမ်း နဲ့ ၈၃ လမ်းကြားရှိ မဟာအောင်မြေပညာရေးမှူးရုံးအတွင်းမှာလည်း အသံမိုင်းပေါက်ကွဲမှုဖြစ်ခဲ့ပြီး ထိခိုက်ပျက်စီးတာမရှိဘူးလို့ သိရပါတယ်။

3 weeks Ago
More News
Up