မြန်မာအမျိုးသမီးများကို တရုတ်အမျိုးသားနှင့်လက်ထပ်ရန် စည်းရုံးသည့် လူငယ် ၂ ဦးကို ဖမ်းဆီး

October 27, 2020

မြန်မာအမျိုးသမီးများကို ကူညီရန် အီတလီနိုင်ငံက ယူရို ၄ သိန်း ထောက်ပံ့

မြန်မာနိုင်ငံ ပြည်နယ် ၆ ခုက အမျိုးသမီးတွေကို ကူညီဖို့ အီတလီနိုင်ငံကနေ ကုလသမဂ္ဂ လူဦးရေ ရန်ပုံငွေအဖွဲ့ UNFPA ကို ယူရိုငွေ ၄ သိန်း ထောက်ပံ့လိုက်ပါတယ်။ မြန်မာနိုင်ငံဆိုင်ရာအီတလီသံအမတ် Ms. Alessandra Schiavo နဲ့ UNFPA မြန်မာနိုင်ငံဆိုင်ရာ ကိုယ်စားလှယ် Ramanathan Balakrishnan တို့ဟာ ဒီသဘောတူတူညီချက်ကို လက်မှတ်ထိုးလိုက်တယ်လို့ ပူးတွဲ ကြေညာချက်မှာ ဖော်ပြထားတာပါ။ ဒါဟာ UNFPA ရဲ့ အမျိုးသမီးတွေနဲ့ မိန်းကလေးများပထမအစီအစဉ် - အဆင့် ၂ ကို ထောက်ပံ့ဖို့ ဖြစ်ပြီး ကချင်၊ ရခိုင်၊ ရှမ်း၊ မွန်၊ ကရင်နဲ့ ကယားပြည်နယ်တို့က မိန်းကလေးတွေကို ကူညီမှာ ဖြစ်ပါတယ်။ UNFPA၊ ကုလသမဂ္ဂ လိင်နဲ့မျိုးဆက်ပွားကျန်းမာရေးအေဂျင်စီအနေနဲ့ အထိခိုက်မခံဆုံး အမျိုးသမီးတွေနဲ့ မိန်းကလေးတွေအတွက် လိင်ကိုအခြေပြု အကြမ်းဖက်မှုဆိုင်ရာ၊ လိင်နဲ့ မျိုးဆက်ပွား ကျန်းမာရေး၊ စိတ်ကျန်းမာရေးနဲ့ စိတ်ပိုင်းဆိုင်ရာ ထောက်ပံ့မှုတို့ကို အမျိုးသမီးတွေနဲ့ မိန်းကလေး စင်တာ ၃၃ ခုနဲ့ ရခိုင်၊ ကချင်၊ ကယား၊ မွန်ပြည်နယ်နဲ့ ရှမ်းပြည်နယ်တို့မှာ လုပ်နေပါတယ်။ အီတလီဟာ အမျိုးသမီးတွေနဲ့ မိန်းကလေးများပထမအစီအစဉ် အဆင့် ၁ အတွက် ယူရို ၈ သိန်း ထောက်ပံ့ထားခဲ့ပြီး ဒီအစီအစဉ်ကို သြစတြေးလျ၊ အီးယူ၊ ဖင်လန်၊ ဂျာမနီ၊ အီတလီနဲ့ ဆွီဒင်နိုင်ငံတို့က ထောက်ပံ့ကူညီထားပါတယ်။
8 months Ago

November 11, 2019

မြန်မာအမျိုးသမီးများကို တရုတ်အမျိုးသားနှင့်လက်ထပ်ရန် စည်းရုံးသည့် လူငယ် ၂ ဦးကို ဖမ်းဆီး

မြန်မာအမျိုးသမီးတွေကို တရုတ်အမျိုးသားနဲ့ လက်ထပ်အတူနေထိုင်ဖို့ စည်းရုံးခေါ်ဆောင်တဲ့ လူငယ် ၂ ယောက်ကို မန္တလေးမှာ ဖမ်းဆီးလိုက်တယ်လို့ ပြည်ထဲရေးက သတင်းထုတ်ပြန်ပါတယ်။ အမျိုးသမီးငယ်တွေကို တရုတ်နိုင်ငံပို့ဖို့ စည်းရုံးနေတဲ့သတင်းအရ လူကုန်ကူးမှုတားဆီး နှိမ်နင်းရေး ရဲတပ်ဖွဲ့ဝင်တွေဟာ မနေ့ မနက်အစောပိုင်းက မန္တလေး၊ ပြည်ကြီးတံခွန်မြို့နယ်၊ ကျွဲဆည်ကန် ကားကြီးကွင်းနားက ရွှေအိမ်စည်တည်းခိုခန်းရှေ့မှာ စောင့်ဆိုင်းနေခဲ့ပါတယ်။ အဲဒီအချိန်မှာ အသက် ၂၇ နှစ်အရွယ် ပြည့်ဖြိုးအောင်နဲ့ ၁၈ နှစ်အရွယ် မသံစဉ်တို့ဟာ အမျိုးသမီး ၃ ယောက်ကို တည်းခိုခန်းကိုခေါ်လာတာတွေ့လို့ ချမ်းအေးသာစံမြို့နယ်၊ လူကုန်ကူးမှု တားဆီးနှိမ်နင်းရေး ရဲတပ်ဖွဲ့စု ၁၁ ကို ထိန်းသိမ်းခေါ်ဆောင် စစ်ဆေးခဲ့တယ်လို့ ဆိုပါတယ်။ တရုတ် အမျိုးသားတွေနဲ့ လက်ထပ်ပြီး ၁ နှစ်အတူနေထိုင်ရင် ငွေကျပ် ၂၅ သိန်းပေးမှာဖြစ်ပြီး စရံငွေအဖြစ် ကျပ် ၅ သောင်းစီပေးထားတယ်လို့ ပြည့်ဖြိုးအောင်နဲ့ မသံစဉ်တို့က ထွက်ဆိုပါတယ်။ ကျန်တဲ့ငွေတွေကိုတော့ တရုတ်နိုင်ငံ၊ ရွှေလီမြို့ကိုရောက်ရင်ပေးမယ်ဆိုပြီး စည်းရုံး ခေါ်ဆောင်လာတာကြောင့် သူတို့ ၂ ယောက်ကို ပြည်ကြီးတံခွန်မြို့မရဲစခန်းမှာ လူကုန်တားဥပဒေ ပုဒ်မ ၂၄/၂၃ နဲ့ အမှုဖွင့် စစ်ဆေးနေတယ်လို့ ပြည်ထဲရေးသတင်းမှာ ဖော်ပြပါတယ်။  ဓာတ်ပုံ- MOH
2 years Ago
Up