မြစ်ကြီးနားမြို့

September 22, 2021

မြစ်ကြီးနားမြို့ အင်ဂျန်ဒုံရပ်ကွက်ရှိ Mytelရုံး‌ ဗုံးပေါက်ကွဲ

ကချင်ပြည်နယ်၊ မြစ်ကြီးနားမြို့၊ အင်ဂျန်ဒုံရပ်ကွက်မှာရှိတဲ့ စစ်တပ်ပိုင်  Mytel ရုံးမှာ စက်တင်ဘာ ၂၂ ရက် ည ၇ နာရီဝန်းကျင်လောက်မှာ ဗုံးပေါက်ကွဲခဲ့တယ်လို့  ‌မြို့ခံတစ်ယောက်က ပြောပါတယ်။

အင်ဂျင်ဒုံရပ်ကွက်နေ မြို့ခံတစ်ယောက်က " ဗုံးကသုံးလုံး ဆက်တိုက်ပေါက်တာပါ။ ပထမတစ်လုံးက အကျယ်ကြီးပဲကြားလိုက်ရတယ်။ ကျမတို့တတွေ သစ်ပင်အောက်မှာထိုင်နေတုန်း ဖြစ်ပျက်သွားတော့ အရမ်းကြောက်မိပါတယ်"လို့ ပြောပြပါတယ်။

အဆိုပါဗုံးပေါက်ကွဲမှုနဲ့ ပတ်သက်ပြီး ထိခိုက်ပျက်စီးမှုနဲ့ လူတွေထိခိုက် ဒဏ်ရာရမှုရှိမရှိတော့ လတ်တလော မသိရသေးပါဘူး။

စစ်‌အာဏာသိမ်းလိုက်တဲ့နောက်ပိုင်း မြစ်ကြီးနားမှာ မကြာခဏဆိုသလို ဗုံးပေါက်ကွဲမှုတွေ ဖြစ်ပွားနေတာဖြစ်ပြီး အာဏာသိမ်းစစ်ခေါင်းဆောင်ရဲ့ မြစ်ကြီးနားခရီးစဉ်အပြီး ရက်ပိုင်းအတွင်း Mytel ရုံးမှာ ဗုံးကွဲတာ ဖြစ်ပါတယ်။

4 days Ago

September 18, 2021

မြစ်ကြီးနားမြို့ ရန်ကြီးအောင်ရပ်ကွက်တွင် လုယက်မှုဖြစ်

ကချင်ပြည်နယ် မြစ်ကြီးနားမြို့၊ ရန်ကြီးအောင်ရပ်ကွက် ရက်ကန်းကျောင်းရှေ့မှာ စက်တင်ဘာ ၁၇ ရက် ညနေ ၆ နာရီလောက်မှာ လုယက်မှုဖြစ်ပွားခဲ့တယ်လို့ ဒေသခံတစ်ဦးကပြောပါတယ်။

မျက်မြင် မြို့ခံတစ်ဦးက “အမျိုးသမီးနှစ်ယောက် စီးလာတဲ့ ဆိုင်ကယ်က အနောက်မှာ ထိုင်တဲ့သူရဲ့ ဆွဲကြိုးကိုလုတာ။ လုခံရတဲ့သူက‌ မှောက်ခုံလဲကျပြီး ခေါင်းထိသွားတယ်။ ဆိုင်ကယ်မောင်းတဲ့သူနဲ့ ကလေးက ဘာမှမဖြစ်ဘူး” လို့ ပြောပါတယ်။

ဖြစ်စဉ်ဖြစ်ပွားရာကို Rescue အသင်းက ရောက်လာပြီး ဆိုင်ကယ်ပေါ်ကပြုတ်ကျသူ အမျိုးသမီးကို ချက်ချင်း ဆေးရုံပို့လိုက်ပြီး စိုးရိမ်ရတဲ့အနေအထားရှိနေတယ်လို့ သိရပါတယ်။

မြစ်ကြီးနားမြို့မှာ နေ့စဉ်ရက်ဆက် လုယက်တာတွေ ပိုမိုများလာတဲ့အတွက် ဒေသခံတွေ စိုးရိမ်ပူပန်စွာ သွားလာနေရတယ်လို့ သိရပါတယ်။

1 week Ago
More News
Up