မော်ရင်ဟို

January 26, 2021

စပါးအသင်းက ဝိုင်ကွမ်ဘီကို (၄-၁) ဂိုးဖြင့်နိုင်၊ ဂါရတ်ဘေးလ်၏ ခြေစွမ်းကို မော်ရင်ဟို ချီးကျူး

ဝိုင်ကွမ်ဘီအသင်းကို  ၄ ဂိုး ၁ ဂိုးနဲ့ အနိုင်ရခဲ့တဲ့ အက်ဖ်အေဖလား စတုတ္ထအဆင့်ပွဲစဉ်မှာ တစ်ဂိုးသွင်းယူပေးခဲ့တဲ့ တိုက်စစ်မှူး ဂါရတ်ဘေးလ်ကို စပါးနည်းပြမော်ရင်ဟိုက ချီးကျူးလိုက် ပါတယ်။

မနေ့ညက ကန်သွားတဲ့ပွဲမှာ ဘေးလ်က စပါးအသင်းအတွက် အဖိုးတန် ချေပဂိုးတစ်ဂိုးကို ပထမပိုင်းပြီးခါနီး နာကျင်အချိန်ပိုမှာ သွင်းယူပေးခဲ့ပါတယ်။ ဘေးလ်ရဲ့ဂိုး မတိုင်ခင်အထိ ဝိုင်ကွန်ဘီအသင်းက ၁ ဂိုး ဂိုးမရှိနဲ့ ဦးဆောင်ထားခဲ့တာဖြစ်ပြီး ဒီဂိုးက စပါးအသင်းအတွက် အက်ဖ်အေဖလားမှာ နောက်တဆင့် တက်နိုင်ဖို့ များစွာအထောက်အကူ ဖြစ်စေခဲ့ပါတယ်။ 

ဒုတိယပိုင်းမှာတော့ စပါးအသင်းအတွက်အနိုင်ဂိုးတွေကို  ဟယ်ရီဝင့်နဲ့ အန်ဒွမ်ဘီလီတို့က ပွဲပြီးခါနီး နောက်ဆုံး ၄ မိနစ်အတွင်း ၃ ဂိုး ဆက်တိုက်သွင်းယူပေးနိုင်ခဲ့တာ ဖြစ်ပါတယ်။

ဝိုင်ကွမ်ဘီနဲ့ပွဲက သွင်းဂိုးဟာ ဘေးလ်အတွက် ဒီရာသီ ၃ ဂိုးမြောက် သွင်းဂိုးဖြစ်ပြီး ၁၂ ပွဲ ကစားပြီးချိန်မှာ ရရှိခဲ့တာ ဖြစ်ပါတယ်။ 

ဘေးလ်ဟာ ရီးရဲလ်အသင်းကနေ အငှားလာရောက်ကစားနေတာဖြစ်ပြီး ဒီရာသီမှာ မော်ရင်ဟို အသင်းအတွက် ပွဲထွက်ခွင့်များများစားစား မရသေးဘဲ ပရီးမီးယားလိဂ် ၄ ပွဲသာ ကစားပေးထားပါတယ်။ 

ပွဲအပြီးမှာ မော်ရင်ဟိုက ဘေးလ်အနေနဲ့ ဒီထက်ပိုတဲ့ ပွဲကစားခွင့်ရသင့်ကြောင်း ပြောပြီး တောင်ပံကစားသမားကိုလည်း ဒီထက်ပိုလုပ်ပြဖို့ တွန်းအားပေးသွားခဲ့ပါတယ်။

တနင်္လာနေ့ပွဲရဲ့ စွမ်းဆောင်ရည်ကြောင့်လည်း မော်ရင်ဟိုက ဘေးလ်ဟာ စပါးအသင်းအတွက် နိုင်ပွဲမှာ ဘယ်လောက် အရေးပါခဲ့ကြောင်းကို ထောက်ပြပြောပါတယ်။

ဘေးလ်ရဲ့ စွမ်းဆောင်ရည်နဲ့ပတ်သတ်လို့ မော်ရင်ဟိုက “ဒါ တကယ်ကို ကောင်းပါတယ်။ ကောင်းမွန်တဲ့ အခိုက်အတန့်တွေရှိခဲ့ပြီး ပြိုင်ဘက်တွေကို ကျော်ဖြတ်ကာ အခွင့်အရေးတွေ ဖန်တီးနိုင်ခဲ့သလို သွင်းဂိုး ၁ ဂိုးလည်း ရရှိခဲ့ပါတယ်။ ဒီအချက်တွေအပြင် သူ မိနစ် ၉၀ ပြည့် မကစားနိုင်ဘူးလို့ ကျနော် ဘယ်တော့မှမတွေးခဲ့ပါဘူး။ သူ့ကို လူစားလဲသင့်နေပြီလို့ ကျနော့်စိတ်ထဲ မတွေးခဲ့မိသလို ဒါဟာ ကောင်းပါတယ်။ ပြိုင်ဘက်ရဲ့ ကစားပုံက အရမ်းကောင်းတာကြောင့် ဒီရလဒ်အတွက် ပျော်ရွှင်မိပါတယ်။ ကျနော်တို့ရဲ့ ပွဲထွက်ကစားသမားတွေဆီက စွမ်းဆောင်ရည်ကောင်းတွေကို မြင်တွေ့ခဲ့ရပြီး သေချာတာကတော့ ဝင့်ခ်ဟာ ဒီပွဲရဲ့ အကောင်းဆုံးကစားသမားပါ” လို့ပြောပါတယ်။

စပါးအသင်းဟာ လက်ရှိပရီးမီးယားလိဂ်အမှတ်ပေးဇယားရဲ့ အဆင့် ၅ နေရာမှာ ရှိနေပြီး ကြာသပတေးနေ့မှာ လီဗာပူးအသင်းနဲ့ ယှဉ်ပြိုင်ရမှာဖြစ်ပါတယ်။

4 months Ago

January 22, 2021

ဆောက်သမ်တန်တိုက်စစ်မှူး ဒန်နီရယ်အင့်စ်ကို  ခေါ်ယူရန် မော်ရင်ဟိုအား တိုက်တွန်း

ဒန်နီရယ်အင့်စ်အနေနဲ့ မန်စီးတီးအသင်းကို ပြောင်းပါက ရုန်းကန်ရနိုင်ပြီး စပါးအသင်းကို လာမယ်ဆိုရင် သူ့အတွက် အကောင်းဆုံး ဖြစ်လာနိုင်တယ်လို့ စပါးကစားသမားဟောင်း ဂျင်မီအိုဟားရားက ပြောပါတယ်။ ဆောက်သမ်တန်အသင်းမှာ ပြသနေတဲ့ခြေစွမ်းကြောင့် အင်္ဂလန်လက်ရွေးစင်တိုက်စစ်မှူး အင့်စ်နဲ့ ပတ်သတ်တဲ့ အပြောင်းအရွှေ့သတင်းတွေဟာ တော်တော်လေး အသံထွက်နေပါတယ်။  လီဗာပူးအသင်းမှာ ဒဏ်ရာတွေနဲ့ ရုန်းကန်ခဲ့ရပြီးနောက် အသက် ၂၈ နှစ်အရွယ်အင့်စ်ဟာ သူ့ရဲ့ ဂုဏ်သတင်းကို ထပ်မံတည်ဆောက်နိုင်ခဲ့ပြီ ဖြစ်ပါတယ်။ ဒဏ်ရာတွေ ကင်းစင်တဲ့ ကစားသမားဟာ စိန့်အသင်းအတွက် ၈၁ ပွဲမှာ ဂိုး ၄၀ သွင်းယူပေးခဲ့ပြီး လက်ရွေးစင်အသင်းအတွက်လည်း ပြန်ခေါ်ခံခဲ့ရပါတယ်။  လတ်လောသတင်းတွေအရ အင့်စ်ကို ခေါ်ချင်တဲ့အသင်းပေါင်းများစွာ ရှိနေပြီး အိုဟားရားကတော့ စပါးအသင်းက သူ့အတွက်အကောင်းဆုံးဖြစ်လာလိမ့်မယ်လို့ မှတ်ချက်ပြု ပါတယ်။  “ ဒန်နီရယ်အင့်စ်ရဲ့ ခြေစွမ်းက ထိပ်ဆုံး ၆ သင်းမှာ ဝင်ဆံ့တယ် ဆိုတာ သေချာပါတယ်။ ဒါ့ကြောင့် စပါးအသင်းအနေနဲ့ သူ့ကို ခေါ်ဖို့ ကြိုးစားသင့်ပြီး သူ့ကိုရှေ့တန်းမှာ ဟာရီကိန်းနဲ့ တွဲဖက်ကစားခိုင်းသင့်ပါတယ်။ သူရောက်လာရင် ကိန်းက ၄-၂-၃-၁ ကစားကွက်မှာ နောက်ဆင်း ကစားလို့ ရပါတယ်” လို့ ပြောပါတယ်။  ဆက်လက်ပြီး သူက “အခုလက်ရှိ စပါးရုန်းကန်နေရတဲ့ အခြေအနေဟာ ကောင်းတာ ထက်ပိုကောင်းတယ်ဆိုတဲ့ ကစားသမားက ဆွန်ဟောင်မင်တစ်ယောက်တည်း ရှိနေလို့ပါ” လို့ ဆိုပါတယ်။   လက်ရှိအချိန်မှာ ကိန်းအနေနဲ့ အရေးပါတဲ့ ဆုဖလားတွေ ဆွတ်ခူးချင်စိတ်ရှိနေတာကြောင့် စပါးအသင်းမှာ ကာလရှည်ဆက်ရှိနေမှာ မဟုတ်ဘူးဆိုတဲ့ ယူဆချက်တွေလည်း ထွက်ပေါ်နေ ပါတယ်။ 
4 months Ago
More News
Up