မော်တော်ဘုတ်

October 15, 2020

မော်တော်ဘုတ်ပေါ်မှ ပစ်ချခဲ့သည့် ကိုကင်း ၃၉ ထုတ် မက္ကဆီကိုရေတပ် သိမ်းဆည်းရရှိ

တရားမဝင် မူးယစ်ဆေးတွေ သယ်ယူပို့ဆောင်နေတယ်လို့ သံသယရှိတဲ့ မြန်နှုန်းမြင့် မော်တော်ဘုတ်တစီးနောက်ကို မက္ကဆီကို ရေတပ်က လိုက်ချိန်မှာ သမုဒ္ဒရာထဲပစ်ချထားခဲ့တဲ့ ကိုကင်းဖြစ်ပုံရတဲ့ အဖြူရောင် အမှုန့်တွေပါတဲ့ အိတ် ၃၉ ထုပ်ကို ဆယ်ယူရရှိခဲ့တယ်လို့ ရေတပ်ကို ကိုးကားပြီး အောက်တိုဘာ ၁၅ ရက်နေ့ ရိုက်တာသတင်းမှာ ဖော်ပြပါတယ်။  မက္ကဆီကိုတောင်ပိုင်း ပွာတိုချီယာပတ်စ်မြို့ တောင်-အနောက်တောင်ဘက် ရေမိုင် ၁၅၀ အကွာ ပစိဖိတ်သမုဒ္ဒရာအတွင်း အောက်တိုဘာ ၁၂ ရက်က မူးယစ်တိုက်ဖျက်မှု စစ်ဆင်ရေးကို လုပ်ခဲ့တာလို့  ဆိုပါတယ်။ မက်ဆီကိုဟာ အလယ်အမေရိက စင်္ကြန်လမ်းပေါ်မှာရှိပြီး တောင်အမေရိက မူးယစ်မှောင်ခိုဂိုဏ်းတွေက အမေရိကန်ကို မူးယစ်ဆေး မှောင်ခိုကူးတဲ့ အဓိကလမ်းကြောင်း ဖြစ်ပါတယ်။ 
10 months Ago

June 11, 2020

ဘင်္ဂလားဒေ့ရှ်နိုင်ငံမှ ကုန်ပို့ပြီးပြန်လာသည့် မော်တော်ဘုတ် ၁ စီး ပင်လယ်ထဲနစ်မြုပ် 

ဘင်္ဂလားဒေ့ရှ်နိုင်ငံကို   ကုန်ပစ္စည်းသွားပို့ပြီးပြန်လာတဲ့ မော်တော်ဘုတ် ၁ စီး ဇွန်လ ၁၀ ရက် မနက် ၁၀ ရာရီကျော်လောက်က  ရခိုင်ပြည်နယ် ရသေ့တောင်မြို့နယ်၊ ချိန်ခါလိန် ကျေးရွာအနီး ပင်လယ်ပြင်မှာ နစ်မြုပ်သွားပါတယ်။ အဆိုပါမော်တော်ဟာ ဘင်္ဂလားဒေ့ရှ်နိုင်ငံသို့ ကြက်သွန်တွေသွားပို့ပြီး ပြန်အလာ  ရသေ့တောင်မြို့နယ်၊ ကိုးတန်ကောက်အုပ်စု၊ ချိန်ခါလိန်ကျေးရွာ အနောက်ဘက် ၃ မိုင်ကျော် အကွာမှာ မော်တော်ဘုတ် ဝမ်းဗိုက်ပေါက်ပြီး နစ်မြုပ်သွားခဲ့တာဖြစ်ပါတယ်။ နစ်မြုပ်သွားတဲ့ မော်တော်ပေါ်ပါ လှေလုပ်သားတွေကို ချိန်ခါလီကျေးရွာ ရဲစခန်းရှိ တပ်ဖွဲ့ဝင်တွေက သွားရောက်ကယ်ဆယ်ထားပြီး အသေအပျောက်မရှိဘူးလို့  ချိန်ခါလိန်ကျေးရွာ စခန်းမှူးက ဒီဗွီဘီကို ပြောပါတယ်။  "လှေလုပ်သားအားလုံး ၁၂ ဦး ပါတယ်။ တစ်ဦးမှအသေအပျောက်မရှိပါဘူး။ သူတို့ကို အခု ချိန်ခါလီစခန်းမှာ လိုအပ်တဲ့ ကျန်းမာရေးစောင့်ရှောက်မှုတွေ ပေးထားတယ်။ စစ်ဆေးချက်အရ တောင်ကုတ်မြို့ကနေ ကြက်သွန်နီတွေသွားပို့ပြီး  ပြန်လာကြတာလို့ စစ်ဆေးတွေ့ရှိရတယ်။ စစ်တွေ- ရွှေမင်းကံ နယ်စပ်ကုန်သွယ်ရေးစခန်းကတဆင့် ပို့တာလို့ သိရတယ်ဗျ။ သူတို့ကို စစ်တွေကိုပြန်ပို့သွားမှပါ။”  အဆိုပါ နစ်မြုပ်သွားတဲ့ မော်တော်ဘုတ်မှာ စစ်တွေ ရွှေမင်း ကံနယ်စပ်ကုန်သွယ်ရေး စခန်းကနေ တရားဝင်ထွက်သွားတဲ့ မော်တော်မဟုတ်ကြောင်း စစ်တွေနယ်စပ်ကုန်သွယ်ရေးစခန်းမှ အကောက်အခွန်အရာရှိ ဦးကျော်စွာညိုက ပြောပါတယ်။ "အခု နစ်မြုပ်သွားတဲ့ မော်တော်ဘုတ်က စစ်တွေ ရွှေမင်းကံ နယ်စပ်ကုန်သွယ်ရေးစခန်းမှ တရားဝင်ထွက်သွားတဲ့ မော်တော်ဘုတ်လုံးဝ မဟုတ်ပါဘူးခင်ဗျ။ ကျနော်တို့ဆီက ထွက်သွားတဲ့ မော်တော်ဘုတ်စာရင်းမှာ မပါပါဘူး။ ဟုတ်တယ်ဆို ကျနော်တို့ကို အကြောင်းကြားလာရမှာပါ"လို့ ပြောဆိုပါတယ်။ ချိန်ခါလိန်ကျေးရွာ အုပ်ချုပ်ရေးမှူး ဦးထွန်းတင်စိုးကတော့ အခု နစ်မြုပ်တဲ့မော်တော်က တရားဝင်သွားရောက်ကုန်ပို့တဲ့ မော်တော်ဖြစ်တယ်လို့ ရေတပ်က ဗိုလ်မှူးတစ်ဦး ဖုန်းဆက်လာတဲ့ အကြောင်း ပြောပါတယ်။ ဘင်္ဂလားပင်လယ်အော်မှာ လေဖိအားနည်းရပ်ဝန်းရှိနေပြီး မြန်မာ့ပင်လယ်ပြင် မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တို့မှာ မိုးသက်လေပြင်းကျရောက်ပြီး လှိုင်းအသင့်အတင့်မှ လှိုင်းကြီးနိုင်တယ်လို့ မိုးဇလ ဌာနက ထုတ် ပြန်ထားပါတယ်။ သတင်း - လင်းလက်  
1 year Ago
Up