မော်စကို

June 20, 2021

မော်စကိုရှိ မီးရှူးမီးပန်းကုန်လှောင်ရုံ မီးလောင်

ရုရှားမြို့တော်၊ မော်စကိုရဲ့ မြို့လယ်ခေါင်နားက မီးရှူးမီးပန်း ကုန်လှောင်ရုံတစ်ခုမှာ ဇွန် ၁၉ ရက်က မီးလောင်လို့ ရုရှားကယ်ဆယ်ရေးသမားတွေဟာ ရဟတ်ယာဉ်တွေကိုပါ သုံးပြီး မီးကို ငြှိမ်းသတ်ခဲ့ရပါတယ်။

မတ်စ်ကလဗ်မြစ်နားက ဧရိယာမှာ မီးလောင်တာဖြစ်ပြီး အရေးပေါ် ဝန်ကြီးဌာန ရေယာဉ်တွေနဲ့ အတူ ရဟတ်ယာဉ် ၃စီးကိုပါ အရေးပေါ်အခြေ အနေအရ ဆင့်ခေါ်ခဲ့ရပါတယ်။

မီးငြှိမ်းသတ်နေချိန် မီးသတ်သမား တစ်ယောက် အသေးစား ဒဏ်ရာရခဲ့တယ်လို့ မီဒီယာတွေက ဖော်ပြပါတယ်။

1 month Ago

June 7, 2021

မော်စကိုတွင် ဒရုမ်းယာဉ် ပျံသန်းမှုပြိုင်ပွဲကျင်းပ

ရုရှားမြို့တော် မော်စကိုမှာ  ဒရုမ်းယာဉ် ပျံသန်းမှုပြိုင်ပွဲကို ဇွန် ၅ ရက်က စတင် ကျင်းပနေရာမှာ ရုရှားတနိုင်ငံလုံးက ဝါသနာအိုးတွေက သူတို့ရဲ့ နည်းပညာ ဖန်တီးမှု စွမ်းရည်တွေကို ပြသခဲ့ကြပါတယ်။

ပါဝင် ကစားသူတွေဟာ သူတို့ ကိုယ်ပိုင် ဒရုမ်းယာဉ်တွေကို ဖန်တီးခဲ့ပြီး ပြိုင်ပွဲနိုင်ဖို့ ပြိုင်ပွဲဝင်တဲ့ နေရာမှာတင် သူတို့ရဲ့ ဒရုမ်းယာဉ် မိုဒယ်ကို အပြောင်းအလဲ လုပ်ခဲ့ကြတာပါ။

ပါဝင်ဆင်နွှဲသူ အားလုံးရဲ့ ပန်းတိုင်ကတော့ ဖြစ်နိုင်သမျှ အတိုဆုံး အချိန်အတွင်း ဒရုမ်းယာဉ် ပျံတဲ့ လမ်းကြောင်း အပြီးသတ်ဖို့လို့ ဆိုပါတယ်။

၂၀၁၇ ခုနှစ်ကစ ရုရှား ဒရုမ်းယာဉ် ပြိုင်ပွဲဟာ နိုင်ငံတကာ လေကြောင်း အသင်းချုပ်က အသိအမှတ်ပြုတဲ့ တရားဝင် အားကစားနည်း အဆင့်အတန်းကို ရခဲ့ပါတယ်။

၂၀၁၈ မှာတော့ ရုရှ အားကစားဝန်ကြီးဌာနက ဒရုမ်းယာဉ် ပြိုင်ပွဲကို ရုရှ တနိုင်ငံလုံးက အားကစားနည်းတွေထဲမှာ စာရင်းသွင်းခဲ့ပါတယ်။

2 months Ago
More News
Up