မူးယစ်ဆေး

July 29, 2019

ကချင်နှင့် တနင်္သာရီတွင် ငွေကျပ်သိန်း ၇၀၀၀ ကျော်တန်ဖိုးရှိ မူးယစ်ဆေးများ ဖမ်းမိ

ကချင်ပြည်နယ် ဝိုင်းမော်မြို့နယ်နဲ့ တနင်္သာရီတိုင်း ရေဖြူမြို့နယ်တို့မှာ ငွေကျပ် ၇၀၀၀ ကျော်တန်ဖိုးရှိ မူးယစ်ဆေးတွေ ဖမ်းဆီးမိခဲ့တယ်လို့ ပြည်ထဲရေးက ထုတ်ပြန်ပါတယ်။ ဇူလိုင် ၂၇ ရက် မနက်က မြစ်ကြီးနား မူးယစ်တပ်ဖွဲ့စု ၂ က တပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့ဟာ ဝိုင်းမော်မြို့နယ်၊ ဗလမင်းထင် ပူးပေါင်းစစ်ဆေးရေးဂိတ်မှာ ခွန်ဆန် မောင်းနှင်ပြီး ခွန်ဆိုင်း လိုက်ပါလာတဲ့ GRANDIS အမျိုးအစား မော်တော်ယာဉ်ကို ရပ်တန့်ရှာဖွေရာမှာ  ငွေကျပ် ၁,၉၂၇ ဒသမ ၂ သိန်း တန်ဖိုးရှိ ဘိန်းဖြူ ၂ ဒသမ ၄၀၉ ကီလိုနဲ့ လက်ကိုင်ဖုန်း ၂ လုံးတို့ကို သိမ်းဆည်းရမိခဲ့တာပါ။ အလားတူ တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ်မှာလည်း ဇူလိုင် ၂၇ ရက် မွန်းလွဲပိုင်းက ထားဝယ်ခရိုင် ရဲတပ်ဖွဲ့မှ တပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က ရေဖြူမြို့နယ်၊ ပရဒတ်ကျေးရွာအုပ်စု၊ ဘဝါကျေးရွာနေ မြင့်ထွန်းရဲ့ ဥယျာဉ်ခြံတဲကို ရှာဖွေရာ တဲအနောက်ဘက်ရှိ မြေကြီးအတွင်းမှ ငွေကျပ် ၅,၆၈၁ ဒသမ ၆ သိန်း တန်ဖိုးရှိ အိုက်စ်မူးယစ်ဆေး ၁၄ ဒသမ ၂၀၄ ကီလို သိမ်းဆည်းရမိခဲ့ပါတယ်။ အဲဒီ မူးယစ်ဆေးဝါး ဖမ်းဆီးရမိမှုတွေနဲ့ ပတ်သက်ပြီး ခွန်ဆန်၊ ခွန်ဆိုင်းနဲ့ မြင့်ထွန်းတို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားတယ်လို့ သိရပါတယ်။
2 years Ago

July 27, 2019

မြိတ်တွင် သိန်း ၅ထောင်ကျော်တန်ဖိုးရှိ မူးယစ်ဆေးများ ဖမ်းမိ

တနင်္သာရီတိုင်း၊ မြိတ်မြို့၊ ကလွင်ကျေးရွာအုပ်စု ၊ တက္ကသိုလ်ရပ်ကွက်မှာ ဇူလိုင် ၂၆ ရက်၊ ညနေ ၅ နာရီလောက် သိန်း ၅ ထောင်ကျော်တန်ဖိုးရှိ မူးယစ်ဆေးတွေ ဖမ်းဆီးရမိတယ်လို့ မြို့မရဲစခန်းက ပြောပါတယ်။ တက္ကသိုလ်ရပ်ကွက်၊ ချမ်းမြေ့သာယာလမ်းရှိ စိုးမင်းခိုင်(ခ)အငယ်လေးရဲ့ နေအိမ်မှာ မူးယစ်ဆေးရောင်းဝယ်နေကြောင်း သတင်းအရ မြိတ်ခရိုင်မှုခင်းနှိမ်နင်းရေးအဖွဲ့နဲ့ နယ်ထိန်းဒုရဲအုပ်မြင့်ဇော် ဦးဆောင်တဲ့အဖွဲ့ပူးပေါင်းပြီး ဝင်ရောက်ရှာဖွေရာမှာ WY မူးယစ်ဆေးပြာ ၉ သောင်း ၃ ထောင် နဲ့ ICE မူးယစ်ဆေး ၂ ကီလိုဂရမ် ဖမ်းဆီးရမိခဲ့တာပါ။ "မူးယစ်ဆေးရောင်းနေတယ် သတင်းရလို့ ကျနော်တို့အဖွဲ့က ဖမ်းဝရမ်းနဲ့ဝင်ရှာတော့ စိုးမင်းခိုင်ကို သူ့အိမ်အပေါ်ထပ် အိပ်ခန်းဝမှာ ခရီးဆောင်အိတ် ၁ လုံး ပိုက်ထားလျက်နဲ့တွေ့တယ်။ သူ့အိတ်ကို သက်သေတွေရှေ့မှာ ဖွင့်ရှာတော့ WY ဆေးပြား ၉ သောင်း ၃ ထောင်နဲ့ ICE မူးယစ်ဆေး ၂ ကီလိုဂရမ် ဖမ်းမိတယ်။ ဒေသပေါက်ဈေးနဲ့ဆိုရင် ၂ မျိုးပေါင်း ကျပ်သိန်းပေါင်း ၅,၄၅၀ တန်ဖိုးရှိပါတယ်။ မူးယစ်ဆေးရောင်းဝယ်ဖြန့်ဖြူးရာမှာ အသုံးပြုတဲ့ Hilux အမျိုးအစား ကားတစီး၊ Wave-125 အမျိုးအစား ဆိုင်ကယ် ၁ စီးနဲ့ လက်ကိုင်ဖုန်း ၂ လုံးကို သိမ်းဆည်းထားတယ်"လို့ မြို့မရဲစခန်းမှ နယ်ထိန်းဒုရဲအုပ် မြင့်ဇော်က ပြောပါတယ်။ မူးယစ်ဆေးဝါးများ လက်ဝယ်ထားရှိ ဖြန့်ဖြူးရောင်းချသူ စိုးမင်းခိုင် (ခ) အငယ်လေး အား မြိတ်မြို့မရဲစခန်းက မူး/စိတ် ပုဒ်မ ၁၉ (က) နဲ့ အရေးယူထားပြီး ကွင်းဆက်တရားခံအားဖမ်းဆီးရမိရေး ဆက်လက်စစ်ဆေးနေတယ်လို့ သိရပါတယ်။ မြတ်ထွဋ် (မြိတ်)
2 years Ago
More News
Up