မုံရွေး

September 28, 2021

မုံရွေး ကြေးမုံကျေးရွာက ဒလန်သတင်းပေး အုပ်ချုပ်ရေးမှူး အသတ်ခံရ

စစ်ကိုင်းတိုင်း၊ မုံရွာမြို့နယ်၊ မုံရွေး ကြေးမုံကျေးရွာက ဒလန်သတင်းပေး အုပ်ချုပ်ရေးမှူး  စက်တင်ဘာ ၂၈ နေ့လယ်ပိုင်းက ဓားနဲ့ အထိုးခံရလို့ သေဆုံးသွားပါတယ်။

သေဆုံးသူ အုပ်ချုပ်ရေးမှူး ဦးမြတ်ကျော်ကို လယ်တောထဲမှာ ဓားနဲ့ အမည်မသိလူတစ်စုက ထိုးသတ်သွားပြီး အိပ်ပျော်နေတဲ့ ပုံစံနဲ့ ထားခဲ့တာလို့ ဒေသခံတွေက ပြောပါတယ်။

မုံရွေးဒေသခံတစ်ဦးက "အုပ်ချုပ်ရေးမှူး မြတ်ကျော်က ဒလန် သတင်းပေးဆိုပြီး နာမည်ထွက်နေတယ်။ လယ်တောထဲက အိမ်မှာဓားနဲ့ ထိုးသတ်သွားတာ ဘယ်သူ လုပ်သွားလဲတော့မသိဘူး။ သူက ပျူစောထီးတွေနဲ့လည်း ဆက်သွယ်တယ်" လို့ ပြောပါတယ်။

မုံရွေး ကြေးမုံရွာမှာ စက်တင်ဘာ ၂၇ ညနေပိုင်းက  စစ်ကောင်စီ တပ်ဖွဲ့ဝင်တွေ ကျေးရွာကို ဝိုင်းထားပြီး ပြည်သူ ၂ ဦးကို ပစ်သတ်ကာ ၁၀ ဦး ထက်မနည်း ပြည်သူတွေကို ရိုက်နှက် ဖမ်းဆီးခံခဲ့ရပါတယ်။

မုံရွေးကြေးမုံရွာဟာ အာဏာသိမ်းပြီးနောက်ပိုင်း စစ်အာဏာရှင်ဆန့်ကျင်ရေး ဆန္ဒပြတာတွေ နေ့စဉ်ပြုလုပ်နေတဲ့ဒေသ ဖြစ်ပါတယ်။

2 months Ago

May 10, 2021

မုံရွေး ကြေးမုံလူထုက စစ်ကျွန်ပညာရေးစနစ်အလိုမရှိကြောင်း ဆန္ဒပြ

စစ်ကိုင်းတိုင်းဒေသကြီး မုံရွေး ကြေးမုံရွာမှာ မေ ၁၀ ရက်က  CDM ဆရာ၊ ဆရာမတွေ ကျောင်းသားကျောင်းသူတွေနဲ့ မိဘပြည်သူတွေ စုပေါင်းထားတဲ့ မုံရွေး ကြေးမုံ လူထုသပိတ်စစ်ကြောင်းက စစ်ကျွန်ပညာရေးစနစ် အလိုမရှိကြောင်း ဆန္ဒပြခဲ့ပါတယ်။

7 months Ago
Up