မီးလောင်မှု

May 4, 2021

ပုသိမ်မြို့တွင် မီးလောင်၊ နေအိမ် ၅ လုံးပျက်စီးဆုံးရှုံး

ဧရာဝတီတိုင်း၊ ပုသိမ်မြို့၊ ငါးပြားလမ်းမှာ မေလ ၅ ရက်နေ့ မနက်အစောပိုင်းက မီးလောင်မှုဖြစ်ပွားခဲ့ပါတယ်။

မနက် ၄ နာရီခွဲလောက်က စတင်မီးလောင်ခဲ့တာဖြစ်ပြီး ၅ နာရီကျော်လောက်မှ မီးထိန်းနိုင်ခဲ့ပေမယ့် လူနေအိမ် ၅ လုံးလောက် မီးလောင်ဆုံးရှုံးသွားတယ်လို့ ဒေသခံတွေက ပြောပါတယ်။

မီးစတင်လောင်ကျွမ်းရတဲ့ အခြေအနေနဲ့ ထိခိုက်ဒဏ်ရာရရှိတဲ့ အခြေအနေတွေကို အတိအကျ မသိရသေးပါတယ်။

လက်ရှိအချိန်မှာတော့ မီးလောင်ရာနေရာကို အကြမ်းဖက်စစ်ကောင်စီရဲ့ လက်နက်ကိုင်တပ်တွေရောက်ရှိနေပြီး စစ်ဆေးနေပါတယ်။ ပုသိမ်မြို့မှာ အာဏာသိမ်းမှုနောက်ပိုင်း ဒုတိယအကြိမ်မီးလောင်မှု ဖြစ်ပွားခဲ့တာဖြစ်ပါတယ်။

4 days Ago

April 8, 2021

မင်းဘူး မန်းရေနံမြေတွင် မီးလောင်၊ ကျပ်သိန်း ၁၇၀ ဖိုးခန့်ဆုံးရှုံး

မကွေးတိုင်း၊ မင်းဘူးမြို့နယ်ထဲက မန်းရေနံမြေ သန်ကန်တန်း(၁)မှာ ဧပြီ ၇ ရက် ညက မီးလောင်မှုဖြစ်ပွားခဲ့ရာမှာ ကျပ်ငွေ သိန်း ၁၇၀ ဖိုးလောက် မီးလောင်ဆုံးရှုံးခဲ့တယ်လို့  ဒေသခံတွေဆီကနေသိရပါတယ်။

ဧပြီ ၇ ရက် ည ၈ နာရီကျော်ကနေ ၉ နာရီကျော်လောင်ထိ အချိန်တစ်နာရီခန့်ကြာ လောင်ကျွမ်းခဲ့တာဖြစ်ပြီးတော့ အဲဒီမီးလောင်ကျွမ်းတဲ့နေရာကို မီးသတ်ကား ၇ စီး၊ ရဲကား ၄ စီး ၊ အချုပ်ကား ၁ စီးနဲ့ စစ်ကား ၃ စီးလောက် ဖြတ်သွားတာတွေ့ရတယ်လို့ မြို့ခံတစ်ဦးက ပြောပါတယ်။

သန်ကန်တန်း(၁)မှာရှိတဲ့ အမှိုက်ကန်ကနေ စတင်လောင်ကျွမ်းတာဖြစ်ပြီးတော့ မီးလောင်တဲ့အကြောင်းရင်းကို သိရှိနိုင်ဖို့ အာဏာသိမ်းစစ်ကောင်စီရဲ့ တာဝန်ရှိသူတွေက မန်းရေနံမြေ လုံခြုံရေးဝန်ထမ်းတွေကို ခေါ်ယူစစ်ဆေးနေပါတယ်။

4 weeks Ago
More News
Up