မီးရှို့ဆန္ဒပြ

April 8, 2021

ကျိုက်ထိုမြို့၌ တရုတ်အလံနှင့် အကြမ်းဖက်စစ်ခေါင်းဆောင်၏ ဓာတ်ပုံကို မီးရှို့ဆန္ဒပြ

မွန်ပြည်နယ်၊ ကျိုက်ထိုမြို့က ကျောင်းသားနဲ့ ပြည်သူတွေဟာ ဧပြီ ၈ ရက်နေ့မှာ တရုတ်နိုင်ငံအလံ၊  အကြမ်းဖက်စစ်ခေါင်းဆောင် ဗိုလ်ချုပ်မှူးကြီးနဲ့  စစ်ကောင်စီအဖွဲ့ဝင်တွေရဲ့ ဓာတ်ပုံတွေကို မီးရှို့ ဆန္ဒပြခဲ့ကြပါတယ်။

တရုတ်နိုင်ငံဟာ မြန်မာပြည်သူလူထုကို မကြည့်ဘဲ အာဏာသိမ်း စစ်ကောင်စီနဲ့အတူ ရပ်တည်နေတဲ့အတွက်ကြောင့် ကန့်ကွက်ရူတ်ချတဲ့အနေနဲ့ အခုလို လုပ်ဆောင်ရလို့ လူငယ်တစ်ဦးက ပြောတယ်။

ကျိုက်ထိုမှာတော့ ကျောင်းသား၊ ပြည်သူတွေဟာ အာဏာသိမ်း အကြမ်းဖက်စစ်ကောင်စီကို သပိတ်မျိုးစုံပြုလုပ်ပြီး တော်လှန်နေတာဖြစ်ပြီး အရေးတော်ပုံကာလမှာ အကြမ်းဖက် စစ်တပ်နဲ့ ရဲတပ်ဖွဲ့ ပစ်ခတ်မှုကြောင့် ပြည်သူ ၁ ဦး သေဆုံးထားပါတယ်။

1 month Ago

မန္တလေးတွင် တရုတ်သမ္မတ၏ရုပ်ပုံများကို မီးရှို့ဆန္ဒပြ

မန္တလေးမြို့မှာ အာဏာသိမ်းစစ်ကောင်စီကိုအကာအကွယ်ပေးနေတဲ့ တရုတ်နိုင်ငံကို ရှုတ်ချတဲ့အနေနဲ့ ဆန္ဒပြပြည်သူတွေက ဒီကနေ့ ဧပြီ ၈ ရက်နေ့မှာ   တရုတ်သမ္မတရဲ့ ပုံတွေကို မီးရှို့ ဆန္ဒပြခဲ့ကြပါတယ်။

စစ်အာဏာရှင်စနစ်ပြုတ်ကျရေးအတွက် နေ့စဉ်အမြဲချီတက်ဆန္ဒပြနေတဲ့ မန္တလေး သံဃသမဂ္ဂစစ်ကြောင်းဟာလည်း ဒီကနေ့ မွန်းလွဲပိုင်းက ချီတက်ဆန္ဒပြခဲ့ကြပါတယ်။

မန္တလေး သံဃသမဂ္ဂစစ်ကြောင်းမှာ ကျောင်းတိုက်ပေါင်းစုံက ဆရာတော် သံဃာတော်တွေအပြင် လူငယ်လူရွယ်တွေပါ ပူးပေါင်းပါဝင်ခဲ့ပြီး စစ်အာဏာရှင်ကျဆုံးရေး၊ ဖက်ဒရယ်ဒီမိုကရေစီစနစ် ပေါ်ပေါက်ရေး၊ ဖမ်းဆီးခံထားရသူတွေ လွှတ်ပေးရေး စတာတွေကို ငြိမ်းချမ်းစွာတောင်းဆိုခဲ့ကြပါတယ်။

1 month Ago

April 1, 2021

၂၀၀၈ ဖွဲ့စည်းပုံအခြေခံဥပဒေကို မီးရှို့ဆန္ဒပြ

မန္တလေးမြို့ ချမ်းမြသာစည်မြို့နယ် မနော်ဟရီလမ်းပေါ်မှာ အာဏာရှင်စနစ် ပြုတ်ကျရေး တောင်းဆိုသူတွေက  ဧပြီ ၁ ရက်နေ့က ၂၀၀၈ ဖွဲ့စည်းပုံ အခြေခံဥပဒေကို မီးရှို့ဖျက်သိမ်းတဲ့ လှုပ်ရှားမှု လုပ်ခဲ့ပါတယ်။

အဲ့ဒီလှုပ်ရှားမှုမှာ ဗကသ သပိတ်စစ်ကြောင်း၊ ဘုရားကြီးငြိမ်းချမ်းရေး သပိတ်စစ်ကြောင်း၊ ပညာရေးသပိတ်စစ်ကြောင်း၊ ဒေါင်းစစ်သည် သပိတ်စစ်ကြောင်း တို့ ပူးပေါင်းပါဝင်ခဲ့ပြီး ထိုင်သပိတ် လုပ်ခဲ့ကြပါသေးတယ်။

ဒါ့အပြင် စစ်အာဏာရှင်ကျဆုံးရေး၊ ၂၀၀၈ အခြေခံဥပဒေဖျက်သိမ်းရေး၊ ဖက်ဒရယ် ဒီမိုကရေစီစနစ် ပေါ်ပေါက်ရေး၊ ဖမ်းဆီးခံထားရသူတွေ လွှတ်ပေးရေး စတာတွေကို ငြိမ်းချမ်းစွာ တောင်းဆိုခဲ့ကြပြီး အန္တရာယ်ကင်းကင်း လူစုခွဲခဲ့ကြပါတယ်။

၂၀၀၈ ဖွဲ့စည်းပုံ အခြေခံဥပဒေကို အပြီးသတ်ဖျက်သိမ်းကြောင်း ပြည်ထောင်စုလွှတ်တော် ကိုယ်စားပြုကော်မတီ (CRPH) က မတ်လ ၃၁ ရက်မှာ ကြေညာထားပါတယ်။ 

1 month Ago
Up