မီးစဉ်ကြည့်ကရတဲ့ မင်္ဂလာ ဓာတ်ပုံဆရာဘ၀

June 7, 2015

တွင်ကျယ်ခေတ်စားတဲ့ ယောဂ

မန္တလေးမြို့လယ် ဖူးကျင့် ဗုဒ္ဓဘာသာဘုရားကျောင်း သုံးထပ်ခန်းမဆောင်ကြီးရဲ့ ခေါင်မိုး ပေါ်မှာ လူ ၅၀ ကျော်လောက် လက်အုပ်ချီပြီး ထိုင်နေကြတယ်။ ‘ယိုဂေန ကျိဿစယ ပဒေန ၀ါကျာ(မ်)… မလ(မ်) သျှရီစယ ကျ ၀ဲဒျကေန……….’ ကွန်ကရစ်အမိုးပြင်ပေါ်မှာ ကော်ဇောတွေခင်း၊ ကိုယ်ပိုင်အခင်းတွေပေါ်မှာ ထိုင်ကာ ရှေ့က စင်မြင့်ပေါ်ရှိ ဆရာက တိုင်ပေးတဲ့အတိုင်း အားလုံးက သံပြိုင်ညီညာ လိုက်ဆို နေကြပါတယ်။ သူတို့အားလုံးဟာ ပတဉ္ဇလီ ရသေ့ကြီးကို ကန်တော့နေကြတာပါ။ မြင်ကွင်းက နည်းနည်းတော့ထူးတယ်။ စင်မြင့်ပေါ်က ဆရာက နဖူးမှာ သနပ်ခါး တို့ထားပြီး ဒိုတီဝတ်ထားတဲ့ ဗြဟ္မနွယ်ဖွား။ တပည့်တွေ က တရုတ်၊ ဗမာ၊ ရှမ်း၊ ကုလား၊ ကရင်၊ ကချင် လူမျိုးပေါင်းစုံ။ နေရာက တရုတ်ဘုံကျောင်း၊ သူတို့ကန်တော့နေတာက လွန်ခဲ့တဲ့ နှစ်ပေါင်း ထောင်နဲ့ချီတဲ့ ကာလက အိန္ဒိယမှာ ရှိခဲ့တဲ့ ရသေ့ကြီး။ ပတဉ္ဇလီရသေ့ကြီးဟာ ယောဂ (Yoga) ကို ထုတ်ဖော်ခဲ့သူအဖြစ် သိမှတ်ထားကြတယ်။ ယခု ပရိသတ်ကလည်း မနက်စောစော ယောဂ မကျင့်ခင် ရသေ့ကြီးကို ကန်တော့နေကြတာပါ။ ယောဂကျင့်တာ တွင်ကျယ်ခေတ်စားလာတယ်။ ဇွန် ၂၁ ရက်ကို နိုင်ငံတကာ ယောဂနေ့အဖြစ် သတ်မှတ်ကာ အိန္ဒိယနိုင်ငံက ကမ္ဘာတ၀ှမ်းမှာ ကျယ်ကျယ်ပြန့်ပြန့် လုပ်ဖို့ စည်းရုံးဆော်သြနေပါတယ်။ မြန်မာနိုင်ငံမှာလည်း ယောဂကို စိတ်ဝင်စားသူ များလာတယ်။ တီဗီအစီအစဉ်က လာတဲ့ ယောဂ လုပ်ပုံကိုင်ပုံကို စိတ်ဝင်တစား စောင့်ကြည့်သူတွေ ရှိတယ်။ ယောဂ အကြောင်း စာအုပ်တွေ လှိမ့်ထွက်နေပြီး ရောင်းနေရတယ်။ ယောဂဆရာမ လှလှလေးတွေက ဗီစီဒီ အချပ်တွေ ရိုက်ဖြန့်တယ်။ ယောဂသင်တန်းတွေ အများကြီး ရှိလာတယ်။ သူ့နေရာနဲ့သူ သူ့ဆရာ နဲ့ သူနေရာအနှံ့မှာ ယောဂ လုပ်ကြတယ်။ အချို့ကလည်း ဆရာ ကို အိမ်မှာ သီးခြားခေါ်ပြီး ကျင့်တယ်။ အချို့က သင်တန်းခန်းမကိုသွားပြီး ကျင့်တယ်။ မန္တလေးမြို့မှာတော့ ဖူးကျင့် ဗုဒ္ဓဘာသာဘုရားကျောင်း ခန်းမဆောင်မှာ လူအများ စုပေါင်းပြီး ယောဂ လုပ်ကြတယ်။ လမ်း ၃၀၊ ၈၂နဲ့ ၈၃ လမ်းကြားအတွင်းမှာရှိတဲ့ ဖူးကျင့် ဘုံကျောင်းဝင်းက ကျယ်တယ်။ ဒါကြောင့် လာတဲ့သူတွေရဲ့ ကား၊ ဆိုင်ကယ်တွေ ရပ်နားစရာနေရာ ရှိတယ်။ ခန်းမ ဆောင်ကြီး ကလည်း အကျယ်ကြီး၊ ၃ ထပ်တောင်ရှိတယ်။ မင်္ဂလာဧည့်ခံပွဲတွေ၊ ကပွဲတွေ ကောင်းကောင်း နွှဲနိုင်တယ်။ ဖူးကျင့်ဘုရားကျောင်း ဂေါပကလူကြီးတွေကလည်း ယောဂအလုပ်ကို အားပေးတယ်။ ဆောင်းတွင်းဆိုရင် အဆောက်အဦးအတွင်း ခန်းမဆောင်မှာ၊ နွေဆိုရင် လေးထပ် ခေါင်မိုးပေါ်မှာ လူ ၁၀၀ လောက် အေးဆေး ယောဂ လုပ်နိုင်ကြတယ်။ မိုးရွာနေပူ တရက်ပြီးတရက် လူ ၅၀ ကျော် ယောဂလာလုပ်နေတယ်။ ယောဂ နည်းတွေကို ဦးဆောင်သင်ပြပေးနေသူက ဆရာ ဦးလှညွန့်ပါ။ သူက ဗြဟ္မဏ နွယ်ဖွားဖြစ်တယ်။ ယောဂကို စိတ်ဝင်စားပြီး  စနစ်တ ကျသင်ယူထားတယ်။ ယောဂအကြောင်း အိန္ဒိယက ထုတ်တဲ့စာအုပ်တွေကို ပင်ရင်းဘာသာစကားနဲ့ ဖတ်ရှု့ လေ့လာထားတယ်။ သူ သိသမျှကို အခကြေးငွေမယူဘဲ မျှဝေပေးတယ်။ ဆရာ ဦးလှညွန့်က ယောဂသင်တန်းကို မနက်တိုင်း ဖူးကျင့်ဘုရားကျောင်းမှာ၊ ညနေတိုင်း သူ့နေအိမ်မှာ ဦးဆောင်လေ့ကျင့်ပေးတယ်။ Road to Mandalay အပျော်စီးသင်္ဘောကြီးကလည်း ဆရာ ဦးလှညွန့်ကို ဖိတ်ခေါ်ပြီး သင်္ဘောစီး နိုင်ငံခြားသားတွေကို ယောဂ လေ့ကျင့်ပေးစေပါတယ်။ မန္တလေးမြို့မှာ ဆရာ ဦးလှညွန့်ရဲ့ လက်သင်တပည့်အချို့ကလည်း ယောဂကို ဦးဆောင် သင်ပြပေးနေတယ်။ ယောဂလေ့ကျင့်သူတိုင်း တညီတညွတ်တည်းပြောကြတာကတော့ ယောဂလုပ်ထားရင် တနေကုန် နေရထိုင်ရတာ ပေါ့ပါးတယ်။ ညောင်းညာကိုက်ခဲခြင်း မရှိဘူးဆိုတာ ပါပဲ။ ယောဂလုပ်သူတိုင်းမှာ သိသာတာကတော့ ပျော့ပျောင်းခြင်းပါပဲ။ တဦးချင်းအနေနဲ့ ယောဂလုပ်ပြီးတဲ့နောက်မှာ အဆီကြိတ်တွေ သေးသွားတယ်ဆိုသူ၊ အရိုးကျီးပေါင်းတက်တာ သက်သာတယ်ဆိုတဲ့သူ၊ ၀မ်းမချုပ်တော့ဘူး ဆိုတဲ့သူ အတွေ့အကြုံ အမျိုးစုံကို ပြောပြချင်သူတွေလည်း အများကြီးတွေ့ရတယ်။ ခေတ်စားလာတဲ့ယောဂ ကို မြန်မာနိုင်ငံမှာ အတွင်ကျယ်ဆုံး လုပ်နေသူတွေကတော့ မန္တလေးမြို့က ဆရာဦးလှညွန့်နဲ့ အဖွဲ့တော်သားတွေပါပဲ။ ကျော်ရင်မြင့် [gallery ids="96439,96440,96441,96442"]
6 years Ago

April 16, 2015

မီးစဉ်ကြည့်ကရတဲ့ မင်္ဂလာ ဓာတ်ပုံဆရာဘ၀

မင်္ဂလာဆောင်တိုင်းလိုလို မှတ်တမ်းအဖြစ် ဓာတ်ပုံ ဗွီဒီယို ရိုက်ကြပါတယ်။ တသက်မှာ တခါပဲကြုံရတာမျိုးမို့ မှတ်တမ်းလေး ကောင်းကောင်းမွန်မွန် ဖြစ်ချင်တယ်။ မင်္ဂလာဆောင် ဓာတ်ပုံ ဗွီဒီယိုဆရာတွေဟာ ဦးစားပေးခံကြရတယ်။ ဒါပေမယ့်လည်း ခမျာများမှာ အချိုးမပြေ အဆင်မချောတာတွေလည်း အများသားပါပဲ။ မင်္ဂလာ ဓာတ်ပုံ၊ ဗွီဒီယိုရိုက်ကူးရာမှာ ထိပ်ဆုံးတန်းက နေရာရနေတဲ့ ကိုဇော်ဇော် (ဘိုဓာတ်ပုံ) က သူ့လုပ်ငန်းကို ပြောပြတယ်။ “မင်္ဂလာဆောင် ဓာတ်ပုံရိုက်ရတော့မယ်ဆိုရင် ကျနော်က မင်္ဂလာပွဲမစခင် အစောကြီးကတည်းက မင်္ဂလာပွဲလုပ်မယ့် ခန်းမကိုသွားတာ။ မုန့်ပွဲပြင်တဲ့ နေရာလိုဟာ မျိုးမှာ ခပ်စွာစွာ အမျိုးသမီးကြီးရှိတတ်တယ်။ သူ့ကို ခင်အောင်အရင်ပေါင်းရတယ်။ ပြီးရင် သတို့သမီး သတို့သားအကြောင်း မင်္ဂလာဆောင်အကြောင်းသူ့ဆီက သိရတယ်။” အချို့ကလည်း အရေးပါ အရာရောက်ချင်တယ်။ လူရာဝင်ချင်တယ်။ သူသိသူ တတ် ဖြစ်ချင်တယ်။ အဲဒီလို လူတွေက နေရာတိုင်းမှာ ရှိနေတာပါပဲ။ မင်္ဂလာ ဓာတ်ပုံဆရာက ဘာကြောင့် မင်္ဂလာဆောင်အကြောင်း၊ သတို့သား သတို့သမီးအကြောင်း စပ်စုဖို့ လိုပါလိမ့်။ သူ့အလုပ်က မှတ်တမ်းတင်ပေးရုံ မဟုတ်လား။ “သတို့သားက ပထမအိမ်ထောင်ရှိတယ် ဆိုတာမျိုးသိရင် ဗွီဒီယိုရိုက်ပြီး အခွေ အချောကိုင်ရာမှာ ချစ်ဦးသူ ဆိုတဲ့ သီချင်းမျိုးပါမသွားအောင် ဂရုစိုက်ရမယ်။ သတို့သမီး အဖေ က သေတာ မကြာသေးဘူးဆိုရင် မိသားစုတွေ Group ဓာတ်ပုံရိုက်ကြတဲ့အခါ သတို့သမီး အဖေ ဘယ်မှာလဲ ခေါ်လေပြုလေ ပြောမိရင် သတို့သမီးက ငိုမှာပဲ။ ငိုရင် မျက်လုံးတွေဘာတွေ ပွတ်ပစ်လိုက်ရင် ရှဲဒိုးတွေ ပျက်ကုန်မယ်။ မည်းကုန်မယ်။အလှ တွေ ပျက်ကုန်မယ်။” တခါတရံမှာ မင်္ဂလာဆောင်ကုန်ကျစရိတ်တွေကို ကျခံပေးတဲ့ ခေတ်အခေါ် Sponsor အဒေါ်တွေ၊ အန်ကယ်ကြီးတွေ ရှိတတ်တယ်။ ဗွီဒီယိုဓာတ်ပုံဆရာက Sponsor လူကြီးမင်းကို မသိမသာ နေရာပေးပြီး ရိုက်ရင် အရာရာ အိုကေ စိုပြည်တာပဲ။ မင်္ဂလာဆောင်မှာ နှစ်ဘက်အားပြိုင်တာမျိုးရှိတတ်တယ်။ အားချင်းပြိုင်တဲ့အခါ ပြဿနာမရှိ ပြဿနာရှာတတ်တယ်။ သူ့ဟာသူ လောင်ချင်နေတဲ့ ယမ်းပုံကြီးက ရှိပြီးသား၊ အခမ်းအနားတခုလုံးမှာ တောင်သွားမြောက်သွား မျက်စိအောက်မှာ တောက်တောက် တောက်တောက် လျှောက်နေတဲ့ ဓာတ်ပုံ ဗွီဒီယိုဆရာက ယမ်းပုံနားက မီးပွား ဖြစ်တတ်တယ်။ ဓာတ်ပုံဆရာကို ပြဿနာ မီးမွေးချင်သူက မျက်စိနောက်နေတာ။ သတို့သမီး ဘက်ကလူတွေကို ဓာတ်ပုံရိုက်နေခါမှ သတို့သားဘက်က (တမင်) ကောက်ခေါ်တယ်။ ဓာတ်ပုံဆရာ လာစမ်း၊ ဒါရိုက်စမ်း။ ဟုတ်ကဲ့ ဒါလေးရိုက်ပြီးရင် ရိုက်ပေးပါမယ်လို့ ဖြေမိရင်တော့ သေလောက်တဲ့ မိုင်း နင်းမိတာပါပဲ။ ငါခေါ်နေတာ အလေးမထားဘူးလား။ မင်း တို့က သူတို့ဘက်မှ လူထင်တာလား ဘာလား ညာလားနဲ့ ဘာမဟုတ်တာ ပြဿနာ လုပ်တော့တာပါပဲ။ မကြေလည်တဲ့အခံကရှိပြီးသားမို့ ချိတ်ချိတ်ခြင်း ချိတ်ကုန်ကြတယ်။ အချောင်နေရင်း ဓာတ်ပုံဆရာကြောင့်ဖြစ်တာလို့ အပြစ်ပုံချခံရတာပဲ။ ဒါကြောင့် မင်္ဂလာ ဓာတ်ပုံ ဗွီဒီယိုဆရာက ဘယ်ဘက်က အားသာသလဲဆိုတာမျိုးလည်း ကြိုတင်လေ့လာထားရပါသေးတယ်။ အခြေအနေက မဟန်လောက်ရင် ရသင့်တဲ့မှတ်တမ်းကို အမြန်ရ အောင်ရိုက်ပြီး ကင်မရာပိုက်ပြေးရတာမျိုးလည်း ရှိတတ်သေးတယ်။ မင်္ဂလာဆောင်တိုင်းမှာ အားစမ်းမှူကတော့ ရှိစမြဲပဲ။ မယားနေစ ကြောင်သေမှ တို့၊ လင်နေစ ဆင်သေမှတို့ မြှောက်ထိုးပင့်ကော် စကားတွေကလည်း ရှိပြီးသားမို့ အစ ကနဦးမှာ ဦးကျိုးအောင်ချိုးချင်တဲ့ နှစ်ဘက်အသိုင်းအ၀န်းကလည်း ရှိတတ်သေးတယ်။ အများဆုံး ပြဿနာ ကြုံကြရတာကတော့ မင်္ဂလာစင်မြင့်ပေါ်မှာ သတို့သား သတို့သမီး အမည်တွေပါတဲ့ နောက်ခံကန့်လန့်ကာ Backdrop ရှေ့မှာ ဓာတ်ပုံရိုက်ကြတဲ့ အချိန်ပါပဲ။ 1မညှာမတာ ပြောရရင် ဓာတ်ပုံဖိုးကို ကိုယ်ပေးရတာ မဟုတ်တော့ ရိုက်ချင်သူက များတယ်။ နှစ်ဘက်လုံးကဆွေတွေမျိုးတွေက အလျှိုအလျှို စင်မြင့်ပေါ်အလုအရက် တက်ပြီး အားမနာတမ်းရိုက်ကြလေ့ရှိတယ်။ ဒီအချိန်မှာ သူ့ဘက်ကိုယ့်ဘက် အားပြိုင်တာပဲ။ ဓာတ်ပုံဆရာက ခပ်နုံနုံမို့ တက်လာသမျှ ရိုက်ပေးနေရင် မရိုက်ရသေးဘဲ စောင့်နေရတဲ့ဘက်က ပြဿနာ လုပ်တော့တာပါပဲ။ ပါးနပ်တဲ့ ဓာတ်ပုံဆရာကတော့ သတို့သားဘက်က မိဘ နဲ့ ဦးကြီးဦးလေး တွေကို စင်ပေါ် အရင်တင်ပြီး ရိုက်ပေးတယ်။ ပြီးရင် သတို့သမီးဘက်က မိဘ နဲ့ ဦးကြီး ဦးလေးတွေကို တင်တယ်။ ပြီးမှ ဆွေမျိုးရင်းချာတွေကို အလှည့်ကျ တင်ပေးတယ်။ တခါတလေ သတို့သမီးဘက်က ချမ်းသာပြီး သတို့သားဘက်က သိမ်ငယ်နေချိန်မျိုးမှာ သတို့သမီးအုပ်စုက အရင်တက်ပြီး ကြီးစိုးတာမျိုးလည်းရှိတယ်။ သတို့ သားဘက်ကိုလည်း ခဏနေ ရိုက်ပေးမယ်နော်လို့ ချွေးသိပ်ထားရသေးတယ်။ မင်္ဂလာ မှတ်တမ်း ထွက်လာတဲ့အခါ လူမစုံ ပုံမစုံပြန်ရင်လည်း အပြစ်တင်ခံရတတ်သေးတယ်။ မင်္ဂလာ ဓာတ်ပုံ ဗွီဒီယိုဆရာကတော့ မီးစဉ်ကြည့်ကရတာပါပဲ။
6 years Ago
Up