မီနာမီနို

January 17, 2021

ပရီးမီးယားလိဂ်ဆုတံဆိပ်က ထိုက်တန်မှုမရှိဘူးဆိုပြီး ခံစားခဲ့ရဟု မီနာမီနို ဝန်ခံ

လီဗာပူးအသင်းနဲ့ ပြီးခဲ့တဲ့ရာသီမှာ ရရှိခဲ့တဲ့ ပရီးမီးယားလိဂ်ချန်ပီယံဆုတံဆိပ်ဟာ သူ့အတွက် ထိုက်တန်မှုမရှိဘူးလို့ ခံစားရကြောင်း တာကုမီမီနာမီနိုက ပြောပါတယ်။  ဂျပန်လက်ရွေးစင်ဟာ လီဗာပူးအသင်းမှာ အခြေကျဖို့ ရုန်းကန်နေရဆဲ ဖြစ်ပါတယ်။ သူဟာ ၂၀၂၀ ဇန်နဝါရီအပြောင်းအရွှေ့ကာလမှာ လီဗာပူးအသင်းကို ပေါင် ၇ ဒသမ ၂၅ သန်းနဲ့ ရောက်ရှိလာခဲ့သူ ဖြစ်ပါတယ်။  သူဟာ ရောက်လာပြီး အသင်းအတွက် ၁၀ ပွဲ ပါဝင်ကစားပေးခဲ့ကာ လီဗာပူးအသင်းရဲ့နှစ် ၃၀ အတွင်း ပထမဆုံးသော ပရီးမီးယားလိဂ်ဆုဖလားရရှိတဲ့ အခမ်းအနားကိုလည်း တက်ရောက်ခွင့်ရခဲ့ပါတယ်။  မီနာမီနိုဟာ ဒီအောင်ပွဲမှာ အစိတ်အပိုင်းတခုအဖြစ် ပါဝင်ခဲ့ပေမယ့် သူ့ထက်ပိုပြီး အတွင်းကျကျပါဝင်နေတဲ့ လူတွေနဲ့ တန်းတူဆုဖလားရယူဖို့ဆိုတာ ခက်ခဲခဲ့တယ်လို့ ဝန်ခံပါတယ်။ လီဗာပူးရဲ့ matchday programme နဲ့ တွေ့ဆုံရာမှာ ၂၆ နှစ်အရွယ် ဂျပန်ကစားသမားက “ကျနော်တို့ခံစားချက်ကို ဖော်ပြဖို့ဆိုတာ တော်တော်လေးခက်ပါတယ်။ ကျနော်ပျော်ခဲ့ပေမယ့် တစ်ဖက်မှာလည်း အသင်းကို ရာသီဝက်မှရောက်လာတာကြောင့် ကျနော် ဒီအောင်ပွဲမှာ ရာနှုန်းပြည့်ပါဝင်မှု ရှိရဲ့လားဆိုတဲ့ သံသယစိတ်မျိုးလည်း ဝင်ခဲ့ပါတယ်။ ကျနော်ဆုဖလားကို ကိုင်မြောက်လိုက်ချိန်မှာ ဂုဏ်ယူတဲ့ခံစားချက်မျိုး ဝင်ခဲ့ပေမယ့် တချိန်တည်းမှာပဲ အသင်းအတွက် တရာသီလုံးကစားပေးဖို့ လိုအပ်တယ်ဆိုတာကို ခံစားမိပါတယ်။ ကျနော့်ရည်မှန်းချက်ကတော့ ဒီလိုလုပ်ပြီး အသင်းကို ဒီရာသီမှာလည်း ဆုဖလားထပ်မံဆွတ်ခူးပေးဖို့ ဖြစ်ပါတယ်” လို့ ပြောပါတယ်။ လက်ရှိကစားသမားတွေရဲ့ပုံစံကြောင့် မီနာမီနိုဟာ အသင်းမှာ ပွဲထွက်ခွင့်တစ်နေရာအတွက် တိုက်ပွဲဝင်နေရဆဲဖြစ်ပါတယ်။ လီဗာပူးအသင်းနဲ့ ၁၂ လတာဖြတ်သန်းခဲ့ပြီးချိန်မှာ သူ့ရဲ့အရည်အသွေးအစစ်အမှန်ကို ထုတ်ပြဖို့ အဆင်သင့်ဖြစ်နေပြီလို့ တိုက်စစ်ကစားသမားက ပြောပါတယ်။ “ကျနော် အင်္ဂလန်မှာ အသားကျပြီး ဘာသာစကားကိုလဲ သင်ယူနေပါပြီ။ ဒါပေမယ့် ကိုဗစ် ဖြစ်နေတာကြောင့် နည်းနည်းတော့ အခက်အခဲရှိပါတယ်။ ကျနော် အသင်းက ကစားသမားတွေ အကုန်လုံးနဲ့ သူငယ်ချင်းကောင်းတွေ ဖြစ်နေပြီဖြစ်သလို ဂျာမန်စကားပြောတဲ့ ကစားသမားတွေနဲ့လည်း ပုံမှန်လို စကားပြောဖြစ်နေပါပြီ” လို့ မီနာမီနိုက ပြောပါတယ်။  မီနာမီနိုဟာ ဒီရာသီမှာ လီဗာပူးအသင်းအတွက် ၁၆ ပွဲကစားပြီး ၄ ဂိုး သွင်းယူပေးနိုင်ခဲ့ပြီ ဖြစ်ပါတယ်။  ပရီးမီးယားလိဂ်မှာ ကျင်လည်ခဲ့ဖူးတဲ့ တနိုင်ငံတည်းသား ရှင်ဂျီကာဂါဝါရဲ့ လမ်းစဉ်ကိုလိုက်ပြီး ပိုကြိုးစားသွားမယ်လို့ ဂျပန်ကစားသမားက ပြောပါတယ်။
4 months Ago

June 20, 2020

မီနာမီနို ခြေစွမ်းပိုကောင်းလာဟု အသင်းဖော် ဂျိမ်းမီလ်နာ ချီးကျူး

ဂျပန်လက်ရွေးစင် မီနာမီနိုဟာ အရင်ကထက် ခြေစွမ်း ပိုကောင်းလာပြီလို့ အသင်းဖော် ဂျိမ်းမီလ်နာက ချီးကျူးလိုက်ပါတယ်။  မီနာမီနိုဟာ သြစတြီးယားကလပ်ဆဲလ်ဘက်အသင်းကနေ ပြီးခဲ့တဲ့ ဇန်နဝါရီအပြောင်း အရွှေ့ကမှ လီဗာပူးကို ပြောင်းရွှေ့လာခဲ့တာပါ။  ကိုဗစ်-၁၉ကြောင့် ဘောလုံးပွဲစဉ်တွေရပ်နားထားတဲ့အချိန်က မီနာမီနိုအတွက် အကောင်းဆုံး ပြင်ဆင်ချိန်ရခဲ့တာ ဖြစ်နိုင်တယ်လို့ မီလ်နာက သုံးသပ်ပါတယ်။  သူဟာ အသင်းရဲ့လေ့ကျင့်ရေးတွေ ပြန်လည်စတင်ချိန်မှာ အကောင်းဆုံးခြေစွမ်းနဲ့ ပြန်လာ နိုင်ခဲ့ပြီး ရာသီဝက်ကာလကမှ အသင်းပြောင်းရွှေ့လာသူတဦးအနေနဲ့ ခြေစွမ်းပြဖို့ မလွယ်ကြောင်း မီလ်နာက ပြောပါတယ်။  ဘာသာစကားပြောဆိုမှုမှာ ရာနူန်းပြည့် အဆင်မပြေသေးပေမဲ့ မီနာမီနိုဟာ အသင်းအတွက် အရေးပါတဲ့ ကစားသမားဖြစ်လာလိမ့်မယ်လို့ ကွင်းလယ်လူ မီလ်နာက ချီးကျူးခဲ့ပါတယ်။ 
11 months Ago
More News
Up