မိုးရွာနိုင်

December 28, 2018

လေဖိအားနည်းရပ်ဝန်း ၂ ကြိမ် ဖြစ်ပေါ်နိုင်၊ တိုင်းနှင့်ပြည်နယ်အချို့ မိုးရွာသွန်းနိုင်

ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ လေဖိအား နည်းရပ်ဝန်း ၂ ကြိမ် ဖြစ်ပေါ်နိုင်ပြီး တိုင်းဒေသကြီးနဲ့ ပြည်နယ်အချို့မှာ မိုးရွာသွန်းနိုင်တယ်လို့ မိုးဇလက သတင်းထုတ်ပြန်ပါတယ်။ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ကရင်ပြည်နယ်နှင့် မွန်ပြည် နယ်တို့တွင် ရွာသွန်းမြဲထက်ပိုနိုင်တယ်၊ စစ်ကိုင်း၊ မန္တလေး၊ မကွေး၊ ပဲခူး၊ ရန်ကုန်နဲ့ ဧရာဝတီတိုင်း ဒေသကြီးတို့၊ ချင်း၊ ရခိုင်နဲ့ ကယားပြည်နယ်တို့မှာ ရွာသွန်းမြဲခန့် ရွာနိုင်ပါတယ်။ တနင်္သာရီ၊ ကချင်၊ ရှမ်း၊ ကရင်နဲ့ မွန်ပြည်နယ်တို့မှာ ၄ ရက်ကနေ ၆ ရက်လောက်၊ စစ်ကိုင်း၊ မန္တလေး၊ မကွေး၊ ပဲခူး၊ ရန်ကုန်နဲ့ ဧရာဝတီတိုင်းဒေသကြီးတို့နဲ့  ချင်း၊ ရခိုင်နဲ့ ကယားပြည်နယ်တို့မှာ ၁ ရက်ကနေ ၃ ရက်လောက် ရွာနိုင်ပါတယ်။ ညအပူချိန်ကတော့ စစ်ကိုင်းတိုင်းအောက်ပိုင်း၊ မန္တလေး၊ ပဲခူး၊ ရန်ကုန်၊ ဧရာဝတီ၊ တနင်္သာရီတိုင်းဒေသကြီးတို့နဲ့ ကရင်နဲ့ မွန်ပြည်နယ်တို့မှာ ဇန်နဝါရီလရဲ့ ပျမ်းမျှအပူချိန်တို့ထက် ၁.၅ ဒီဂရီစင်တီ ဂရိတ်ပိုနိုင်ပါတယ်။ စစ်ကိုင်းတိုင်းအထက်ပိုင်း၊ မကွေးတိုင်းဒေသကြီးတို့နဲ့ ကချင်၊ ရှမ်း၊ ချင်း၊ ရခိုင်နဲ့ ကယားပြည်နယ်တို့တွင် ဇန်နဝါရီလရဲ့ ပျမ်းမျှ အပူချိန်လောက်သာ ရှိနိုင်ပါတယ်။ မြူအခြေအနေကတော့ စစ်ကိုင်းတိုင်းအထက်ပိုင်း၊ တနင်္သာရီတိုင်း၊ ကချင်၊ ရှမ်း၊ ချင်း၊ ကယား၊ ကရင်နဲ့ မွန်ပြည်နယ်တို့မှာ ၁၅ ရက်မှ ၂၂ ရက်လောက်၊ စစ်ကိုင်းတိုင်းအောက်ပိုင်း၊ မန္တလေး၊ မကွေး၊ ပဲခူးတိုင်း၊ ရန်ကုန်၊ ဧရာဝတီ  စတဲ့ တိုင်းဒေသကြီးတို့နဲ့ ရခိုင်ပြည်နယ်တို့မှာ ၇ ရက်ကနေ ၁၄ ရက်လောက်ထိ မနက်ပိုင်း မြူထူများ ဆိုင်းနိုင်တယ်လို့ မိုးဇလက ထုတ်ပြန်ထားပါတယ်။
2 years Ago

August 17, 2018

မိုးခေါင်နေသည့် အလယ်ပိုင်းဒေသများတွင် မိုးရွာနိုင်မည်ဟု မိုးဇလခန့်မှန်း

မိုးမျှော်နေတဲ့ မြန်မာနိုင်ငံ အလယ်ပိုင်းဒေသမှာ လာမယ့်ရက်ပိုင်းအတွင်း မိုးရွာသွန်းနိုင်တယ်လို့  မိုးလေ၀သနှင့် ဇလဗေဒဌာနက ညွှန်ကြားရေးမှူးချုပ် ဦးကျော်မိုးဦးက ဒီဗွီဘီကို ပြောပါတယ်။ ပြီးခဲ့တဲ့ဇွန်၊ ဇူလိုင်နဲ့ သြဂုတ်လဆန်းပိုင်းအထိ မြန်မာပြည်အလယ်ပိုင်း မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနဲ့ မကွေးတိုင်းဒေသကြီး မြောက်ပိုင်းတွေမှာ မိုးရေအလုံအလောက်မရခဲ့ပါဘူး။ လက်ရှိ တောင်တရုတ်ပင်လယ်မှာ ဖြစ်ပေါ်နေတဲ့ အပူပိုင်းမုန်တိုင်း “ဘက်ဘင်ကာ” အရှိန်ကြောင့် မြန်မာနိုင်ငံအောက်ပိုင်းတွေမှာနေရာ ကွက်ကြားမိုးကြီးမယ်လို့ အလယ်ပိုင်းဒေသမှာ မိုးရွာနိုင်တယ်လို့ ဦးကျော်မိုးဦးက ပြောပါတယ်။ “ဒီနှစ်ကျတော့ရှိသမျှမုန်တိုင်းတွေကလည်း အိန္ဒိယကမ်းနားတွေမှာပဲ ကပ်ဖြစ်တယ်။ ဖြစ်တာနဲ့ အိန္ဒိယထဲကိုဝင်သွားတဲ့အချိန်ကျတော့ အလယ်ပိုင်းဒေသတွေမှာ မိုးရရှိမှု နည်းတဲ့အခါကျတော့ တချို့လည်းသီးနှံပျက်ကြတယ်ပေါ့နော်။ တချို့ကျတော့ မိုးမျှော်နေတဲ့ အနေအထားမျိုးရှိပါတယ်။ ဒါပေမယ့် ဒီနေ့ကနေစပြီးတော့ နောက်နှစ်ရက်သုံးရက်အတွင်း မှာတော့ အလယ်ပိုင်းဒေသတွေမှာ မိုးများလာနိုင်တဲ့အနေအထားရှိပါတယ်။ ဒါကလည်း ဗီယက်နမ် ကမ်းမြောက်ပိုင်းကို ဖြတ်ကျော်ဝင် ရောက်နေတဲ့ အပူပိုင်းမုန်တိုင်း ဘက်ဘင်ကာရဲ့ အကြွင်းကျန်အနေနဲ့ နောက်တရက်နှစ်ရက်ကတော့ မြန်မာနိုင်ငံဘက်ကို ရောက်နိုင်တဲ့ အနေအထားမျိုးတွေ ရှိတဲ့အတွက်ကြောင့်မို့လို့ အလယ်ပိုင်းဒေသ တွေမှာတော့  ဒီနေ့ကနေစပြီး နောက် နှစ်ရက်သုံးရက်အတွင်းတော့ မိုးရလာနိုင်တဲ့အနေအ ထားမျိုးရှိပါတယ်။ တချို့နေရာတွေမှာဆိုရင်တော့ နေရာကွက်မိုးကြီးတဲ့ အနေအထားမျိုးအထိ ဖြစ်လာနိုင်ပါတယ်။” ဒါ့အပြင် မုန်တိုင်းကြွင်းကျန်ကြောင့်လည်း  မြန်မာနိုင်ငံတောင်ပိုင်းဒေသတွေ၊ မြစ်ဝကျွန်းပေါ်ဒေသတွေမှာ နေရာကွက်မိုးကြီးနိုင်တယ်လို့လည်း ခန့်မှန်း ပြောပါတယ်။ “နောက် ၇၂ နာရီအတွင်း မွန်ပြည်နယ်၊ ကရင်ပြည်နယ်၊ ပဲခူးတိုင်းဒေသကြီး၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီးတွေမှာ ဒေသလိုက် မိုးကြီးနိုင်ပြီးတော့မှ စစ်ကိုင်းတိုင်း ဒေသကြီးအောက်ပိုင်း၊ ရှမ်းပြည်နယ်၊ ကယားပြည်နယ်၊ ဧရာဝတီတိုင်းဒေသကြီး၊ ရန်ကုန်တိုင်း ဒေသကြီးနဲ့ ရခိုင်ပြည်နယ်တို့မှာတော့ နေရာကွက် မိုးကြီးနိုင်တယ်။” မြန်မာနိုင်ငံအလယ်ပိုင်းဒေသတွေမှာ ပြီးခဲ့တဲ့လတွေက မိုးမရွာတဲ့အတွက် သီးနှံ့အထွက်နှုန်းလျော့ တာတွေဖြစ်ပွားခဲ့တယ်လို့ မြင်းခြံမြို့နယ်လွတ်တော်ကိုယ်စားလှယ် ဦးချမ်းမြေ့က ပြောပါတယ်။ “မိုးခေါင်တော့ အသီးအနှံပိုင်းတော့ နည်းနည်းအရည်အသွေး ကျမှာပေါ့၊ အထွက်နည်းမှာ ပေါ့။ သာမာန်ထွက်တဲ့ နှုန်းထားထက်တော့လျော့မှာပေါ။  အဓိကတော့ ဒီဘက်ပိုင်းမှာ ကုန်းအသီးအနှံတွေပေါ့။ ဖရဲတို့ပေါ့။ မိုးရေလုံလောက်မှု မရှိ်တဲ့အခါကျတော့ အသီးအနှံ သေးတာပေါ့နော်။ ပျက်စီးတာတော့ ဒီမှာ သိပ်မရှိပါဘူး။ ” မိုးမျှော်နေတဲ့ဒေသမှာ မိုးရွာမှာဖြစ်ပေမယ့် မြန်မာနိုင်ငံ အောက်ပိုင်းဒေသတွေမှာတော့ မိုးပိုလာနိုင်လို့ ရေကြီးရေလျှံအန္တရာယ် သတိထားဖို့လည်း မိုးဇလဌာနက တိုက်တွန်းပါတယ်။
3 years Ago

အပူပိုင်းမုန်တိုင်းအရှိန်ကြောင့် မြန်မာပြည်အလယ်ပိုင်းဒေသ မိုးရွာနိုင်

တောင်တရုတ်ပင်လယ်ပြင်မှာ ဖြစ်ပေါ်ခဲ့တဲ့ အပူပိုင်းမုန်တိုင်း “ဘက်ဘင်ကာ”ရဲ့ အကြွင်းအကျန်တိမ်တိုက်တွေဟာ  ရှမ်းပြည်နယ်ကို စတင်ဖြတ်နေပြီး မြန်မာနိုင်ငံအလယ်ပိုင်းမှာ မိုးစတင်ရွာသွန်းနေပြီလို့ မိုးလေဝသပညာရှင် ဦးထွန်းလွင်က ပြောပါတယ်။ ဂြိုဟ်တုတိုင်းတာချက်အရ မုန်တိုင်း “ဘက်ဘင်ကာ” အရှိန်ကြောင့် ရှမ်းပြည်နယ်၊ ကယားပြည်နယ်၊ ပဲခူးတိုင်း၊ မန္တလေးတိုင်း၊ မကွေးတိုင်း၊ စစ်ကိုင်းတိုင်း၊ ကချင်ပြည်နယ်၊ ကရင်ပြည်နယ်တို့မှာ  မိုးများရွာသွန်းနေတယ်လို့ သူ့ရဲ့ လူမှုကွန်ရက်မှာ ရေးပါတယ်။ မကွေးတိုင်းဒေသကြီး ပခုက္ကူဘက်မှာ မိုးခေါင်နေတာ ၃လကြာလောက်ရှိနေပြီ ဖြစ်ပေမယ့် မကွေး၊ တောင်တွင်းကြီတို့ဘက်မှာတော့  မိုးရွာနေကာ မိုးမခေါင်ဘူးလို့ ဒေသခံတွေက ပြောကြပါတယ်။ ဒီနေ့လည်း မိုးရိပ်တွေ့ပေမယ့်  မွန်းလွဲ၂ နာရီခွဲလောက်အထိတော့ မိုးမရွာသေးဘူးလို့ ပခုက္ကူအမတ် ဒေါ်ဇင်နီနီဝင်း က ပြောပါတယ်။ “မိုး ဖွဲဖွဲလေးတွေပဲ လေးငါးဆယ်မိနစ်ကျပြီးတော့ ပြီးသွားတာ မိုးကို မရွာတာ ကြာပြီ၊အခု လက်ရှိလည်း မရွာသေးဘူး။ မိုးအုံ့နေတယ်၊ ရွာမလားလို့ မျှော်နေတာ ခုထိတော့ မရွာသေးဘူး။ စောနက မိုးတွေ အုံ့ပြီး အခု နေပြန်ထွက်လာတယ်” မိုးလေဝသဌာနရဲ့ ဒီမနက် ထုတ်ပြန်ချက်မှာ နေရာအနှံ့အပြား မိုးထစ်ချုန်း ရွာပြီး၊ ကရင်ပြည်နယ်မှာ  ဒေသအလိုက်၊ စစ်ကိုင်းတိုင်း အောက်ပိုင်း၊ မန္တလေးတိုင်း၊ ပဲခူးတိုင်း၊ ရန်ကုန် တိုင်း၊ ဧရာဝတီတိုင်း၊ ရခိုင်ပြည်နယ်နဲ့  မွန်ပြည်နယ်တို့မှာ နေရာ ကွက်မိုးကြီးနိုင်တယ်လို့ ခန့်မှန်းထားပါတယ်။
3 years Ago
Up