မိုက်ကယ်အိုဝင်

September 16, 2021

ချန်ပီယံလိဂ်တွင် ပီအက်စ်ဂျီ ချန်ပီယံဖြစ်ရန် မလုံလောက်သေးကြောင်း မိုက်ကယ်အိုဝင်သုံးသပ်

ဥရောပချန်ပီယံလိဂ်ပြိုင်ပွဲမှာ ပီအက်စ်ဂျီအသင်းက ချန်ပီယံဖြစ်ဖို့ ရေပန်းစားခဲ့ပေမယ့် လက်ရှိခြေစွမ်းအရတော့ လုံလောက်မှုမရှိသေးကြောင်း အိုဝင်ကပြောပါတယ်။ 

ချန်ပီယံလိဂ်ပွဲစဉ်တွေကို BT Sport ကနေ သုံးသပ်တင်ဆက်ခဲ့တဲ့ အင်္ဂလန်တိုက်စစ်မှူးဟောင်း အိုဝင်ဟာ ပီအက်စ်ဂျီတိုက်စစ်နဲ့ ပတ်သက်ပြီး မှတ်ချက်ပေးခဲ့တာပါ။ 

ပီအက်စ်ဂျီအသင်းဟာ ကလပ်ဘရုဂေးနဲ့ ချန်ပီယံလိဂ်ပွဲစဉ်မှာ MNM လို့ ပြင်သစ်မီဒီယာတွေ အတိုကောက်ခေါက် ခေါ်ဆိုကြတဲ့ မက်ဆီ၊ နေမာနဲ့ အမ်ဘာပေ တိုက်စစ်အတွဲနဲ့ ပွဲထွက်ခဲ့တာဖြစ်ပါတယ်။ 

ဒါပေမယ့် ခြေစွမ်းပြဖို့ ရုန်းကန်ခဲ့ရပြီး ကွင်းလယ်လူ ဟာရဲယားက ဦးဆောင်ဂိုး သွင်းခဲ့ပေမယ့် ချေပဂိုးပြန်ပေးလိုက်ရပြီး ၁ ဂိုးစီ သရေကျခဲ့တာပါ။ 

မိုက်ကယ်အိုဝင်ကတော့ ပီအက်စ်ဂျီ အသင်းတိုက်စစ်မှာ အားနည်းမှုတွေရှိနေပြီး ဘာကြောင့်ရေးပန်းစားတဲ့ အသင်းဖြစ်နေတာလဲဆိုတာ နားမလည်ကြောင်း BT Sport မှာ သုံးသပ်ခဲ့တာပါ။ 

ပီအက်စ်ဂျီအသင်းထက် အင်္ဂလိပ်ကလပ်တွေက ပိုပြီး တောင့်တင်းမှုရှိကြောင်း အိုဝင်က ပြောပါတယ်။ 

အိုဝင်နဲ့အတူသုံးသပ်ခဲ့တဲ့ ဖာဒီနန်ကတော့ နာမည်ကြီး ကစားသမားတွေကို အကောင်းဆုံးတွဲဖက်နိုင်ဖို့လိုအပ်ပြီး ပီအက်စ်ဂျီအသင်းမှာ အဲဒီပြဿနာရှိနေတယ်လို့ ပြောပါတယ်။ 

1 month Ago

September 14, 2021

ပရီးမီးယားလိဂ်က တခြားလိဂ်တွေထက် အလွန်ကောင်းမွန်နေကြောင်း မိုက်ကယ်အိုဝင် သုံးသပ်

ပရီးမီးယားလိဂ်က တခြားလိဂ်ပြိုင်ပွဲတွေထက် အလွန်ကောင်းမွန်နေပြီး ချန်ပီယံလိဂ်မှာ အောင်မြင်မှုတွေ ဆက်ပြီးရယူနိုင်လိမ့်မယ်လို့ မိုက်ကယ်အိုဝင်က သုံးသပ်ပါတယ်။

ချန်ပီယံလိဂ်အုပ်စုပွဲစဉ်တွေ မကစားခင် ဒေးလီးမေးလ်နဲ့အင်တာဗျူးမှာ အင်္ဂလန်တိုက်စစ်မှူးဟောင်း အိုဝင်ကမှတ်ချက်ပေးခဲ့တာပါ။

ချန်ပီယံလိဂ်ဆီမီးဖိုင်နယ်မှာ အင်္ဂလန်ကလပ်အသင်း အသင်းဆုံး ၂ သင်း တက်မလာဘူးဆိုရင် အံ့အားသင့်မိမှာဖြစ်ပြီး ၃ သင်း၊ ၄ သင်းအထိ တက်လာဖို့လည်းရှိတယ်လို့ အိုဝင်က ပြောပါတယ်။

လက်ရှိ ချန်ပီယံလိဂ်ပြိုင်ပွဲဝင်မယ့် အသင်း ၄ သင်းကို ကြည့်မယ်ဆိုရင် အင်္ဂလိပ်ကစားသမားကောင်းတွေ ရှိနေပြီး အင်္ဂလန်အတွက် မယုံကြည်နိုင်စရာကောင်းတယ်လို့ အိုဝင်က ပြောပါတယ်။

ပရီးမီးယားလိဂ်က ၄ သင်းအနေနဲ့ တခြားလိဂ်က ဘယ်အသင်းကိုမဆို အနိုင်ယူနိုင်တဲ့ ခြေစွမ်းမျိုးရှိနေပြီလို့လည်း အိုဝင်က ပရီးမီးယားလိဂ်ကလပ်တွေကို ချီးကျူးခဲ့ပါတယ်။

ပြီးခဲ့တဲ့ နှစ် ချန်ပီယံလိဂ်မှာ ပရီးမီးယားလိဂ် ၂ သင်းဖြစ်တဲ့ ချဲလ်ဆီးနဲ့ မန်စီးတီးတို့ ဗိုလ်လုပွဲ တက်ရောက်ခဲ့ပြီး ချဲလ်ဆီးက ချန်ပီယံဖြစ်ခဲ့ပါတယ်။

1 month Ago
More News
Up