မိခင်များ

April 26, 2021

မိုးကုတ်တွင် အကြမ်းဖက်စစ်အုပ်စုက သမီးဖြစ်သူအား မတွေ့သဖြင့် မိခင်ကို ဖမ်းဆီး

မန္တ​လေးတိုင်း မိုးကုတ်မြို့ အုန်းကိုင်းရပ်ကွက်က နေအိမ်တလုံးကို ဧပြီ ၂၆ ရက်နေ့ နေ့ခင်းပိုင်းမှာ အကြမ်းဖက်စစ်အုပ်စုက အင်အားအလုံးအရင်းနဲ့ ဝိုင်းခဲ့ပြီး သမီးဖြစ်သူ မခိုင်ဇင်သော်အား မတွေ့တာကြောင့် မိခင်ဖြစ်သူကို ဖမ်းဆီးသွားခဲ့တယ်လို့ သိရပါတယ်။

မိုးကုတ်မြို့မှာ မခိုင်ဇင်သော်က အွန်လိုင်း ဆယ်လီတစ်ဦးဖြစ်ပြီး စစ်အာဏာရှင်စနစ် ဆန့်ကျင်ရေး သပိတ်စစ်​ကြောင်းတွေမှာ ပါဝင်လှုပ်ရှားခဲ့သူဖြစ်ပါတယ်။

မခိုင်ဇင်သော်က အဝေးမှာ ရှောင်နေတာကြောင့် မိခင်ဖြစ်သူကို ဖမ်းဆီးသွားတာလို့ သိရပါတယ်။

မိုးကုတ်မြို့မှာ အကြမ်းဖက်စစ်အုပ်စုက ဖမ်းဆီးမှုတွေကို ဆက်တိုက်ပြုလုပ်နေပေမယ့် ပြည်သူတွေရဲ့ စစ်အာဏာရှင်စနစ် ဆန့်ကျင်ရေး သပိတ်စစ်ကြောင်းတွေဟာ ပြောက်ကျားစနစ်နဲ့ ဆက်လက်လှုပ်ရှားနေဆဲ ဖြစ်ပါတယ်။

2 weeks Ago

February 17, 2020

မူးယစ်ဆေး စစ်ဆင်ရေးတွင် အသတ်ခံရမှုနှုန်း လျော့ကျရေး ဖိလစ်ပိုင်မိခင်များ ကင်းလှည့်

ဖိလစ်ပိုင်မြို့တော် မနီလာမှာ မူးယစ်ဆေးဝါး တားဆီးနိုင်ရေး စစ်ဆင်ရေးမှာ အသတ်ခံရမှုနှုန်း လျော့ကျရေးအတွက် မိခင်တွေဟာ ညဘက်ကြီး လမ်းတွေပေါ် ကင်းလှည့်နေကြပါတယ်။ သေမင်းတမန် တပ်ဖွဲ့တဖွဲ့က မူးယစ်ဆေး သုံးစွဲနေတာ ဒါမှမဟုတ် အရောင်းအဝယ် လုပ်နေတာလို့ ယုံကြည်ရတဲ့ လူတွေ ဒါဇင်ချီကို သတ်ခဲ့တဲ့ မြို့ထဲမှာ ခုလို ကင်းလှည့်နေတာပါ။  သမ္မတ ရိုဒရီဂိုဒူတာတေရဲ့ မူးယစ်စစ်ပွဲအတွင်း မူးယစ်ဆေးသုံးသူတွေလို့ ကောလာဟလထွက်နေတဲ့ လူတွေကို လိုက်သတ်တဲ့နေရာမှာ မိခင်တွေဟာ လက်နှိပ်ဓာတ်မီးတွေ ကိုင်ဆောင်ရင်း လမ်းကြိုလမ်းကြားမကျန် ကင်းလှည့်နေပါတယ်။  သူတို့ ကင်းလှည့်တဲ့ ၂၀၁၆ နောက်ပိုင်းမှာ သေဆုံးသူ မရှိတော့တဲ့အတွက် ရပ်ကွက်က အဲဒီအမျိုးသမီးတွေကို ဂုဏ်ပြုခဲ့ကြပါတယ်။  မနီလာမြို့တော် ဆင်ခြေဖုံးမှာ ၂၀၁၆ နှောင်းပိုင်းက စပြီး ကင်းလှည့်ခဲ့တာပါ။ ဒီနေရာမှာ  ဒူတာတေရဲ့ နှိမ်နင်းမှုအတွင်း ရဲစစ်ဆင်ရေးတွေနဲ့ မော်တော်ဆိုင်ကယ်စီး ရုပ်ဖျက် သေနတ်သမားတွေရဲ့ သတ်ဖြတ်မှုကြောင့် ထောင်ချီတဲ့လူတွေ သေဆုံးခဲ့ပါတယ်။  မူးယစ်စစ်ပွဲအတွင်း သေဆုံးသူ အရေအတွက် အတိအကျအတွက် လွတ်လပ်ပြီး အချိန်နဲ့ တပြေးညီဖြစ်တဲ့ ယုံကြည်စိတ်ချရတဲ့ ကိန်းဂဏန်း အချက်အလက်တော့ မရှိနေပါဘူး။ မူးယစ်ဆေးရောင်းသူ အယောက် ၅၄၀၀ ကို ဖမ်းဆီးချိန်မှာ ကိုယ့်ကိုယ်ကိုယ် ကာကွယ်တဲ့အနေနဲ့ သတ်ခဲ့တယ်လို့ ရဲက ပြောပါတယ်။  ဒါပေမဲ့ မူးယစ်ဆေးနဲ့ ဆက်နွှယ်တဲ့ ထောင်ချီတဲ့ လူသတ်မှုတွေနဲ့ ပတ်သက်ပြီး ရဲတွေက စွဲချက်တွေကို ငြင်းပါတယ်။ အစိုးရကလည်း သေဆုံးမှုတွေဟာ ပြိုင်ဘက်ဂိုဏ်းသားတွေ အချင်းချင်းကြားက စစ်ပွဲအတွင်း သေဆုံးတာလို့ အပြစ်တင် ပြောဆိုခဲ့ပါတယ်။
1 year Ago
Up