မာတစ်

December 26, 2020

မန်ယူအသင်းနှင့် ချန်ပီယံ ဖြစ်ချင်ကြောင်း မာတစ် ပြော

ချဲလ်ဆီးနဲ့ ပရီးမီးယားလိဂ်ချန်ပီယံ ရယူခဲ့ပြီးနောက် မန်ယူနဲ့အတူလည်း ချန်ပီယံ ဖြစ်ချင်ကြောင်း ကွင်းလယ်လူ မာတစ်က ပြောပါတယ်။  ဆားဘီးယား ကွင်းလယ်လူ မာတစ်ဟာ ချဲလ်ဆီးအသင်းမှာ ကစားစဉ်က ၂၀၁၅ နဲ့ ၂၀၁၇ ပရီးမီးယားလိဂ်ချန်ပီယံ ဆုဖလားတွေ ရယူနိုင်ခဲ့တာပါ။ ချဲလ်ဆီးနဲ့အတူ ချန်ပီယံ ၂ ကြိမ်ရခဲ့ဖူးတာကြောင့် မန်ယူနိုက်တက်အသင်းနဲ့အတူလည်း ချန်ပီယံဆုဖလား ရယူနိုင်ဖို့က အိပ်မက်တစ်ခု ဖြစ်တယ်လို့ မာတစ်က ပြောပါတယ်။  ထိပ်တန်းအဆင့်မှာ နောက်ထပ် ၄-၅ နှစ် ဆက်ကစားနိုင်သေးပြီး မန်ယူနိုက်တက်အသင်းမှာလည်း ဆုဖလားရယူနိုင်ဖို့ အခွင့်အရေးတွေရှိနေတယ်လို့ မာတစ်က ပြောပါတယ်။
7 months Ago

December 18, 2020

မန်ယူအသင်း ရှက်ဖီးလ်ကို ၃-၂ ဂိုးဖြင့်နိုင်၊ ပရီးမီးယားလိဂ်ဖလား စိန်ခေါ်နိုင်စွမ်းရှိဟု မာတစ်ပြော

မန်ချက်စတာယူနိုက်တက်အသင်းဟာ အခုနှစ်ပရီးမီးယားလိဂ်ချန်ပီယံဆုကို စိန်ခေါ်ဖို့ အတွက်လုံ လောက်တဲ့ကောင်းမွန်မှုရှိတယ်လို့ ဝါရင့်ကွင်းလယ်လူ နီမန်ဂျာမာတစ်ကပြောပါတယ်။ မန်ယူအသင်းဟာ ဒီဇင်ဘာ ၁၇ ရက်က ကန်သွားတဲ့ ပရီးမီးယားလိဂ်ပွဲစဉ်အဖြစ် ရှက်ဖီးလ်နဲ့ပွဲမှာနောက်ကနေ လိုက်ကစားပြီး အနိုင်ရရှိခဲ့ကာ  အမှတ်ပေးဇယား အဆင့် ၆ နေရာကိုရောက်ရှိခဲ့ပါပြီ။ ရှက်ဖီးလ်ကွင်းမှာကစားခဲ့တဲ့ အဲဒီပွဲစဉ်မှာ အိမ်ရှင်ဘက်ကို ဦးဆောင်ဂိုးကိုခွင့်ပြုပေးလိုက်ရ ပေမယ့်  မန်ယူဟာ တိုက်စစ်မှူးရက်ရှ်ဖို့ဒ်နဲ့ မာဆီရယ်တို့ရဲ့  ခြေစွမ်းပြမှုနဲ့အတူ ၃ ဂိုး ၂ ဂိုးဆိုတဲ့ ရလဒ်နဲ့အနိုင်ရရှိခဲ့တာဖြစ်ပါတယ်။ ပြိုင်ဘက်အသင်းတွေရဲ့ဦးဆောင်မှုကိုခွင့်ပြုရတာဟာ ယူနိုက်တက်အသင်းရဲ့ ဒီရာသီအစဉ်အလာ တစ်ခုလိုဖြစ်နေပြီး ဒီပွဲမှာလဲ ဂိုးသမား ဒင်းဟန်ဒါဆန်ရဲ့ အမှားကနေ ရှက်ဖီးလ်အသင်းကို ဦးဆောင်ဂိုးခွင့်ပြု ပေးခဲ့ရပါတယ်။  ဒီလိုအခြေအနေရှိနေပေမယ့် မာတစ်ကတော့စိုးရိမ်မှုမရှိဘူးလို့ဆိုပါတယ်။ “ ကျနော်တို့ အထနှေးနေတယ်လို့ မထင်ပါဘူး။ ကျနော်တို့ ဘာကိုလိုချင်တာလဲဆိုတာနဲ့ ရေကုန်ရေခမ်း ကစားရမယ်ဆို တာကိုသိပါတယ်။ ကံမကောင်းစွာနဲ့ ကျနော်တို့ မှားအသေးလေးတစ်ခုကနေ ဂိုးပေးလိုက်ရပေမယ့် ကျနော်တို့ ၃ ဂိုးပြန်သွင်းပြီး ပွဲအဖြေကိုပြောင်းလဲပစ်နိုင်ခဲ့ပါတယ်” လို့မာတစ်ကပြောပါတယ်။  အခုရာသီ ပွဲစဉ်တွေရဲ့ ၃ ချိုး ၁ ချိုးပြီးဆုံးသွားချိန်မှာ ယူနိုက်တက်အသင်းဟာ ဇယားထိပ်က လီဗာပူးလ်အသင်းနဲ့ တစ်ပွဲလျော့ ၅ မှတ်အကွာအနေအထားကို ရောက်ရှိလာခဲ့ပါတယ်။ အသင်းရဲ့ လက်ရှိအနေအထားနဲ့ ပတ်သက်ပြီး မာတစ်က “ဒါဟာ ကျနော်တို့ အတွက်အရေးပါတဲ့ ၃ မှတ်ဖြစ်ပြီး ဒီရလဒ်ကထိပ်ဆုံးကအသင်းတွေနဲ့ ကွာဟမှု ကို ကျဉ်းမြောင်းစေပါတယ်။ ရှက်ဖီးလ်အသင်းကတော့ ဒီရာသီမှာ ၁ မှတ်ပဲရသေးတဲ့ အသင်းမဖြစ်သင့်ပါဘူး။ သူတို့ခြေစွမ်းကဒီထက်ပိုပြီးထိုက်တန်ပါတယ်။ ဒါပေမဲ့ ဒါဟာဘောလုံးပါ။ ကျနော်တို့ အနေနဲ့လဲဒီပုံအတိုင်းပဲဆက်သွားရင် တစ်ချိန်ချိန်မှာ အခက်တွေ့နိုင်ပါတယ်။ ဒါ့ကြောင့်ကျနော်တို့ ပွဲတိုင်းမှာခြေစွမ်းပြဖို့လိုပါတယ်။ ကျနော်တို့ အသင်းအနေနဲ့ ဒီရာသီချန်ပီယံဖြစ်မလား မဖြစ်ဘူးလားဆိုတာမသိနိုင်ပေမယ့် ကျနော်တို့ တို့အသင်းဟာ ချန်ပီယံဆုကိုစိန်ခေါ်နိုင်တဲ့ စွမ်းရည်ရှိပါတယ်” လို့ ပြောပါတယ်။   ဆိုးလ်ရှားနဲ့သူ့အသင်းသားတွေဟာ လာမယ့်နှစ်သစ်မှာ အမှတ်ပေးဇယားထိပ်ပိုင်းနေရာတွေဆီ ရောက်အောင် စွမ်းဆောင်သွားဖို့စိတ်အားထက်သန်နေပြီး ပွဲစဉ်ဇယားအရတော့ ယူနိုက်တက်အ သင်းဟာ ဒီဇင်ဘာလ မကုန်ခင် လိဒ်၊ လက်စတာ၊ ဝုဗ်အသင်းနဲ့ယှဉ်ပြိုင်ရမှာဖြစ်သလို ကာရာဘောင်းဖလား ကွာတားဖိုင်နယ်အဖြစ် အဲဗာတန်နဲ့ အဝေးကွင်းပွဲစဉ်လည်း ရှိနေပါတယ်။  ရှက်ဖီးလ်အသင်းကတော့ ဒီရှုံးပွဲရလဒ်ကြောင့်  အင်္ဂလိပ်ဘောလုံးသမိုင်း တလျှောက်အ ဆိုးရွားဆုံးရာသီစဆိုတဲ့  ရလဒ်ကို ပိုင်ဆိုင်သွားခဲ့ပြီ ဖြစ်ပါတယ်။
7 months Ago
More News
Up