မသန်စွမ်းသူများ အခွင့်အရေးဥပဒေအတိုင်း ခံစားရရှိစေဖို့ တောင်းဆိုချင်ပါတယ် - ဦးအောင်ကိုမြင့်

February 5, 2018

မသန်စွမ်းသူများ အခွင့်အရေး နည်းဥပဒေတွင် ကျန်နေသည့်အချက်များ ပါဝင်ရေး ဆွေးနွေး

မကြာခင် ထွက်ရှိတော့မယ့် မသန်စွမ်းသူများ အခွင့်အရေး နည်းဥပဒေမှာ ကျန်ရှိတဲ့ အချက်တွေ ပါဝင်ရေးအတွက် လွှတ်တော်မှာ အမြန်ဆုံးသွားရောက်ပြီး စည်းရုံးလှုံ့ဆော်သွားမယ်လို့  မြန်မာနိုင်ငံ မသန်စွမ်းအဖွဲ့ချုပ်က ပြောပါတယ်။ မသန်စွမ်း နည်းဥပဒေမှာ ကျန်ရှိတဲ့အချက်တွေ ပါဝင်ရေးအတွက် မသန်စွမ်းတွေ စုစည်းပြီး ဖေဖော်ဝါရီ ၅ ရက်က ရန်ကုန်မြို့ရှိ Hotel 99 မှာဆွေးနွေးနေကြပါတယ်။ ဆွေးနွေးပွဲကနေ ရရှိတဲ့ အချက်တွေကို နေပြည်တော်ရှိ လွှတ်တော်မှာ သွားရောက် ဆွေးနွေးမယ့် မသန်စွမ်း ကိုယ်စားပြု ကိုယ်စားလှယ် ရွေးချယ်ပြီး အမြန်ဆုံး သွားဆောင်ရွက်မယ်လို့ မသန်စွမ်းအဖွဲ့တွေက ပြောပါတယ်။ မသန်စွမ်းသူများ အခွင့်အရေး နည်းဥပဒေကို ၂၀၁၅ ခုနှစ်က ပြဋ္ဌာန်းခဲ့ပြီး နည်းဥပဒေ ထွက်ရှိဖို့ ကျန်ရှိနေတာပါ။
3 years Ago

March 9, 2017

မသန်စွမ်းသူများ အခွင့်အရေးကာကွယ်ပေးရေးဥပဒေ ပြင်ဆင်ရန် သူရဦးရွှေမန်း ဆွေးနွေး

မသန်စွမ်းသူများ အခွင့်အရေးဆိုင်ရာဥပဒေ ပြင်ဆင်ဖို့အတွက် သူရဦးရွှေမန်းနဲ့ မြန်မာနိုင်ငံမသန်စွမ်း အသင်းအဖွဲ့တွေ တွေ့ဆုံဆွေးနွေးခဲ့တယ်လို့ မသန်စွမ်းသူများ ပညာသင်ယူခွင့်ရရှိရေး လှုပ်ရှားမှု ကော်မတီမှာ တွဲဖက်အတွင်းရေးမှူး (၁) ဦးရဲဝင်းက ပြောပါတယ်။ မသန်စွမ်းသူတွေရဲ့ အခွင့်အရေးကာကွယ်ပေးရေးအတွက် မြန်မာနိုင်ငံမသန်စွမ်းအဖွဲ့အစည်းတွေနဲ့ ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင် ဥက္ကဋ္ဌ သူရဦးရွှေမန်းတို့ ဒီနေ့ နေပြည်တော်မှာ တွေ့ဆုံဆွေးနွေးခဲ့ကြတာပါ။ “ကျနော်တို့ မသန်စွမ်းသူတွေဘက်က အဓိက ဆွေးနွေး တင်ပြတာက Sector ၃ ခု ပါ။ နံပတ် ၁ က မသန်စွမ်းသူတွေရဲ့ပညာရေး၊ နံပတ် ၂ က မသန်စွမ်းသူတွေရဲ့ အလုပ်အကိုင်အခွင့်အလမ်းနဲ့ ၃ အချက်က မသန်စွမ်းသူများအပေါ် လူ့အခွင့်အရေး ချိုးဖောက်မှုတွေပေါ့။ ၂၀၁၅ ခုနှစ် မြန်မာနိုင်ငံ မသန်စွမ်းသူများ အခွင့်အရေးဆိုင်ရာဥပဒေနဲ့ အမျိုးသားပညာရေးကို ပြန်လည်ပြင်ဆင်တဲ့ ဥပဒေတွေ ကိုလည်း အဓိက ဆွေးနွေးခဲ့တယ်”လို့ မသန်စွမ်းသူများ ပညာသင်ယူခွင့်ရရှိရေး လှုပ်ရှားမှု ကော်မတီမှာ တွဲဖက်အတွင်းရေးမှူး (၁) ဦးရဲဝင်းက ပြောပါတယ်။ ကော်မရှင်ဥက္ကဋ္ဌ သူရဦးရွှေမန်းက နိုင်ငံသားများရဲ့ မူလအခွင့်အရေးအရ မသန်စွမ်းတွေလည်း အခွင့်အရေး ရှိကြောင်း ဆောင်ရွက်ပေးရမှာ ၂ ပိုင်း ခွဲ ရှိတယ်လို့ သူက ဆက်ပြောပါတယ်။ “တပိုင်းက ဥပဒေရေးရာကိစ္စ၊ နောက်တပိုင်းက ဝန်ကြီးဌာနများရဲ့ လုပ်ထုံးလုပ်နည်း လုပ်ငန်းဆောင်တာကိစ္စတွေမှာ မသန်စွမ်းအခွင့်အရေးဥပဒေအရ ဆောင်ရွက်ရမယ်”လို့ ဦးရဲဝင်းက ပြောပါတယ်။ မသန်စွမ်းသူများအခွင့်အရေးဆိုင်ရာ နည်းဥပဒေမူကြမ်းကို လူမှုဝန်ထမ်းဦးစီးဌာနက ရှေ့နေချုပ်ရုံးကို မတ် ၇ ရက်နေ့က ပေးပို့ခဲ့ပြီး အမြန်ဆုံး ပြန်လည်စိစစ်ပြီး လူမှုဝန်ထမ်းဦးစီးဌာနကို အကြံပြန်ပြုမယ်လို့ ဦးရဲဝင်းက ဆိုပါတယ်။ ပြည်ထောင်စုလွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် ဥက္ကဋ္ဌ သူရဦးရွှေမန်းနဲ့တကွ သက်ဆိုင်ရာ ဝန်ကြီးဌာနအသီးသီးမှ တာဝန်ရှိပုဂ္ဂိုလ်တွေ၊ မြန်မာနိုင်ငံ မသန်စွမ်းသူများအသင်းချုပ်မှ တာဝန်ရှိသူတွေ၊ မြန်မာနိုင်ငံ မသန်စွမ်းသူတွေ ရှေ့ဆောင် အဖွဲ့ ဦးနေလင်းစိုးနဲ့ မသန်စွမ်းအဖွဲ့အစည်းများမှ တာဝန်ရှိသူတွေ တက်ရောက် ဆွေးနွေးခဲ့ကြပါတယ်။ ၂၀၁၄ ခုနှစ် သန်းခေါင်စာရင်းထုတ်ပြန်ချက်အရ မြန်မာနိုင်ငံတွင် မသန်စွမ်းဦးရေး ၂၃ သိန်းကျော် ရှိတယ်လို့ သိရပြီး မြန်မာနိုင်ငံ မသန်စွမ်းသူများအခွင့်အရေးဆိုင်ရာဥပဒေကို ပြီးခဲ့တဲ့နှစ် ၂၀၁၅ ခုနှစ်က ပြဌာန်းခဲ့ပြီး နည်းဥပဒေကို ပြဌာန်းရန် ကြိုးစားနေဆဲပါ။ သတင်း၊ ဓာတ်ပုံ - MILI
4 years Ago
Up