မန်ယူတိုက်စစ်မှူး

June 2, 2020

အမေရိကန်လူမည်းအမျိုးသားသေဆုံးခဲ့ရမှုအပေါ် ထိခိုက်ခံစားရဟု မန်ယူတိုက်စစ်မှူး ရက်ရှ်ဖို့ဒ် ဖွင့်ဟ

အမေရိကန်မှာ လူမည်းအမျိုးသားတစ်ဦး သေဆုံးခဲ့ရတဲ့အပေါ်မှာ လူတွေအားလုံး ထိခိုက် ခံစားရတယ်လို့ မန်ယူတိုက်စစ်မှူး ရက်ရှ်ဖို့ဒ်က ပြောပါတယ်။ ဂျော့ဖလွိုက်လို့ ခေါ်တဲ့ အသက် ၄၆ နှစ်အရွယ် အမေရိကန် လူမည်းအမျိုသားတစ်ဦးကို  လူဖြူ ရဲအရာရှိတစ်ဦးက ဖမ်းဆီးရာမှာ ဒူးနဲ့ လည်ပင်းကို အချိန်ကြာတဲ့အထိ ဖိထားခဲ့တာကြောင့် သေဆုံးသွားခဲ့တာပါ။ အဲဒီဖြစ်ရပ်က လူတွေကို ထိခိုက်ခံစားရစေပြီး အဖြေရှာသွားဖို့လည်း လိုတယ်လို့ ရက်ရှ်ဖို့ဒ်က သူ့ရဲ့ တွစ်တာကနေ ရေးသားခဲ့ပါတယ်။ လူတွေဟာ အရင်ကထက် ခွဲခြားမှုတွေ ရှိလာပြီး ဒီအချိန်မှာတော့ အတူတကွ စုစည်းညီညွတ်ကြဖို့လည်း တောင်းဆိုကြောင်း ရက်ရှ်ဖို့ဒ်က ပြောပါတယ်။  အမေရိကန်မှာတော့ ဂျော့ဖလွိုက် သေဆုံးမူကြောင့် ဆန္ဒပြမူတွေလည်း များလာနေပြီး မြို့အတော်များများကို ညမထွက်ရအမိန့်တွေ သတ်မှတ်ထားရပါတယ်။ အင်္ဂလန်တိုက်စစ်မှူး ရက်ရှ်ဖို့ဒ်ဟာ Black lives Matter ၊ Justice For GeorgeFloyd  ဆိုတဲ့ လှုံ့ဆော်ရေး စာသားတွေကိုလည်း သူ့ရဲ့တွစ်တာမှာ ရေးသားခဲ့ပါတယ်။
12 months Ago

May 18, 2020

နည်းပြဗန်ဟားလ်ထံမှ သင်ယူစရာ အများဆုံးရခဲ့ဟု ဝိန်းရွန်နီပြော

တခြားနည်းပြတွေထက် နည်းပြ ဗန်ဟားလ်ဆီက သင်ယူစရာတွေ ပိုမိုရရှိခဲ့တယ်လို့ မန်ယူတိုက်စစ်မှူးဟောင်း ဝိန်းရွန်နီက ပြောလိုက်ပါတယ်။  နယ်သာလန်နည်းပြ ဗန်ဟားလ်ဟာ ၂၀၁၄ ခုနှစ်ကနေ ၂၀၁၆ ခုနှစ်အထိ မန်ယူအသင်းမှာ နှစ်ရာသီကြာ ကိုင်တွယ်ခဲ့တာပါ။ အဲဒီအချိန်က ဝိန်းရွန်နီဟာလည်း အသင်းခေါင်းဆောင်အဖြစ် ကစားနေချိန်ဖြစ်ပါတယ်။  တခြားနည်းပြတွေထက် နည်းပြ ဗန်ဟားလ်ဆီကနေ သင်ယူလေ့လာမူတွေပိုမိုရှိခဲ့ပြီး ယူနိုက်တက်အသင်းက သူ့ကို ထုတ်ပယ်ဖို့ ဆုံးဖြတ်လိုက်တဲ့အပေါ်မှာ  ဝမ်းနည်းခဲ့ရတယ်လို့ ရွန်နီကပြောပါတယ်။  ဗန်ဟားလ်နဲ့ အတူလက်တွဲ လုပ်ဆောင်ခဲ့ရတာဟာ ပျော်ရွှင်စရာကောင်းပြီး သူ့ကိုသာ ဆက်လက်တာဝန်ယူစေခဲ့မယ်ဆိုရင် ပိုကောင်းတဲ့အသင်းဖြစ်လာနိုင်ကြောင်း၊ ဗန်ဟားလ်ရဲ့ နည်းစနစ်နဲ့ အသားကျသွားတဲ့အချိန်ရောက်မှ  အသင်းကထုတ်ပယ်ခဲ့တာဖြစ်ကြောင်း ရွန်နီက ဆိုပါတယ်။  နည်းပြဗန်ဟားလ်ဟာ ၂၀၁၆ ခုနှစ် အက်ဖ်အေလားမှာ ချန်ပီယံဆုဖလား ရယူပေးခဲ့ပြီးနောက် ၂၄ နာရီမပြည့်ခင်မှာ မန်ယူအသင်းက မော်ရင်ဟိုကို အစားထိုးခန့်အပ်ခဲ့တာပါ။  ရွန်နီဟာ လက်ရှိအချိန်မှာတော့ ချန်ပီယံရှစ်ကလပ် ဒါဘီအသင်းမှာ ကစားသမား၊ နည်းပြအဖြစ် တာဝန်ယူနေပါတယ်။ 
12 months Ago
More News
Up