မန်ချက်စတာစီးတီ

February 20, 2020

ပရီးမီးယားလိဂ်ကြားပွဲစဉ်တွင် မန်စီးတီးက ဝက်စ်ဟမ်းကို ၂ ဂိုးပြတ်နိုင် 

မနေ့ညက ယှဉ်ပြိုင်သွားတဲ့ ပရီးမီးယားလိဂ်ကြားပွဲစဉ်မှာ မန်ချက်စတာစီးတီးက ဝက်စ်ဟမ်းကို ၂ ဂိုး ဂိုးမရှိနဲ့ အနိုင်ရသွားပါတယ်။ မန်စီးတီးအတွက် အနိုင်ဂိုးတွေကို ရိုဒရီနဲ့ ဒီဘရိုင်းတို့က သွင်းယူပါတယ်။ မန်စီးတီးက အိမ်ကွင်းမှာ တဖက်သတ် ဘောလုံး အသာစီးယူပြီး ကစားနိုင်ခဲ့သလို ဂိုးပေါက် ကန်သွင်းခွင့်လည်း ၇ ကြိမ်အထိ ရခဲ့ပါတယ်။  ဝက်စ်ဟမ်းကတော့ တဖက် ဂိုးပေါက်ကို ခြိမ်းခြောက်နိုင်ခြင်း မရှိပါဘူး။ ဒီပွဲမှာ ခြေစွမ်းပြနိုင်တဲ့ မန်စီးတီး ကွင်းလယ်သမား ဒီဘရိုင်း အကောင်းဆုံး ကစားသမားအဖြစ် သတ်မှတ်ခြင်း ခံရပါတယ်။  ဒီပွဲနိုင်တဲ့ မန်စီးတီးက ၅၁ မှတ်နဲ့ ဇယားထိပ်က လီဗာပူးရဲ့နောက် ၂၂ မှတ်အကွာနဲ့ အမှတ်ပေးဇယားရဲ့ ဒုတိယနေရာမှာ ရပ်တည်နေပါတယ်။
1 year Ago

December 26, 2019

မန်စီးတီး အဓိက ကစားသမား ဖာနန်ဒိုနှင့် ဆေးလ်ဗားတို့ ရာသီအကုန်တွင်ထွက်ခွာဖွယ်ရှိ 

Sky Sport သတင်းဌာနကလုပ်တဲ့အမေးအဖြေပြိုင်ပွဲမှာ မာရက်ဇ်ရဲ့ အဖြေကြောင့် မန်ချက်စတာစီးတီးမှာ နှစ်အတော်ကြာကစားလာခဲ့တဲ့ အဓိက ကစားသမားနှစ်ဦး အသင်းကနေ ရာသီကုန်မှာထွက်ခွာဖို့ ‌ရှိတယ်ဆိုတာကို သိရှိသွားပါတယ်။ အဖွဲ့အေနဲ့ဘီဆိုပြီး အမေးအဖြေယှဉ်ပြိုင်ခဲ့တာမှာ သတင်းတင်ဆက်သူရဲ့မေးခွန်းကို မှားဖြေခဲ့တဲ့အပြင် အဖွဲ့ဘီက မန်ဒီပြုံးစိစိဖြစ်နေတာကို ကြည့်ပြီး သုံးသပ်နေကြတာဖြစ်ပါတယ်။  မန်စီးတီးကစားသမား ဖာနန်ဒင်ဟိုဟာ အသက်၃၄နှစ်ရှိနေပြီဖြစ်လို့ အကျပိုင်းကိုရောက်ရှိနေတဲ့အပြင် စာချုပ်သစ်ကို သက်တမ်းထပ်တိုးခြင်းမရှိတာကို သုံးသပ်ပြီး  ကစားသမားဘ၀ကနေ အပြီးအနားယူနိုင်ဖွယ်ရှိနေလို့ ထင်ကြေးပေးနေကြတာပါ။  ဒီဘရာဇီးလ်သားဟာ၂၀၁၃ခုနှစ်က ရှက်တာဒိုးနက်စ်ကနေပြောင်းရွှေ့လာခဲ့တာဖြစ်ပြီး မန်စီးတီးအသင်းရဲ့ ပရီးမီးယားလိဂ်ဖလား ၃ ကြိမ်ချန်ပီယံဆုအတွက်  အဓိက အခန်းကဏ္ဍကနေ ပါ၀င်ခဲ့ပါတယ်။  အလားတူ မန်စီးတီးရဲ့ အဓိက ကစားသမားတဦးဖြစ်တဲ့ ဆေးလ်ဗားဟာလည်း ဒီရာသီ အကုန်မှာ အသင်းကနေ ထွက်ခွာမယ်လို့ ဒေးလီးမေလ်သတင်းစာကို ပြောကြားထားပါတယ်။
1 year Ago
Up