မန္တလေးတိုင်း

April 29, 2021

ကြံ့ခိုင်ရေးပါတီ မန္တလေးတိုင်းရုံး ဗုံးဖောက်ခံရ

မန္တလေးမြို့ ချမ်းအေးသာစံမြို့နယ် ၇၃ လမ်း ၂၇ လမ်းရှိ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ(မန္တလေးတိုင်းဒေသကြီးရုံး)ကို ဧပြီ ၂၈ ရက် ညပိုင်းက လက်လုပ်ဗုံးနဲ့ပစ်ဖောက်ခံလိုက်ရတယ်လို့ သိရပါတယ်။

ဗုံးပေါက်ကွဲသံကို ပတ်ဝန်းကျင်က ကြားလိုက်ရပြီး ထိခိုက်ဒဏ်ရာရသူ မရှိဘူးလို့ အနီးအနား ရပ်ကွက်နေပြည်သူတွေက ပြောပါတယ်။

မနက်ပိုင်းမှာတော့ လုံခြုံရေးယူထားတာတွေ မတွေ့ရဘဲ ပုံမှန်အခြေအနေရှိနေပြီး CCTV မှတ်တမ်းအရ ဆိုင်ကယ်တစ်စီးနဲ့ လူ ၃ ဦးက လာပစ်သွားတာလို့ သိရပါတယ်။ဧပြီ ၂၈  ရက်ကလည်း စစ်ကောင်စီက ခန့်ထားတဲ့ မန္တလေး ဒုမြို့တော်ဝန်အိမ်မှာလည်း ဗုံးပေါက်ကွဲမှု ဖြစ်ခဲ့တဲ့အပြင် ၃၈ လမ်း ၇၃ လမ်းမှာပါ ပေါက်ကွဲမှုဖြစ်ခဲ့လို့ အာဏာသိမ်း စစ်ကောင်စီရဲ့ အကြမ်းဖက်လက်နက်ကိုင်တချို့ ဒဏ်ရာရသူ ရှိတယ်လို့ သိရပါတယ်။

2 weeks Ago

April 21, 2021

မြင်းခြံတွင် မီးလောင်မှုကြောင့် လူနေအိမ် ၁၀ လုံးနှင့် ဂိုဒေါင် ၁ လုံး ဆုံးရှုံး

မန္တလေးတိုင်းဒေသကြီး မြင်းခြံမြို့နယ် အမှတ် ၁၅ ရပ်ကွက်၊ နယ်မြေ ၆ မှာ ဧပြီ ၂၀ ရက် ည ၁၁ နာရီ ၄၀ မိနစ်က မီးလောင်မှု ဖြစ်ပွားခဲ့ပါတယ်။

မီးလောင်ရာကို မြင်းခြံခရိုင် မီးသတ်ဦးစီးမှူး ဦးအောင်သက်လှိုင် ဦးဆောင်ပြီး မီးငြိမ်းသတ်ယာဉ်တွေ၊ ရေသယ်ယာဉ်ဝေါ၊ မီးသတ်တပ်ဖွဲ့ဝင်တေါနဲ့ သွားရောက်ငြိမ်သတ်ခဲ့ရာ ဧပြီ ၂၁ ရက် မနက် ၁၂ နာရီ မိနစ် ၃၀ မှာ မီးလုံးဝငြိမ်ခဲ့ပါတယ်။

မီးလောင်မှုကြောင့် လူနေအိမ် ၁၀လုံး၊ ဂိုဒေါင် ၁ လုံး မီးလောင်ဆုံးရှုံးခဲ့ပြီး မီးလောင်ဆုံးရှုံးမှုတန်ဖိုး ၉၅၀၀၀၀၀ ကျပ်ခန့် ဆုံးရှုံးခဲ့ပါတယ်။

3 weeks Ago
More News
Up