မင်းကင်း PDF

July 29, 2021

တောင်ဖြူတိုက်ပွဲတွင် မင်းကင်း PDF တပ်ဖွဲ့ဝင် ၅၇ ဦး ဖမ်းဆီးခံရ

ဇူလိုင် ၂၈ ရက် မနက်က ဖြစ်ပွားခဲ့တဲ့ စစ်ကိုင်းတိုင်း၊ မင်းကင်းမြို့နယ် တောင်ဖြူတိုက်ပွဲမှာ မင်းကင်း PDF တပ်ဖွဲ့ဝင် ၅၇ ဦး ဖမ်းဆီးခံရတယ်လို့ သိရပါတယ်။ 

မင်းကင်း PDF အဖွဲ့ခေါင်းဆောင်တစ်ဦးက “ကျနော်တို့ မင်းကင်း PDF က ၅၇ ယောက် အဖမ်းခံလိုက်ရတယ်။ တောင်ဖြူကိုသွားတိုက်တယ်၊ အဲဒီဘက်ရွာကလူတွေက ညှိနှိုင်းမယ်ဆိုပြီး ရွာထဲခေါ်တယ်။ အဲဒါ ကျနော်တို့လူတွေ  လက်နက်တွေမပါဘဲ ရွာထဲ လိုက်သွားလိုက်တယ်၊ ရွာထဲရောက်တော့ စစ်ကောင်စီ မွေးထားတဲဒလန် လက်နက်ကိုင်ထားတဲ့လူတွေက ဝိုင်းဖမ်းလိုက်တယ်။ ဖမ်းပြီးတာနဲ့ မင်းကင်းမှာရှိတဲ့ စစ်တပ်ကို လှမ်းခေါ်တယ် စက်လှေနဲ့ ရောက်လာပြီးဖမ်းသွားတယ်။ ကျန်ခဲ့တဲ့ ၁၂ ယောက်က မယုံလို့မလိုက်သွားဘူး” လို့ ပြောပါတယ်။

မင်းကင်း PDF တပ်ဖွဲ့ဝင် ၅၇ ဦးလုံး လက်နက် တစုံတရာ မပါဘဲ ဖမ်းဆီးခံလိုက်ရတာကြောင့် သတ်ပစ်ခံရမှာ စိုးရိမ်ရတယ်လို့ ဆိုပါတယ်။

တစ်ချိန်တည်းမှာပဲ မင်းကင်းမြို့နယ် ပန်းဆက်မှာလည်း နှစ်ဖက်တိုက်ပွဲဖြစ်ပွားခဲ့ပြီး စစ်ကောင်စီတပ်က ၁ ဦး သေဆုံးပြီး ၃ ဦး ဒဏ်ရာရှိခဲ့တယ်လို့ မင်းကင်း PDF အဖွဲ့ခေါင်းဆောင်က ပြောပါတယ်။

2 months Ago

July 18, 2021

မင်းကင်း PDF တပ်ဖွဲ့နှင့် ပျူစောထီးအဖွဲ့ တိုက်ပွဲဖြစ်

မင်းကင်းမြို့နယ် ကြာပင်ရွာအနီးမှာ မင်းကင်းပြည်သူ့ကာကွယ်ရေးတပ်မတော် တောင်းတွင်း (PDF) နဲ့ စစ်ကောင်စီလက်အောက်ခံ ပျူစောထီးအဖွဲ့တို့ ဇူလိုင် ၁၇ ရက်နေ့ နေ့လယ် ၁ နာရီလောက်က တိုက်ပွဲဖြစ်ပွားခဲ့တယ်လို့ သိရပါတယ်။

PDF အဖွဲ့ဝင်တစ်ဦးက “ကျနော်တို့တပ်နဲ့ ပထွေးအားကိုးပြီး ပြည်သူကို အနိုင်ကျင့်နေတဲ့ ပျူစောထီးတွေနဲ့ ဒီကနေ့တိုက်ပွဲဖြစ်တယ်ဗျ။ တိုက်ပွဲဖြစ်တဲ့ အချိန်က‌တော့ မကြာလိုက်ဘူးဗျ၊ ခဏ‌လေးပဲ” လို့ ပြောပါတယ်။

တိုက်ပွဲအတွင်း ပျူစောထီးတပ်ဖွဲ့က ၄ ယောက် သေဆုံး၊ ၁ ဦး ပြင်းထန်ဒဏ်ရာ ရသွားပြီး PDF တပ်ဘက်က ကျဆုံးဒဏ်ရာရသူမရှိဘူးလို့ဆိုပါတယ်။

မင်းကင်းမြို့နယ်အတွင်း ပျူစောထီးတပ်ဖွဲ့တွေဟာ စစ်ကောင်စီကပေးထားတဲ့ လက်နက်တွေနဲ့ ရွာသူရွာသားအချင်းချင်းအပေါ် အနိုင်ကျင့်ဗိုလ်ကျကာ ဆန်၊ ဆီနဲ့ အဖိုးတန် ရွှေ ငွေတွေ လုယူတာမျိုးတွေ အကြိမ်ကြိမ်ပြုလုပ်နေကြတယ်လို့ ဒေသခံတွေက ပြောပါတယ်။

2 months Ago
Up