မကွေး

July 24, 2021

မကွေးမြို့တွင် သံဃာတော် ၁ ပါးအပါအဝင် ကိုဗစ်-၁၉ အတည်ပြုလူနာ ၉ ဦး သေဆုံး

မကွေးမြို့မှာ ဇူလိုင် ၂၃ ရက်နေ့က သံဃာတော်တစ်ပါးအပါဝင် ကိုဗစ်-၁၉ အတည်ပြုလူနာ ၉ ယောက်သေဆုံးခဲ့တယ်လို့ ပရဟိတအဖွဲ့တွေဆီက သိရပါတယ်။

သင်ကြားရေးဆေးရုံမှာ တက်ရောက်ကုသနေတဲ့ သံဃာတော် ၁ ပါး၊ မကွေးတိုင်းဆေးရုံက ၂ ယောက်၊ အောင်စေတနာရပ်ကွက်က ၂ ယောက်၊ အောင်မေတ္တာရပ်ကွက်က ၁ ယောက်၊ ရန်နိုင်ရပ်ကွက်က ၁ ယောက်၊ ဆုံရပ်က ၁ ယောက်နဲ့ ပြည်တော်သာအိမ်ရာ က ၁ ယောက်သေဆုံးခဲ့တာဖြစ်ပြီး မီးသင်္ဂြိုဟ်ပေးခဲ့ရတယ်လို့ ပရဟိတ အဖွဲ့ဝင်တစ်ယောက်က ပြောပါတယ်။

သေဆုံးခဲ့တဲ့သူအများစုဟာ ကိုဗစ်ရောဂါကို ပြင်းထန်စွာခံစားရပြီးတော့ အောက်စီဂျင် ပြတ်လပ်တာကြောင့် အသက်ဆုံးရှုံးခဲ့ရတာလို့ ဆိုပါတယ်။

မကွေးတိုင်းဆေးရုံကြီးမှာ ဆရာဝန်တွေ၊ ကျန်းမာရေးဝန်ထမ်းတွေ မလုံလောက်တာကြောင့် အရေးပေါ်လူနာလောက်သာ လက်ခံကုသပေးနေပြီး တစ်ချို့ပိုးတွေလူနာတွေကို နေအိမ်မှာဘဲပြန်နေခိုင်းတယ်လို့ ပရဟိတအဖွဲ့ဝင်က ပြောပါတယ်။

မကွေးတိုင်းဒေသကြီးအတွင်းမှာ ဇူလိုင် ၂၃ ရက်နေ့ထိ ကိုဗစ်-၁၉ အတည်ပြုလူနာ ၈,၀၆၆ ယောက်နဲ့ သေဆုံးသူ ၁၅၀ ရှိပြီလို့ ကျန်းမာရေးဌာနရဲ့ ထုတ်ပြန်ချက်တွေအရ သိရပါတယ်။

ဓာတ်ပုံအယ်လ်ဘမ်ထည့်ပေးပါ

6 hours Ago

July 8, 2021

မကွေးမြို့၌ ကိုဗစ်-၁၉ အတည်ပြုလူနာ ၁၁၇ ဦး စံချိန်တင်တွေ့ရှိ

မကွေးမြို့မှာ စစ်ကောင်စီရဲ့ ဝန်ထမ်းမိသားစုဝင် အယောက် ၆၀ အပါအဝင် ကိုဗစ်-၁၉ အတည်ပြုလူနာ ၁၁၇ ယောက်ထိ စံချိန်တင်တွေ့ရှိခဲ့တယ်လို့ ပရဟိတအဖွဲ့တွေကနေသိရပါတယ်။

ကိုဗစ်-၁၉ သံသယလူနာတွေကို သီတဂူ မျက်စိဆေးရုံ ကိုဗစ်စစ်ဆေးရေးစင်တာမှာ စစ်ဆေးပေးခဲ့ရာ စစ်ကောင်စီရဲ့ ဝန်ထမ်းမိသားစု ၆၀ အပါဝင် တခြားဌာနက ဝန်ထမ်းမိသားစုတွေနဲ့ ရပ်ကွက်အသီးသီးကနေ့ အတည်ပြုလူနာ ၁၁၇ ယောက်ထိ တွေ့ရှိခဲ့တယ်လို့ ပရဟိတအဖွဲ့ဝင်တစ်ယောက်က ပြောပါတယ်။

အဲဒီအတည်ပြုလူနာတွေကို ပရဟိတအဖွဲ့ ၃ ဖွဲ့က လူနာတင်ယာဥ်တွေနဲ့ မကွေးတိုင်းဆေးရုံကြီး ၅ ထပ်ဆောင်ကို ပို့ဆောင်ပေးခဲ့တယ်လို့ ဆိုပါတယ်။

ဆေးရုံမှာလည်း သောက်ရမဲ့ဆေးတွေကို ပြည်သူ့အစိုးရ လက်ထက်ကလို အလကားမပေးတော့ဘဲ ဝယ်သောက်နေရပြီး ထမင်းအလှူရှင်တွေလည်း မရှိတာကြောင့် မိမိနေအိမ်ကနေ ပို့ပေးနေရတယ်လို့ သိရပါတယ်။

2 weeks Ago
More News
Up