မက္ကဆီကို

February 3, 2021

အမေရိကန်-မက္ကဆီကိုနယ်စပ် ရွှေ့ပြောင်းသွားလာခွင့် သမ္မတဂျိုးဘိုင်ဒင် လက်မှတ်ရေးထိုး

အမေရိကန်-မက္ကဆီကို နယ်စပ် နိုင်ငံရေး ခိုလှုံခွင့်၊ တရားဝင်ရွှေ့ပြောင်းသွားလာခွင့်နဲ့ မိသားစု ပြန်ပေါင်းစည်းရေးနဲ့ဆိုင်တဲ့ သမ္မတ အမိန့် ၃ ခုကို သမ္မတ ဂျိုးဘိုင်ဒင်က ဖေဖော်ဝါရီ ၂ ရက်မှာ လက်မှတ်ရေးထိုးခဲ့ပါတယ်။

ခိုလှုံခွင့်အလေးထားတဲ့ အမိန့်ဟာ ရွှေ့ပြောင်းသွားလာသူ အကာကအကွယ်ပေးရေး ပရိုတိုကော်လ် (MPP) ကို ပြန်သုံးသပ်ခွင့်ပြုသွားမှာပါ။

MPP အစီအစဉ်က ခိုလှုံခွင့်တောင်းခံသူ ၆၅,၀၀၀ ကို မက္ကဆီပြန်ပို့ပြီး အမေရိကန် တရားရုံး ကြားနာချက်တွေကို စောင့်ဆိုင်းစေတာပါ။ ဘိုင်ဒင်အစိုးရက အဲဒီအစီအစဉ်ထဲ လူတွေ ထပ်မံဖြည့်စွက်တာကို တားဆီးပေမယ့် စာရင်းသွင်းပြီးသား လူတွေနဲ့ပတ်သက်လို့ ဘယ်လို လုပ်သွားမလဲ ဆိုတာကို မဖော်ပြသေးပါဘူး။

နောက်ပြီး အမေရိကန်-မက္ကဆီကို နယ်စပ်မှာ တကွဲတပြားဖြစ်နေတဲ့ ရွှေ့ပြောင်းသွားလာသူ မိသားစုဝင်တွေ ပြန်ပေါင်းစည်းရေးအတွက် ဘိုင်ဒင်က အထူးအဖွဲ့တစ်ဖွဲ့ကို ဖွဲ့စည်းခဲ့ပါတယ်။ 

အဲဒီအဖွဲ့ကို အမိမြေလုံခြုံရေးဝန်ကြီး အလက်ဂျန်ဒရို-မာယောကော့စ်က ဦးဆောင်ပြီး တကွဲတပြား ဖြစ်နေတဲ့ မိသားစုတွေကို ပြန်ပေါင်းစည်းပေးဖို့ ဗီဇာ ဒါမှမဟုတ် တခြား လူဝင်မှုဆိုင်ရာ ဖောင်တွေ ထုတ်ပေးနိုင်မယ့် ဖြစ်နိုင်ခြေကို စဉ်းစားသွားမယ်လို့ ရိုက်တာသတင်းမှာ ဖော်ပြထားပါတယ်။

3 months Ago

January 25, 2021

မက္ကဆီကိုတွင် ကိုဗစ်-၁၉ ရောဂါကြောင့် သေဆုံးသူ ၁ သိန်းခွဲခန့်ရှိလာ

မက္ကကိုနိုင်ငံမှာ ကိုဗစ်-၁၉ ကပ်ရောဂါကြောင့် သေဆုံးသူ ၁ သိန်းခွဲနီးပါး ရှိလာပြီဖြစ်ပြီး ကမ္ဘာ့ ကူးစက်ခံသေဆုံးသူ အများဆုံး ငါးနိုင်ငံ စာရင်းထဲမှာ ပါနေပါပြီ။

 နိုင်ငံလူဦးရေချင်း နှိုင်းစာရင် အဆမတန် ပိုများတဲ့ အိန္ဒိယနိုင်ငံက ကူးစက်ခံ သေဆုံးသူ ဦးရေကို မီခါနီးထိ ဖြစ်လာနေတာပါ။

အစဉ်အလာ ဈာပနတွေလည်း ကိုဗစ်-၁၉ ကပ်ဘေးကာလမှာ မကျင်းပနိုင်ဘဲ မြို့တော်ရဲ့ သင်္ချိုင်းတွေမှာ မီးခိုးမည်းတွေ အူတက်နေပါတယ်။

အာဏာပိုင်တွေရဲ့ ထပ်ခါတလဲ ဆော်သြချက်တွေကို အာခံရင်း ပြည်သူတွေဟာ ခရစ္စမတ်နဲ့ နှစ်သစ်ကူး ပွဲတော်တွေကို ဆင်နွှဲခဲ့ကြပါတယ်။

 အဲဒီနောက် ဇန်နဝါရီလထဲမှာ ကူးစက်နှုန်းနဲ့ သေဆုံး စံချိန်တွေ အတော်များများ မြင့်တက်ခဲ့ တယ်လို့ တရားဝင် ကိန်းဂဏန်းတွေက ပြထားပါတယ်။

 မက္ကဆီကို သမ္မတဟာလည်း ကိုဗစ်-၁၉ ကပ်ရောဂါ ကူးစက်ခံထားရပြီး ရောဂါလက္ခဏာ အသေးစားတွေကို ခံစားနေရလို့ ဆေးကုသခံနေတယ်လို့ မီဒီယာတွေက ဇန်နဝါရီ ၂၅ ရက်မှာ အသီးသီး ဖော်ပြကြပါတယ်။

 ဇန်နဝါရီ  ၂၅ မွန်းလွဲ ၄ နာရီထိ အတည်ပြုချက်အရ ကူးစက်ခံ သေဆုံးသူ ဦးရေ ၁၄၉၆၁၄  ဦး ရှိပြီး စုစုပေါင်း ကူးစက်ခံဦးရေ ၁ ဒသမ ၇၅သန်း ကျော်နေပြီလို့ အာဏာပိုင်တွေက အသိပေး ထားပါတယ်။

 ဒါပေမဲ့ တကယ် ကူးစက်ခံဦးရေနဲ့ ကူးစက်ခံ သေဆုံးသူ ဦးရေဟာ တရားဝင် ကိန်းဂဏန်းတွေထက် သိသိသာသာ ပိုများနိုင်တယ်လို့ ကျန်းမာရေး အရာရှိတွေက ပြောပါတယ်။

4 months Ago
More News
Up