မက္ကဆီ

January 23, 2021

ထရမ့်၏လူဝင်မှု မူဝါဒအား ပြောင်းလဲမည့် ဂျိုးဘိုင်ဒင်ကို မက္ကဆီကို ထောက်ခံ

အမေရိကန်-မက္ကဆီကို နယ်စပ်တံတိုင်း တည်ဆောက်ရေး ရပ်တန့်တာအပါအဝင် သမ္မတဟောင်း ဒေါ်နယ်ထရမ့် ချမှတ်ခဲ့တဲ့ ပြင်းထန်တဲ့ လူဝင်မှုကြီးကြပ်ရေး မူဝါဒအများအပြားကို ပြောင်းပြန်လှန်ပစ်မယ့် သမ္မတသစ် ဂျိုးဘိုင်ဒင်ရဲ့ ဆုံးဖြတ်ချက်ကို ဂုဏ်ပြုတယ်လို့ မက္ကဆီကို သမ္မတက ဇန်နဝါရီ ၂၂ ရက်မှာ ပြောဆိုပါတယ်။  အမေရိကန် သမ္မတသစ် ဘိုင်ဒင် ရာထူးလက်ခံပြီးနောက်ပိုင်း ပထမဆုံးဖုန်းခေါ်ဆိုမှုအဖြစ် မက္ကဆီကိုသမ္မတ လိုပက်ဇ်အော်ဘရေဒို နဲ့ လူဝင်မှု ကြီးကြပ်ရေး၊ ကပ်ရောဂါနဲ့ နှစ်နိုင်ငံ ပူးပေါင်းဆောင်ရွက်ရေးအကြောင်းတွေ ဆွေးနွေးခဲ့ပါတယ်။  ဇန်နဝါရီ ၂၂ ရက်က အမေရိကန်-မက္ကဆီကိုနယ်စပ် စီယူဒက်-ကွာရက်ဇ်က နယ်စပ် တံတိုင်းတည်ဆောက်ရေးဟာ လူသူကင်းမဲ့နေပါတယ်။   ချီဂွယ်ဂွါပြည်နယ် ရွှေ့ပြောင်းသူများအရေးညှိနှိုင်းရေးမှူးကလည်း "သမ္မတသစ် ဘိုင်ဒင်ရဲ့ ဆုံးဖြတ်ချက်က အရေးပါတဲ့ သတင်းစကားလို့ ပြောဆိုတာအပြင် ထရမ့်ရဲ့ နယ်စပ်တံတိုင်းက ရွှေ့ပြောင်းသူတွေနဲ့ နိုင်ငံရေးခိုလှုံခွင့် တောင်းခံသူတွေ လာရောက်တာကို လျော့ကျမသွားစေဘူး" လို့ ထပ်လောင်းပြောဆိုပါတယ်။  အမေရိကန်သမ္မတသစ် ဘိုင်ဒင်ရဲက လူဝင်မှုကြီးကြပ်ရေးမူဝါဒ ပြုပြင်ပြောင်းလဲရေးမှာ မက္ကဆီကိုဟာ အရေးပါတဲ့ အခန်းကဏ္ဍမှာ ပါဝင်တယ်လို့ ရိုက်တာသတင်းမှာ ဖော်ပြပါတယ်
3 months Ago

August 6, 2020

မက္ကဆီကို ထိပ်တန်းရာဇဝတ်ဂိုဏ်းခေါင်းဆောင် အယ်လ်မာရိုနှင့် အပေါင်းပါများကို ဖမ်းမိ

မက္ကဆီကိုနိုင်ငံရဲ့ ထိပ်တန်း ရာဇဝတ်ဂိုဏ်းခေါင်းဆောင် အယ်လ်မာရိုနဲ့ အပေါင်းပါ ၇ ယောက်ကို ဖမ်းမိပြီလို့ အရာရှိတွေက သြဂုတ် ၄ ရက်မှာ ပြောပါတယ်။  သတင်းပေးချက်ကို လက်ခံရရှိပြီးနောက် အာဏာပိုင်တွေက ၇၂ နာရီအတွင်း အိမ်လေးလုံးကို ဝင်စီးနင်းအပြီးမှာ ခုလိုဖမ်းမိခဲ့တာပါ။ မူးယစ်မှောင်ခိုနဲ့ လောင်စာသူခိုးလို့ စွပ်စွဲထားတဲ့ အယ်လ်မာရိုခေါ် ဟိုဆေး အန်တိုနီယို ယေပဲ့ဇ်ကို သြဂုတ် ၂ ရက်က ဖမ်းမိတာကြောင့် ဂွါနာဟွာတိုပြည်နယ်ကို ထိန်းချုပ်ဖို့ တိုက်ပွဲဝင်နေတဲ့ ဂိုဏ်းရာဇာ ၂ ယောက်ထဲက တယောက်ကို ဖယ်ရှားလိုက်နိုင်တယ်လို့ ရိုက်တာ သတင်းမှာ ဖော်ပြပါတယ်။ ဒီပြည်နယ်ဟာ ရာဇဝတ်ဂိုဏ်းတွေရဲ့ သွေးစွန်းတဲ့စစ်ပွဲတွေ ဖြစ်ပွားရာ စက်မှုမြို့ပါ။ အာဏာပိုင်တွေဟာ ယေပဲ့ဇ် ရောက်လာနိုင်တဲ့ လိပ်စာလေးခုကို မျက်စိဒေါက်ထောက် ကြည့်နေခဲ့တယ်လို့ မက္ကဆီကို ကာကွယ်ရေးဝန်ကြီး လူးဝစ် ခရီစန်စီယို စန်ဒိုဗယ်လ်က ပြောပါတယ်။ ယေပဲ့ဇ်ကိုဖမ်းဖို့ အစိုးရဟာ လူသူအပြည့်အစုံနဲ့ ရဟတ်ယာဉ် ၂ စီး၊ မောင်းသူမဲ့ ဒရုမ်းယာဉ်တွေနဲ့ စစ်သည်ရာချီ စေလွှတ်ခဲ့ရတာပါ။ ပြည်နယ်လုံခြုံရေးတပ်ဖွဲ့ဝင် နောက်ထပ် အယောက် ၁၀၀၀ ကိုလည်း တပ်ချ ထားခဲ့ရပါတယ်။  စီးနင်းမှုအတွင်း အာဏာပိုင်တွေဟာ ယေပဲ့ဇ်အပါအဝင် အမျိုးသမီး ၃ ယောက်၊ အမျိုးသား ၆ ယောက်ကိုလည်း ဖမ်းခဲ့ပါတယ်။ လက်နက်အမျိုးမျိုး ဗုံးသီးတပ် လောင်ချာတခုနဲ့ ငွေသား အမေရိကန်ဒေါ်လာ ၆၆၀၀ ကို သိမ်းခဲ့ပြီး အသက် ၅၂ နှစ်အရွယ် ပြန်ပေးဆွဲခံ အမျိုးသမီး တယောက်ကိုလည်း ကယ်ထုတ်ခဲ့ရပါတယ်။
9 months Ago
More News
Up