ဘိုင်ယန်မြူးနစ်

July 10, 2019

အနာဂတ်နှင့် ပတ်သက်ပြီး ဆာနေး၏ ဆုံးဖြတ်ချက်ကို ဘိုင်ယန်အသင်း စောင့်မျှော်နေ

မန်စီးတီး တောင်ပံကစားသမား ဆာနေးအနေနဲ့ အနာဂတ်နဲ့ပတ်သက်ပြီး ဆုံးဖြတ်ချက် ပြုလုပ်ဖို့ ဘိုင်ယန်မြူးနစ်အသင်းက မျှော်လင့်နေပါတယ်။ ဆာနေးဟာ အားလပ်ရက်ကနေ အပန်းဖြေပြီးနောက် မန်စီးတီးအသင်းနဲ့ ရာသီကြို လေ့ကျင့်ခန်း အစီအစဉ်တွေ ပြုလုပ်ဖို့ ပြင်ဆင်နေတာပါ။ အသင်းကနေ ရော်ဘင်နဲ့ ရီဘာရီတို့လို ကစားသမားတွေ ထွက်ခွာသွားတာကြောင့် တောင်ပံကစားသမားတွေ လိုအပ်နေတယ်လို့ ဘိုင်ယန်မြူးနစ်အသင်း အမှုဆောင်အရာရှိချုပ်က ဝန်ခံခဲ့ပါတယ်။ ဆာနေးအနေနဲ့ အားလပ်ရက်မှာ သူ့ရဲ့အနာဂတ်နဲ့ ပတ်သက်ပြီး စဉ်းစားဆုံးဖြတ်ဖို့နဲ့ သူ့ဘက်ကဆန္ဒကို မိမိတို့ စောင့်မျှော်နေတယ်လို့လည်း ဘိုင်ယန်အသင်း အမှုဆောင်အရာရှိချုပ်က ဆိုပါတယ်။
2 years Ago

May 6, 2019

ရာသီအကုန်တွင် ဘိုင်ယန်မြူးနစ်မှ ရီဘာရီ ထွက်ဖွယ်ရှိ

တောင်ပံကစားသမား ဖရန့် ရီဘာရီက ဒီနှစ်ရာသီအကုန်မှာ အသင်းကနေ ထွက်ခွာဖို့ရှိတယ်လို့ ဘိုင်ယန်မြူးနစ်အသင်း တာဝန်ရှိသူက ပြောပါတယ်။ ပြင်သစ်ကစားသမား ရီဘာရီရဲ့ လက်ရှိ စာချုပ်သက်တမ်းဟာ ဒီနှစ်နွေရာသီမှာ ကုန်ဆုံးမှာပါ။ အသက် ၃၆ နှစ်အရွယ် ရီဘာရီက လာမယ့်ရာသီအတွက် ပြင်ဆင်ထားတာ မရှိသေးဘူးလို့ ပြောပါတယ်။ သူနဲ့အတူ အသင်းဖော် အာဂျန်ရော်ဘင်လည်း ဒီနှစ်ရာသီအကုန်မှာ အသင်းကနေ ထွက်ခွာမှာပါ။ ရီဘာရီဟာ ပြင်သစ်ကလပ် မာဆေးအသင်းကနေ ၂၀၀၇ မှာ ဘိုင်ယန်မြူးနစ်ကို ရောက်ရှိလာတာပါ။ ရီဘာရီဟာ ဘိုင်ယန်မြူးနစ်အသင်းနဲ့အတူ ဘွန်ဒက်စ်လီဂါ ချန်ပီယံဆု ၈ ကြိမ်နဲ့ ချန်ပီယံလိဂ်ဖလား ၁ ကြိမ် ရရှိထားပါတယ်။ သူဟာ ပြင်သစ်လက်ရွေးစင်အသင်း အတွက်တော့ ၈၁ ပွဲ ကစားပေးထားပြီး ၁၆ ဂိုး သွင်းယူထားပါတယ်။
2 years Ago
More News
Up