ဘုန်းတော်ကြီး

December 14, 2018

လိင်ပိုင်းနှိပ်စက်မှု သတင်းထွက်သည့် ဘုန်းတော်ကြီး ၂ ပါးကို ပုပ်ရဟန်းမင်းကြီး အကြံပေးအဖွဲ့မှ ထုတ်ပယ်

လိင်ပိုင်းနှိပ်စက်မှု သတင်းတွေ ထွက်နေတဲ့ ဘုန်းတော်ကြီးနှစ်ပါးကို ပုပ်ရဟန်းမင်းကြီးက သူ့ရဲ့ အနီးကပ် အကြံပေးအဖွဲ့ကနေ ထုတ်ပယ်ခဲ့တယ်လို့ ဗာတီကန်က ဒီဇင်ဘာ ၁၂ ရက်နေ့မှာ ပြောကြားလိုက်ပါတယ်။ အဲဒီထဲမှာ ပုပ်ရဟန်းမင်းကြီးရဲ့ ဘဏ္ဍာရေးဝန်ကြီး သြစတြေးလျနိုင်ငံသား ဂျော့ဂ်ျပဲလ်လည်း ပါဝင်ပါတယ်။ နောက်တပါးကတော့ ချီလီနိုင်ငံက ဘုန်းတော်ကြီး ဖရန်သီစကို ဟာဗေး ရာသိုရီ ဖြစ်ပါတယ်။ သူတို့ဟာ ပုပ်ရဟန်းမင်းကြီး ဖရန့်စစ်နဲ့ အခါအားလျော်စွာ အစည်အဝေးပြုလုပ်တဲ့ C-9 အဖွဲ့က ဘုန်းတော်ကြီးတွေ ဖြစ်ပါတယ်။ ဆန်တီယေဂို ခရစ်ယာန်ဂိုဏ်းချုပ်တဦး ဖြစ်ခဲ့တဲ့ ရာသိုရီကို လိင်ပိုင်းနှိပ်စက်မှုကနေ လွတ်မြောက်ခဲ့သူတွေက နစ်နာသူတွေကို အသရေဖျက်ပြီး သူတို့ရဲ့အမှုတွေကို မစုံစမ်းပေးဘူးလို့ စွပ်စွဲထားတာပါ။ အလားတူ သြစတြေးလျမှာ ကလေးငယ်တွေအပေါ် လိင်ပိုင်းပြစ်မှုနဲ့ တရားစွဲခံရတဲ့ ဗာတီကန် ဘဏ္ဍာရေးဝန်ကြီး ဂျော့ဂ်ျပဲလ်ဟာလည်း ခုခံလျှောက်လဲဖို့ ရာထူးကနေ အကန့်အသတ်မဲ့ ခွင့်ယူခဲ့ပါတယ်။ ချီလီနိုင်ငံမှာ ပေါ်ပေါက်ခဲ့တဲ့ လိင်ပိုင်းနှိပ်စက်မှု သတင်းတွေကြောင့် ဘုန်းတော်ကြီး ၃၄ ပါး ရာထူးကနေ နုတ်ထွက်စာတင်ခဲ့ပြီး ခုချိန်ထိ အဲဒီထဲက ၇ ပါးကိုသာ ရာထူးကနုတ်ထွက်ခွင့် လက်ခံခဲ့ပါတယ်။
2 years Ago

October 26, 2018

ဘုန်းတော်ကြီးသင် ပညာရေးကျောင်းများ ရေရှည်ရပ်တည်ရန် ငွေကြေးအခက်အခဲဖြစ်နေ

ဘုန်းတော်ကြီးသင်ပညာရေးကျောင်းတွေ ရေရှည်ရပ်တည်နိုင်ဖို့ ငွေကြေးအဓိက အခက်အခဲဖြစ်နေတယ်လို့ စစ်ကိုင်းတိုင်းဒေသကြီး ဘကကျောင်းကြီးကြပ်ရေးအဖွဲ့ ဥက္ကဋ္ဌ ဆရာတော်က မိန့်ပါတယ်။ သလ္လာလူငယ်​ဖွံ့ဖြိုး​ရေး ပရဟိတအဖွဲ့ကနေ ဦးဆောင်ကာ ပထမဆုံးအကြိမ်အဖြစ် မုံရွာ လူငယ်အခွင့်အလမ်းဆိုင်ရာ ဆွေးနွေးပွဲကို မုံရွာမြို့ ကန်ဦးဘုန်းတော်ကြီး သင်ပညာရေးကျောင်းမှာ အောက်တိုဘာ ၂၅ ရက်နေ့က ကျင်းပခဲ့ပါတယ်။ ဒီပွဲကို တက်ရောက်လာတဲ့  စစ်ကိုင်းတိုင်းဒေသကြီး ဘုန်းတော်ကြီးကျောင်း ပညာသင်ကြားမှု ကြီးကြပ်ရေးအဖွဲ့ ဥက္ကဋ္ဌ ဆရာတော် ဦးကောသလ္လာဘိဝံသက  ပွဲအပြီးမှာ မိန့်ဆိုခဲ့တာပါ။ စစ်ကိုင်းတိုင်းဒေသကြီးအတွင်းမှာ  ဘုန်းတော်ကြီးသင်ပညာရေး ကျောင်းပေါင်း ၁၃၂ ကျောင်းရှိပြီး အခုနှစ်အတွင်း ငွေကြေးအခက်အခဲတွေကြောင့် ၁၃ ကျောင်း ရပ်နားသွားပြီလို့လည်း သိရပါတယ်။ ဆွေးနွေးပွဲမှာတော့  ဝါရင့်ပါမောက္ခတွေ၊ ပညာသင်ဆုရရှိဖူးသူတွေက လက်တွေ့သင်ကြားပြ သပေးပြီး တက်ရောက်သူတွေအတွက် အမှန်တကယ်အကျိုးရှိစေမယ်လို့ ပွဲစီစဉ်သူ သလ္လာလူငယ်ဖွံ့ဖြိုးရေး ပရိဟိတအဖွဲ့က ကိုဇော်ဝင်းထက်က ပြောပါတယ်။ မုံရွာမြို့ မဟာဝံသ ဘုန်းတော်ကြီးသင်ပညာရေးကျောင်းက ဆရာမ မမေဇင်မွန်က  “ဆွေးနွေးပွဲက တက္ကသိုလ်ဝင်တန်းအောင်မြင်ပြီးခါစ လူငယ်တွေ၊ တက္ကသိုလ်အသီးသီးမှာ တက်ရောက်ပညာသင်ကြားနေသူတွေ၊ ဘွဲ့ရပြီး အလုပ်အကိုင်မရှိသေးသူတွေ၊ နိုင်ငံခြားမှာ ဘွဲ့လွန်တက်ရောက်ချင်သူတွေအတွက် ရည်ရွယ်ကာ ပြုလုပ်နေတာ”လို့  ပြောပါတယ် ဒီဆွေးနွေးပွဲကို စိတ်ပါဝင်စားတဲ့ လူငယ် ၅၀ ဦးလောက် တက်ရောက်ခဲ့ပြီး စစ်ကိုင်းတိုင်းအတွင်း ဘုန်းတော်ကြီးသင်ပညာရေးကျောင်းက ဆရာတော်တွေလည်း တက်ရောက်ကာ သြဝါဒစကားတွေ မိန့်ကြားခဲ့ကြပါတယ်။
3 years Ago
More News
Up