ဘုတလင်မြို့နယ်

November 26, 2021

ဘုတလင်မြို့နယ်၌ စစ်တပ်က ပစ်ခတ်သဖြင့် ပြည်သူ ၇ ဦး လက်နက်ကြီးထိမှန်

စစ်​ကိုင်းတိုင်း ဘုတလင်မြို့နယ် သာယာကုန်း​ကျေးရွာ ဘုန်း​တော်ကြီး​ကျောင်းဝင်း အတွင်းမှာ စစ်​ရှောင်​နေစဥ် စစ်​ကောင်စီတပ်ဖွဲ့ပစ်ခတ်မှု​ကြောင့် လက်နက်ကြီးထိမှန်ခံခဲ့ရတဲ့ ပြည်သူ ၇ ဦးကို ကနီဆေးတပ်ဖွဲ့ (Kani medical team ) က နိုဝင်ဘာ ၂၅ ရက်​ ညပိုင်းမှာ သွား​ရောက်​ဆေးကုသမှု ​ပေးခဲ့ပါတယ်။ 

ဒဏ်ရာရသူ ၇ ဦးဟာ အမျိုးသမီး ၆ ဦးနဲ့ အမျိုးသား ၁ ဦးဖြစ်ပြီး အဲဒီထဲက အမျိုးသမီး ၂  ဦးက​တော့ အသက်အန္တရာယ်စိုးရိမ်ရတယ်လို့ ​ဆေးကုသမှု​ပေး​နေတဲ့ တာဝန်ရှိသူတစ်​ဦးက ​ပြောပါတယ်။  

တိုက်ပွဲအတွင်းမှာ စစ်​ရှောင်ပြည်သူ ၇ ဦးနဲ့ ​PDF ဘက်က ၂ ဦး ဒဏ်ရာရရှိခဲ့တာဖြစ်ပြီး စုစု​ပေါင်း ၉ ဦးရှိကာ စစ်​ကောင်စီဘက်က ထိခိုက်ကျဆုံးမှု အ​ခြေ​အနေက​တော့ မသိရ​သေးဘူးလို့ ဆိုပါတယ်။

နိုဝင်ဘာ ၂၅ ရက်​နေ့က စစ်​ကောင်စီတပ်ဖွဲ့နဲ့ KPDF(Kani PDF) မဟာမိတ်တပ်​ပေါင်းစု အဖွဲ့တို့ဟာ ကနီမြို့နယ်နှင့် ဘုတလင်မြို့နယ် အစပ်မှာ တိုက်ပွဲဖြစ်ပွားခဲ့မှု​ရှိခဲ့ပြီး မြသိန်းတန် ဘုရားကုန်း ​ပေါ်က​နေ စစ်​ကောင်စီတပ်ဖွဲ့က လက်နက်ကြီး​တွေနဲ့ ပစ်ခတ်ခဲ့တာ​ကြောင့် စစ်​ရှောင်ပြည်သူ​တွေ ဒဏ်ရာရရှိခဲ့တာဖြစ်ပါတယ်။

မကွေးတိုင်း ဆောမြို့နယ်မှာလည်း နိုဝင်ဘာ ၂၅ ရက်က PDF- ဆောတပ်ဖွဲ့က ဒေသခံပြည်သူ ၁၅၀ ကျော်ကို ကျန်းမာရေးစောင့်ရှောက်ပေးခဲ့တယ်လို့ သိရပါတယ်။

သက်ကြီးဘိုးဘွားတွေနဲ့ ကလေးငယ်တွေအပါဝင် ဒေသခံပြည်သူ ၁၅၀ ကျော်ကို ကျန်းမာရေးစောင့်ရှောက်ပေးခဲ့တဲ့အပြင် စိတ်ဓာတ်ခွန်အားဖြစ်စေတဲ့ စကားတွေပြောပြီး ပြုစုစောင့်ရှောက်ပေးခဲ့တယ်လို့ PDF-ဆောရဲ့ ပြန်ကြားရေးတာဝန်ခံက ပြောပါတယ်။

6 days Ago

November 23, 2021

ဘုတလင်မြို့နယ် ကင်းစမ်းကျေးရွာက မိုင်တဲလ်တာဝါတိုင် ဖျက်ဆီးခံရ

စစ်ကိုင်းတိုင်း၊ ဘုတလင်မြို့နယ်၊ ကင်းစမ်းကျေးရွာ အရှေ့ပိုင်းက မိုင်တဲလ် ဆက်သွယ်ရေးတာဝါတိုင် နိုဝင်ဘာ ၂၂ ရက်နေည ၉ နာရီခွဲအချိန်လောက်က ဖျက်ဆီးခံရတယ်လို့ ဒေသခံတွေဆီက သိရပါတယ်။

ဘုတလင် ပြည်သူကာကွယ်ရေးတပ် (BPDF) ရဲ့ ပြောရေးဆိုခွင့်ရှိသူက  “ကျနော်တို့ စစ်ကောင်စီထောက်တိုင်မှန်သမျှကို ဘုတလင်မြို့နယ်အတွင်း လုံဝမရှိစေရဘူး။ စစ်ကောင်စီရဲ့ ထုတ်ကုန်မှန်သမျှ အကုန်ဖျက်ဆီးသွားမယ်။ စစ်ကောင်စီရဲ့ အုပ်ချုပ်မှုကို မကြိုက်လို့ အခုလို ဖျက်ဆီးနေတာ” လို့ ပြောပါတယ်။

ဘုတလင်မြို့နယ်အတွင်း စစ်ကောင်စီလက်အောက်ခံ မိုင်တဲတာဝါတိုင်ဖျက်ဆီးခံရတာ လက်ရှိတိုင်အပါအဝင် ၁၀ တိုင်နဲ့အထက်မှာရှိနေပြီလို့ ဒေခံတွေက ပြောပါတယ်။

1 week Ago
More News
Up