ဘာသာရေးခေါင်းဆောင်

January 8, 2021

ဘာလီကျွန်းဗုံးခွဲမှု ကြိုးကိုင်ခဲ့သူဟုယူဆရသူ  ဘာသာရေးခေါင်းဆောင် ထောင်ဒဏ်မှ လွတ်

၂၀၀၂  ဘာလီကျွန်းဗုံးခွဲမှု ကြိုးကိုင်ခဲ့သူလို့ သံသယရှိတဲ့ ဘာသာရေးခေါင်းဆောင် အဘူဘာကာ ဘာရှာကို  ဇန်နဝါရီ ၈ ရက်မှာ အင်ဒိုနီးရှားအကျဉ်းထောင်ကနေ လွှတ်ပေး လိုက်ပါတယ်။ ဘာရှာကို ဂျမားအစ္စလာမ်မီးယား (JI) အဖွဲ့ ဘာသာရေးခေါင်းဆောင်အဖြစ် သတ်မှတ်ပြီး JI ဟာ အယ်ကိုင်ဒါအဖွဲ့နဲ့  ပတ်သက်တဲ့ ဂျီဟတ်ဝါဒီကွန်ရက်တစ်ခုဖြစ်ပါတယ်။ အာချေးပြည်နယ်က စစ်သွေးကြွသင်တန်းကျောင်းနဲ့ ဘာရှာ ဆက်နွှယ်မှုရှိတဲ့အတွက်  ၂၀၁၁ မှာ သူ့ကို ထောင်ဒဏ် ၁၅ နှစ် ချမှတ်ခဲ့တာပါ။  ဘာရှာရဲ့ ထောင်ဒဏ်သက်တမ်းမှာ အခါအားလျော်စွာ လျှော့ရက်တွေ ရခဲ့ပြီးနောက် အခု အခါ သူရဲ့ ပြစ်ဒဏ်သက်တမ်း စေ့သွားပြီလို့  အင်ဒိုနီးရှားဥပဒေနဲ့ လူ့အခွင့်အရေး ဝန်ကြီးဌာနက ပြောပါတယ်။  ဘာရှာဟာ အသက်အရွယ်ကြီးရင့်ပြီး  ကိုဗစ်-၁၉ ကူးစက်ခံရမယ့် အန္တရာယ်ရှိတာကြောင့် မိသားစုရဲ့ မေတ္တာရပ်ခံချက်အရ  မနက် ၅ နာရီခွဲခန့်မှာ အကျဉ်းထောင်ကနေ လွှတ်ပေးခဲ့တယ်လို့ အစိုးရ ပြောခွင့်ရပုဂ္ဂိုလ်က ဆိုပါတယ်။   အကျဉ်းထောင်က လွတ်မြောက်ခဲ့တဲ့ ဘာရှာဟာ အသက် ၈၂ နှစ် ရှိပြီလို့လည်း ရိုက်တာ သတင်းအရ သိရပါတယ်။
4 months Ago

December 13, 2020

ကိုဗစ်စည်းကမ်း ချိုးဖောက်မှုဖြင့် အင်ဒိုနီးရှား ဘာသာရေးခေါင်းဆောင် စစ်ဆေးခံရ

ကိုဗစ်-၁၉ ကျန်းမာရေးစည်းကမ်းတွေကို ချိုးဖောက်မှုနဲ့  အင်ဒိုနီးရှား ဘာသာရေးခေါင်းဆောင် ရစ်ဇစ်ရှီဟတ်ဟာ ဒီဇင်ဘာလ ၁၂ ရက်က ဂျကာတာရဲတပ်ဖွဲ့ ရုံးချုပ်မှာ စုံစမ်းစစ်ဆေးမှု ခံယူခဲ့တယ်လို့ သိရပါတယ်။ သဘောထား တင်းမာတဲ့ ရစ်ဇစ်ဟာ ပြီးခဲ့တဲ့လက ဆော်ဒီကနေ အင်ဒိုနီးရှားကို ပြန်လာခဲ့ပြီး သူရဲ့ပြန်တော်ပြန်ခရီးကို ထောက်ခံသူ ထောင်ချီပြီး ကြိုဆိုခဲ့ပါတယ်။   ကိုဗစ်ဆိုင်ရာ ကျန်းမာရေးစည်းကမ်းတွေကို ချိုးဖောက်မှုနဲ့ ကနဦး ဆင့်ခေါ်ချက်နှစ်ခုကို သူက ပျက်ကွက်ခဲ့ပြီး အခု တတိယအကြိမ်မှာ လာရောက်ခဲ့တာပါ။ တကယ်လို့  မလာရောက်ခဲ့ရင် အဖမ်းခံရမယ်ဆိုပြီး သူ့ကို ခြိမ်းခြောက်ထားပါတယ်။  ဂျကာတာရဲချုပ် အဆောက်အအုံအတွင်း မဝင်ရောက်ခင် ရစ်ဇစ်က ဒီကနေ့ သူဟာ ဘုရားသခင် ခွင့်ပြုချက်နဲ့ လာရောက်ခဲ့ပြီး ဥပဒေ စည်းမျဉ်းစည်းကမ်းအတိုင်း စုံစမ်းရေးကို လိုက်နာသွားမယ်လို့ သတင်းထောက်တွေကို ပြောဆိုပါတယ်။ ဒီဇင်ဘာ ၇ ရရက်ကလည်း သူ့ကို ထောက်ခံသူတွေနဲ့ အင်ဒိုနီးရှားရဲတပ်ဖွဲ့အကြား ပစ်ခတ်မှု ဖြစ်ခဲ့ပြီး ထောက်ခံသူ  ၆ ယောက် သေဆုံးခဲ့တယ်လို့ ရိုက်တာက အစီရင်ခံပါတယ်။
5 months Ago
Up