ဘင်္ဂလားဒေ့ရှ်

July 28, 2021

ဘင်္ဂလားဒေ့ရှ်ရှိ ဒုက္ခသည်စခန်းတွင် ရေကြီး မြေပြိုမှုကြောင့် လူ ၆ ဦးထက်မနည်း သေဆုံး

ဘင်္ဂလားဒေ့ရှ်နိုင်ငံမှာ မုတ်သုံမိုး အကြီးအကျယ်ရွာအပြီး နိုင်ငံတောင်ပိုင်းက ဒုက္ခသည်စခန်းတွေမှာ ရေကြီး မြေပြိုတာတွေ ဖြစ်ခဲ့လို့ ဇူလိုင် ၂၇ ရက်မှာ ကလေးတွေ အပါအဝင် ရိုဟင်ဂျာ ၆ ဦးထက်မနည်း သေဆုံးပြီး တခြားလူ အတော်များများ ဒဏ်ရာရခဲ့တယ်လို့ အရာရှိတွေက ပြောပါတယ်။

မြေပြိုအပြီး ကုတုပါလောင် ဒုက္ခသည်စခန်းရဲ့ အစိတ်အပိုင်းတွေက အပျက်အစီးတွေကြားမှာ လူတွေက သူတို့ ပိုင်ဆိုင်သမျှကို လိုက်ရှာနေတဲ့ ရုပ်သံကိုလည်း ရိုက်တာသတင်းဌာနက ဇူလိုင် ၂၈ ရက်မှာ ထုတ်လွှင့်ပြသပါတယ်။

Save the Children ကလေးသူငယ်စောင့်ရှောက်ရေးအဖွဲ့ကြီးရဲ့ ဘင်္ဂလားဒေ့ရှ်နိုင်ငံ ရုံးခွဲက နိုင်ငံဆိုင်ရာ ညွှန်မှူး အွန်နိုဗန်မာနန်ကတော့ မိုးရေဝနေတဲ့ တောင်စောင်းက ခိုလှုံရေးစခန်း ထိပ်ပေါ်ကို ပြိုကျခဲ့လို့ ကလေး ၂ ယောက် မြေပိ သေဆုံးတယ်လို့ ပြောပါတယ်။

ရိုဟင်ဂျာ ဒုက္ခသည်အယောက် ၁ သန်းနီးပါးဟာ နယ်စပ်ခရိုင် ကောက်ဘဇားက လူတွေ ကြပ်ညပ်နေတဲ့ စခန်းတွေထဲမှာ နေကြပါတယ်။

ဒီစခန်းဟာ ကမ္ဘာ့အကြီးဆုံး ဒုက္ခသည်စခန်းလို့လည်း ရိုက်တာသတင်းဌာနက ဖော်ပြထားပါတယ်။

3 days Ago

July 21, 2021

ဘင်္ဂလားဒေ့ရှ်တွင် အိဒ်ပွဲတော်ကာလအတွင်း သွားလာခရီးထွက်ခွင့်ပြု

ဘင်္ဂလားဒေ့ရှ်နိုင်ငံသား ထောင်ပေါင်းများစွာဟာ အိဒ်အယ်လ်အဒ်ဟာ ပွဲတော်အတွက် မြို့တော်ဒါကာကနေ သူတို့ဇာတိမြို့တွေဆီကို ခရီးထွက်နေကြပါတယ်။

တောင်အာရှနိုင်ငံလည်း ဖြစ်တဲ့ ဘင်္ဂလားဒေ့ရှ်ဟာ ကိုဗစ်-၁၉ ကပ်ရောဂါ ကူးစက်မှု မြင့်နေချိန်မှာ အသွားအလာပိတ်ဆို့ ကန့်သတ်ချက်ကို ဖယ်ရှားခဲ့တာပါ။

မွတ်စလင်တို့ရဲ့ စွန့်လွှတ်ခြင်းပွဲတော်ကို ကျင်းပဖို့ အိမ်ပြန်ရေး ခရီးထွက်ကြမယ့် ပြည်သူတွေအတွက် အချိန်မီရအောင် အသွားအလာ ပိတ်ဆို့ကန့်သတ်ချက်ကို ဘင်္ဂလားဒေ့ရှ် အာဏာပိုင်တွေက ခဏရပ်ပေးခဲ့ပါတယ်။

ကူးစက်လွယ်တဲ့ ဒယ်လ်တာ ဗီဇမျိုးကွဲကြောင့် ကိုရိုနာဗိုင်းရပ်စ် ကူးစက်ခံ ဦးရေ မြင့်တက်လာတာကို နှိမ်နင်းဖို့ အာဏာပိုင်တွေဟာ ဇူလိုင် ၁ ရက်က စပြီး နှစ်ပတ်ကြာ တင်းကျပ်တဲ့ ကန့်သတ်ချက်ကို ချမှတ်ခဲ့တာပါ။

အိန္ဒိယနဲ့ နယ်စပ်ဒေသတွေမှာတော့ ကူးစက်မှု ပေါက်ကွဲနေတယ်လို့ ရိုက်တာ သတင်းဌာနက အစီရင်ခံပါတယ်။

ဘင်္ဂလားဒေ့ရှ်နိုင်ငံမှာ တနင်္လာနေ့ တရက်တည်းမှာ ကိုရိုနာဗိုင်းရပ်စ် ကူးစက်ခံ သေဆုံးသူ ဦးရေ ၂၃၁ ယောက်ရှိပြီး စုစုပေါင်း ကူးစက်ခံ သေဆုံးသူ ဦးရေ ၁၈၁၂၅ ယောက် ရှိသွားပါပြီ။

စုစုပေါင်း ကူးစက်ခံဦးရေကတော့ ၁,၁၁၇,၃၁၀ ရှိပြီလို့ ရိုက်တာသတင်းဌာနက ဖော်ပြထားပါတယ်။

1 week Ago
More News
Up