ဗီယက်နမ်

July 10, 2021

ကိုဗစ်-၁၉ ကြောင့် ဗီယက်နမ် ဆီးဂိမ်းစ်ပြိုင်ပွဲ ရွှေ့ဆိုင်း

ဗီယက်နမ်နိုင်ငံမှာ အခုနှစ်ကုန်ပိုင်း ကျင်းပဖို့ရှိတဲ့ အရှေ့တောင်အာရှ အားကစားပြိုင်ပွဲ (ဆီးဂိမ်းစ်) ကို ကိုဗစ်-၁၉ ရောဂါအခြေအနေကြောင့် မကျင်းပဖြစ်တော့ဘဲ  ရွေ့ဆိုင်းလိုက်ပြီး ၂၀၂၂ ခုနှစ်ကျမှာ ကျင်းပဖွယ်ရှိတယ်လို့ ဘန်ကောက်ပို့စ်သတင်းမှာ ရေးပါတယ်။ 

ဒီနှစ် နိုဝင်ဘာမှာကျင်းပဖို့ စီစဉ်ထားတဲ့ ၃၁ ကြိမ်မြောက် ဆီးဂိမ်းစ်ပြိုင်ပွဲကို ကျင်းပမှမဟုတ် ကြောင်း၊ ပြိုင်ပွဲကို လာမယ့် ၂၀၂၂ ခုနှစ်အထိ ဗီယက်နမ်က ဆိုင်းငံ့ထားချင်ပြီး လာမယ့်နှစ် ဧပြီနဲ့ မေလလောက်မှ ကျင်းပဖို့ အဆိုပြုထားတယ်လို့     ပြိုင်ပွဲကျင်းပရေး ကောင်စီဝင် ထိုင်းအိုလံပစ်ကော်မတီ လက်ထောက်အတွင်းရေးမှူး ဝါလင်တန်ဆူဖာသီရိက ပြောပါတယ်။ 

ဗီယက်နမ်နိုင်ငံ ဟိုချီမင်းစီးတီးမြို့မှာ ကိုဗစ်-၁၉ ရောဂါကြောင့် သတင်း ၂ ပတ်ကြာ လော့ဒေါင်းလုပ်မယ်လို့ မနေ့က ကြေညာပြီးနောက်မှာ  ဒီဆုံးဖြတ်ချက်ထွက်ပေါ်လာတာပါ။  လက်ရှိ ဗီယက်နမ်မှာ  လူပေါင်း ၂၃၅၀၀ လောက် ကိုဗစ်-၁၉ ရောဂါကူးစက်ခံနေရပြီး သေဆုံးသူ ၁၀၅ ဦးရှိသွားပြီဖြစ်ပါတယ်။

၃၁ ကြိမ်မြောက် ဆီးဂိမ်းစ်ပြိုင်ပွဲကို ဗီယက်နမ်နိုင်ငံမှ အိမ်ရှင်အဖြစ် နိုဝင်ဘာလ ၂၁ ရက်မှ ဒီဇင်ဘာ ၂ ရက်အထိ ဟနွိုင်းမြို့အပါအဝင် မြို့ကြီး ၁၂ မြို့မှာ ကျင်းပဖို့ စီစဉ်ထားတာပါ။

 ဒီပြိုင်ပွဲမှာ အားကစားနည်း ၄၀ ယှဉ်ပြိုင်မယ့်အထဲက   မြန်မာနိုင်ငံအနေနဲ့ အားကစားနည်း ၁၈ နည်းသာ ပါဝင်ယှဉ်ပြိုင်ဖို့ ပြင်ဆင်နေတာဖြစ်ပါတယ်။

Photo- AFP

3 weeks Ago

June 16, 2021

ဗီယက်နမ်အတွက် ဂျပန်က ကိုဗစ်ကာကွယ်ဆေး ၁ သန်းလှူဒါန်း

အာဆီယံဒေသတွင်းနိုင်ငံတနိုင်ငံဖြစ်တဲ့ ဗီယက်နမ်နိုင်ငံကို ဂျပန်နိုင်ငံက AstraZeneca ကိုဗစ်-၁၉ ကာကွယ်ဆေး ၁ သန်းလှူဒါန်းလိုက်ပါတယ်။

ဗီယက်နမ်နိုင်ငံဆိုင်ရာ ဂျပန်သံရုံးက သံအမတ် ယာမာဒါ တာကီရိုနဲ့ ဗီယက်နမ် ကျန်းမာရေးဝန်ကြီး ငုယင် သန်လောင်တို့ဟာ ကိုဗစ်-၁၉ ကာကွယ်ဆေးထောက်ပံ့ရေးနဲ့ ပတ်သက်ပြီး ဇွန် ၁၅ ရက်နေ့က သဘောတူစာချွန်လွှာ လဲလှယ်ခဲ့ကြတာ ဖြစ်ပါတယ်။

ဗီယက်နမ်နိုင်ငံမှာ ပြီးခဲ့တဲ့ ဧပြီလနှောင်းပိုင်းကတည်းက စတင်ကာ ကိုဗစ်-၁၉ ရောဂါကူးစက်မှု လျင်လျင်မြန်မြန် မြင့်တက်လာခဲ့တယ်လို့ ဆိုပါတယ်။

ဗီဇပြောင်းကိုဗစ်-၁၉ ရောဂါအန္တရာယ်ကြောင့် နိုင်ငံတွင်း လူမှုအလှမ်းခွာ စည်းမျဉ်း စည်းကမ်းတွေ ထုတ်ပြန်ထားခဲ့ရပြီး တဆက်တည်းမှာပဲ နိုင်ငံ့လူဦးရေရဲ့ ၁ ရာခိုင်နှုန်းသာ ကိုဗစ်-၁၉ ကာကွယ်ဆေး ထိုးနှံရသေးတယ်လို့ ဆိုပါတယ်။

လတ်တလောမှာတော့ ကိုဗစ်-၁၉ ကာကွယ်ဆေးဝယ်ယူနိုင်ရေးဟာ ဗီယက်နမ် အစိုးရ အတွက် အရေးတကြီးလုပ်ဆောင်ရမယ့် ကိစ္စဖြစ်နေတာပါ။

ဂျပန်နိုင်ငံအစိုးရကတော့ နိုင်ငံတွင်း ပိုလျှံ ကိုဗစ်-၁၉ ကာကွယ်ဆေးတွေကို နိုင်ငံခြား တိုင်းပြည်တွေကို ပေးပို့ဖို့ ပေါ်လစီချမှတ်ထားခဲ့ပြီးဖြစ်ကာ အခုလအစောပိုင်းတုန်းက လည်း ထိုင်ဝမ်နိုင်ငံကို ကိုဗစ်-၁၉ ကာကွယ်ဆေး ၁ ဒသမ ၂ သန်းလှူဒါန်းခဲ့သေးတယ်လို့ NHK သတင်းက ဆိုပါတယ်။

ဗီယက်နမ်နိုင်ငံတဝန်းမှာ လတ်တလောအချိန်ထိ ကိုဗစ်-၁၉ ရောဂါကူးစက် ခံရသူပေါင်း ၁၁,၂၁၂ ယောက်နဲ့ သေဆုံးသူ ၆၁ ယောက်ရှိနေတာ ဖြစ်ပါတယ်။

Photo- The Nation

1 month Ago
More News
Up