ဗာဒီ

April 19, 2020

ဗာဒီကို ခေါ်ယူရန် သဘောတူပြီးမှ ပျက်ပြယ်ခဲ့ဟု အာဆင်နယ်အရာရှိဟောင်းပြော

လက်စတာတိုက်စစ်မှူး ဗာဒီဟာ အာဆင်နယ်ဆီ ပြောင်းရွှေ့ဖို့ အားလုံး သဘောတူညီခဲ့ပြီးမှ ပျက်ပြယ်သွားခဲ့တာလို့ အာဆင်နယ် အပြောင်းအရွှေ့အရာရှိချုပ်ဟောင်းက ပြောပါတယ်။   ၂၀၁၅-၂၀၁၆ ဘောလုံးရာသီမှာ လက်စတာအသင်းက ပရီးမီးယားလိဂ် ချန်ပီယံဆုဖလား ရယူနိုင်ခဲ့ပြီးနောက် ဗာဒီကို ခေါ်ယူဖို့ အာဆင်နယ်က ပေါင်သန်း ၂၀ နဲ့ ကမ်းလှမ်းခဲ့တာပါ။  လက်စတာအသင်းဘက်ကရော ဗာဒီဘက်ကပါ သဘောတူညီခဲ့ပေမယ့် နောက်ဆုံးအချိန်ရောက်မှ ပျက်ပြယ်သွားခဲ့တာလို့ အာဆင်နယ် အပြောင်းအရွှေ့အရာရှိချုပ် ဒစ်ခ်လောက ပြောပါတယ်။ ဗာဒီဟာ သူ့ရဲ့ဇနီး ရီဘက်ခါနဲ့အတူ အဲဒီအချိန်က အာဆင်နယ်နည်းပြ အာစင်ဝင်းဂါးနဲ့ ဆွေးနွေးခဲ့ကြောင်း၊ အဲဒီနောက် လက်စတာအသင်းဆီ ပြန်သွားခဲ့ပြီး ဖုန်းဆက်မေးမြန်းခဲ့ရာမှာ တညလောက် စဉ်းစားဦးမယ်လို့ ဗာဒီက ပြန်ပြောခဲ့ကြောင်း၊ နောက်ဆုံးမှာတော့ အပြောင်းအရွှေ့ ပျက်ပြယ်ခဲ့ကြောင်း အာဆင်နယ်အပြောင်းအရွှေ့ဆိုင်ရာ အရာရှိချုပ်ဟောင်း ဒစ်ခ်လောက ပြောပါတယ်။  အာဆင်နယ်အသင်းဟာ ဗာဒီနဲ့ အဆင်မပြေခဲ့တာကြောင့် စပိန်တိုက်စစ်မှူး လူးကပ်စ်ပီရက်ဇ်ကို အစားထိုးခေါ်ယူခဲ့ပါတယ်။
1 year Ago

November 3, 2018

အသင္းပိုင္ရွင္ ရဟတ္ယာဥ္ ပ်က္က်ေသဆုံးခဲ့မႈ အခက္ခဲဆုံး ရက္သတၱပတ္ျဖစ္ခဲ့ဟု တုိက္စစ္မႉး ဗာဒီေျပာ

အသင္းပိုင္ရွင္ ဗီခ်ိဳင္း ရဟတ္ယာဥ္ပ်က္က်တာေၾကာင့္ ေသဆံုးခဲ့တဲ့အခ်ိန္ဟာ ဘဝတသက္တာမွာ အခက္ခဲဆံုး ရက္သတၱပတ္ျဖစ္တယ္လို႔ လက္စတာတိုက္စစ္မႉး ဗာဒီက ေျပာပါတယ္။ လက္စတာစီးတီးအသင္းပိုင္ရွင္ ဗီခ်ိဳင္းအပါအဝင္ ၅ ဦးေသဆံုးခဲ့ရတဲ့ အဆိုပါ ရဟတ္ယာဥ္ပ်က္က်မႈျဖစ္စဥ္ဟာ လက္စတာတၿမိဳ႕လံုးအတြက္လည္း ဝမ္းနည္းစရာျဖစ္ခဲ့ၿပီး ေဘာလံုးအသိုင္းအဝိုင္းမွာလည္း စိတ္မေကာင္းစရာျဖစ္ရပ္တခုျဖစ္ပါတယ္။ ဗာဒီဟာ အသင္းပိုင္႐ွင္ ဗီခ်ိဳင္းနဲ႔ ရင္းႏွီးသူတေယာက္ျဖစ္ၿပီး ထိုင္းႏိုင္ငံဘန္ေကာက္ၿမိဳ႕မွာ ရက္အတန္ၾကာျပဳလုပ္မယ့္ အသုဘကိုလည္း တက္ေရာက္သြားဖို႔ ရွိတယ္လို႔ သိရပါတယ္။ ဗာဒီက ရဟတ္ယာဥ္ ပ်က္က်ခဲ့တဲ့ေန႔က ျဖစ္စဥ္နဲ႔ပတ္သက္လုိ႔ မိသားစုနဲ႔အတူ အိမ္ျပန္သြားခဲ့တာျဖစ္ၿပီး သတင္းၾကားလိုက္ရခ်ိန္မွာ မယံုၾကည္ႏိုင္ခဲ့ပဲ ဖုန္းေတြေခၚခဲ့ေၾကာင္း၊ ဒါေပမယ့္ တဦးမွ ဖုန္းမကိုင္ခဲ့တာေၾကာင့္ တခုခုမွားယြင္းေနၿပီဆိုတာ သိခဲ့တယ္လို႔ ေျပာပါတယ္။ အဲ့ေနာက္မွာေတာ့ ေသခ်ာတဲ့ သတင္းဆိုးကို ၾကားသိခဲ့ရၿပီးေတာ့ သူ႔ဘဝတသက္တာမွာ အခက္ခဲဆံုး ရက္သတၱပတ္ ျဖစ္ခဲ့ရတယ္လို႔ ေျပာၾကားခဲ့ပါတယ္။ အဆိုပါျဖစ္စဥ္ကို ဦးစြာျမင္ေတြ႔ၿပီး ေျပးထြက္လာခဲ့တဲ့ ဂိုးသမား ကက္စပါရွမိုက္ကယ္ကလည္း အခုတိုင္ စိတ္မေကာင္းျဖစ္ေနေသးတယ္လို႔ သိရပါတယ္။
3 years Ago
More News
Up