ဗဟိုဘဏ်

May 13, 2021

ဗဟိုဘဏ်က ဒေါ်လာ ၁ ဒသမ ၆ သန်း လူထုထံ ရောင်းချပေးမည်

မေလ ၁၃ ရက်နေ့မှာ ဗဟိုဘဏ်က အမေရိကန်ကန်ဒေါ်လာ ၁ ဒသမ ၆ သန်းကို ငွေလဲကောင်တာတွေကတစ်ဆင့် ရောင်းချပေးသွားမယ်လို့ ပြည်တွင်း နိုင်ငံခြားငွေလဲလှယ်ရေးလုပ်ငန်းတွေထံက သိရပါတယ်။

 ဒီလိုရောင်းချပေးရာမှာ ဗဟိုဘဏ်က သတ်မှတ်ပေးတဲ့ ရောင်းဈေးအတိုင်း တစ်ဒေါ်လာကို ၁၆၄၅ ကျပ်နဲ့ ဝယ်ယူသူ တစ်ဦးကို ဒေါ်လာ ၁၀၀၀စီ စတင်ဖြန့်ဝေရောင်းချသွားမယ်လို့ သိရပါတယ်။ 

အရင်က ပုဂ္ဂလိက ဘဏ်တွေကိုသာ ဈေးပြိုင်လေလံစနစ်နဲ့ ရောင်းချခဲ့ရာကနေ အခု ပထမဆုံး အကြိမ်အဖြစ် money changer တွေကို ဒေါ်လာရောင်းချပေးခဲ့တာဖြစ်ပါတယ်။ 

ဒီလို money changer တွေကတဆင့် ဒေါ်လာရောင်းချပေးမယ်ဆိုတဲ့ သတင်းတွေ ထွက်ပေါ်ပြီးတဲ့နောက် နိုင်ငံရေး မတည်ငြိမ်မူကြောင့် ဈေးကွက်အတွင်းမှာ ဝယ်လိုအားများပြီး ဈေးအတက်ကြမ်းနေတဲ့ ဒေါ်လာနဲ့ ရွှေဈေးနှုန်းဟာ ပြန်လည်ကျဆင်းခဲ့ပါတယ်။ 

ဗဟိုဘဏ်အနေနဲ့ money changer တွေက တဆင့် ဒေါ်လာရောင်းပေးတာကို ဘဏ်တွေ လိုမျိုး နေ့စဉ်၊ ရက်ခြား ရောင်းချပေးမယ်ဆိုရင် ဈေးကွက်ဝယ်လိုအား၊ ရောင်းလိုအား အပြောင်းအလဲ တစ်ခု ဖြစ်လာနိုင်တယ်လို့ ငွေလဲ လုပ်ငန်းလုပ်ကိုင်သူတွေက ခန့်မှန်းထားပါတယ်။

မြန်မာနိုင်ငံမှာ စစ်တပ် အာဏာသိမ်းထားပြီး နိုင်ငံရေး မတည်ငြိမ်တာ၊ မြန်မာကျပ်ငွေအပေါ် ယုံကြည်မှုနည်းပြီး ဒေါ်လာနဲ့ ရွှေဝယ် စုနေကြတာတွေကြောင့် လက်တလော ရွှေဈေးကော ဒေါ်လာဈေးမှာ ဈေးကွက် မတည်မငြိမ် ဖြစ်နေပါတယ်။

3 days Ago

April 28, 2021

ငွေများလာအပ်နှံကြရန် အကြမ်းဖက်စစ်အုပ်စုသိမ်းပိုက်ထားတဲ့ ဗဟိုဘဏ် ဖိတ်ခေါ်

ပြည်သူတွေအနေနဲ့ လက်ဝယ်ရှိ ငွေသားတွေ လုံခြုံမှုအတွက် မြန်မာနိုင်ငံတော်ဗဟိုဘဏ်မှာ ငွေလာအပ်ကြဖို့  အကြမ်းဖက်စစ်အုပ်စုသိမ်းပိုက်ထားတဲ့ ဗဟိုဘဏ်က  ဧပြီလ ၂၇ ရက်မှာ ထုတ်ပြန် ကြေညာပါတယ်။

အခုအချိန် ပြည်သူတွေအနေနဲ့ လက်ဝယ်ရှိ ငွေသားလုံခြုံမှုအတွက် စိုးရိမ်ပူပန်စိတ်တွေ ဖြစ်ပေါ်နေကြောင်း ပြည်သူတွေအနေနဲ့  လက်ဝယ်ရှိ ငွေသားတွေ လုံခြုံမှုအတွက် ဘဏ်တွေမှာ အပ်နှံလိုပါက အထူးကိစ္စရပ်အနေနဲ့  မေလ ၃ ရက်နေ့မှစပြီး ဘဏ်တွေမှာ ဘဏ် စာရင်းအသစ်တွေ ဖွင့်လှစ်ကာ ငွေသားအပ်နှံထည့်သွင်းခွင့်ပြုမယ်လို့ဆိုပါတယ်။

အဆိုပါဘဏ်စာရင်း အသစ်မှ ငွေသားပြန်လည်ထုတ်ယူလိုပါက အပ်နှံငွေသားပမာဏအတွင်း ကန့်သတ်ချက်မရှိဘဲ ထုတ်ယူခွင့်ပြုမယ်လို့လည်းဆိုပါတယ်။

မေလ ၃ ရက်နေ့မတိုင်မီ ဘဏ်တွေမှာ  စာရင်းဖွင့်လှစ်ထားသူတွေကိုတော့ မြန်မာနိုင်ငံတော်ဗဟိုဘဏ်မှ မူလငွေထုတ်ကန့်သတ်ချက်တွေ အတိုင်း ငွေသား ဆက်လက်ထုတ်ယူခွင့်ပြုမှာဖြစ်ပြီး အဆိုပါငွေထုတ်ကန့်သတ်ချက်ကိုလည်း ဖြေလျှော့ပေးသွားဖို့ စီစဉ်နေတယ်လို့ စစ်ကောင်စီရဲ့ မီဒီယာတွေကနေ မနေ့ညက ကြေညာပါတယ်။

နိုင်ငံတော်အာဏာကို  အကြမ်းဖက်စစ်အုပ်စုက  လက်နက်အားကိုးနဲ့ မတရားရယူသိမ်းပိုက်လိုက်ပြီးနောက် ပြည်သူတွေက ဘဏ်တွေကို အယုံအကြည်မရှိတော့ဘဲ အပ်ထားတဲ့ ငွေတွေပြန်ထုတ်ယူနိုင်ဖို့  နေ့စဉ်ကြိုးပမ်းနေတာဖြစ်ပါတယ်။ 

3 weeks Ago
More News
Up