ဗန်ဒိုက်

December 17, 2020

 ဗန်ဒိုက်ကို  ၅ နှစ်သက်တမ်းတိုးရန် လီဗာပူး ကမ်းလှမ်းမည်

လီဗာပူးအသင်းဟာ နောက်ခံလူ ဗန်ဒိုက်ကို ၅ နှစ်စာချုပ်နဲ့ သက်တမ်းတိုးဖို့ ကမ်းလှမ်းတော့ မယ်လို့ သိရပါတယ်။  ဗန်ဒိုက်ဟာ လီဗာပူးနဲ့ ၂၀၂၃ ခုနှစ်အထိ စာချုပ်သက်တမ်းကျန်ရှိ သေးပေမဲ့ အသင်းမှာ နှစ်ရှည်ကစားစေဖို့ နည်းပြ ကလော့ပ်က ဆန္ဒရှိနေတာပါ။  လာမယ့်ဇန်နဝါရီ အပြောင်းအရွှေ့မှာတော့ ဗန်ဒိုက်ကို ၅ နှစ်သက်တမ်းတိုးစာချုပ် ချုပ်ဆိုသွားဖို့ လီဗာပူးအသင်းက ကမ်းလှမ်းမယ်လို့ သိရပါတယ်။  အသက် ၂၉ နှစ်ရှိ ဟော်လန်နောက်ခံလူ ဗန်ဒိုက်ဟာ ၂၀၁၈ ခုနှစ်ဇန်နဝါရီက ဆောက်သမ်တန်ကနေ ပေါင် ၇၅ သန်းနဲ့ ပြောင်းရွှေ့လာခဲ့တာဖြစ်ပါတယ်။ လစ်ဗာပူးအသင်းနဲ့အတူ ပရီးမီးယားလိဂ်ချန်ပီယံဆုဖလားအပြင် ဥရောပချန်ပီယံလိဂ် ဆုဖလားကိုလည်း ရယူနိုင်ခဲ့ပါတယ်။ 
5 months Ago

November 19, 2020

ချဲလ်ဆီးနည်းပြဘဝ လူကာကူနှင့် ဗန်ဒိုက်ကို ခေါ်ယူရန် နီးစပ်ခဲ့ကြောင်း ကွန်တီပြော

ချဲလ်ဆီးနည်းပြတာဝန်ယူချိန်က လူကာကူနဲ့ ဗန်ဒိုက်ကို ခေါ်ယူဖို့ နီးစပ်ခဲ့ဖူးတယ်လို့ နည်းပြ ကွန်တီက ပြောပါတယ်။  လက်ရှိအချိန်မှာ အင်တာမီလန်နည်းပြ တာဝန်ယူနေတဲ့ ကွန်တီဟာ ၂၀၁၆-၂၀၁၇ ဘောလုံးရာသီက ချဲလ်ဆီးအသင်းကို ပရီးမီးယားလိဂ်ချန်ပီယံဖြစ်အောင် စွမ်းဆောင်ပေးခဲ့တာပါ။  အဲဒီအချိန်က အဲဗာတန်အသင်းမှာ ကစားနေတဲ့ တိုက်စစ်မှူး လူကာကူနဲ့ ဆောက်သမ်တန် မှာ ကစားနေတဲ့ ဗန်ဒိုက်တို့ကို ခေါ်ယူဖို့ နေ့စဉ်စကားပြောဆိုခဲ့ဖူးတယ်လို့ ကွန်တီက ပြန် ပြောပြတာပါ။  ပရီးမီးယားလိဂ်ချန်ပီယံ ဖြစ်ပြီးတဲ့နောက်မှာ ကစားသမား ၂ ဦးကို ခေါ်ယူဖို့ အလွန်နီး စပ်ခဲ့ပြီး အဲဒီကစားသမား ၂ ဦးက လူကာကူ နဲ့ ဗန်ဒိုက်တို့ဖြစ်တယ်လို့ တယ်လီဂရပ်ဖ်သတင်းစာနဲ့ အင်တာဗျူးမှာ နည်းပြကွန်တီက ပြောပါတယ်။  လူကာကူ နဲ့ ဗန်ဒိုက်တို့နဲ့ နေ့တိုင်းဆက်သွယ်စကားပြောခဲ့ပြီး ခေါ်ယူနိုင်ခဲ့မယ်ဆိုရင် အသင်းရဲ့ ခြေစွမ်းက ၃၀ ရာခိုင်နူန်းလောက်တိုးတက်လာလိမ့်မယ်လို့ တာဝန်ရှိသူတွေကို ပြောခဲ့ကြောင်း လည်း ကွန်တီက ပြောပါတယ်။  ဒါပေမဲ့ အဆုံးသတ်မှာတော့ လူကာကူက မန်ယူနိုက်တက်ဆီပြောင်းရွှေ့ခဲ့ပြီး ဗန်ဒိုက်က လီဗာပူးဆီ ပြောင်းရွှေ့ခဲ့တာ ဖြစ်ပါတယ်။ 
6 months Ago
More News
Up