ဗင်းနစ်

July 11, 2020

ဗင်းနစ်မြို့ ရေမမြုပ်စေရန် ကာကွယ်မည့် အရံအတား စမ်းသပ်

ဗင်းနစ်မြို့ကို ရေမမြုပ်အောင် ကာကွယ်ပေးမယ့် MOSE  အရံအတား စမ်းသပ်မှုကို  ဇူလိုင်လ  ၁၀ ရက်က ပြုလုပ်ခဲ့ပါတယ်။  ဗင်းနစ်မြို့မှာ စံချိန်တင်  ဒီရေမြင့်တက်ခဲ့ပြီးနောက်  သမိုင်းဝင် တူးမြောင်းတွေ၊ ရင်ပြင်တွေ နဲ့နန်းတော်တွေ ရေမြုပ်ခဲ့ပြီး လအတော်ကြာမှာ ဒီသရုပ်ပြ စမ်းသပ်မှုကို ပြုလုပ်ခဲ့တာပါ။   ဝန်ကြီးချုပ် ကွန်တေက  ဂိတ်တံခါး ၇၈ ခုစလုံး  ရေပေါ် တပြိုင်နက် တက်စေတဲ့  ကွန်ပျူတာစနစ်ကို  ပထမဆုံးအကြိမ် ဖွင့်လိုက်ပြီးနောက်မှာ အဝါရောင်အရံအတား တန်းကြီးက ရေပေါ်  ပေါလော တက်လာခဲ့ပါတယ်။    ယူရိုငွေ ဘီလီယံပေါင်းများစွာ ကုန်ကျတဲ့  ဒီစီမံကိန်းကို ၁၉၈၄ ခုနှစ်မှာ ဒီဇိုင်းထုတ်ခဲ့ပေမယ့်  အသုံးချရမယ့်အချိန် ကျော်လွန်လို့ ဆယ်စုနှစ် တစ်ခုကြာတောင်  မပြည့်စုံသေးဘဲ ဖြစ်နေပါတယ်။   နောက်ပြီး MOSE စီမံကိန်းမှာ ခြစားမှုတွေနဲ့ သတ်မှတ်ကုန်ကျစရိတ်ထက် ကျော်လွန်တာတွေ ရှိနေပါတယ်။  ဒါကြောင့်  ဒီစီမံကိန်းကို လာမယ့်နှစ်အထိ အပြည့်အ၀ လည်ပတ်နိုင်မှာ မဟုတ်သေးဘူးလို့ ရိုက်တာသတင်းမှာ ဖော်ပြထားပါတယ်။ 
10 months Ago

May 16, 2020

ဗင်းနစ်မြို့အနီး ဓာတုစက်ရုံပေါက်ကွဲ၊ ဒေသခံများ အိမ်ထဲတခါးပိတ်နေရန် ညွှန်ကြား

အီတလီနိုင်ငံ ဗင်းနစ်မြို့နားက ဓာတုပစ္စည်းစက်ရုံမှာ မေလ ၁၅  ရက်က  ပေါက်ကွဲမှု ဖြစ်ခဲ့တာကြောင့် ဒေသခံတွေ  အိမ်ထဲမှာ တံခါးပိတ်နေဖို့  တာဝန်ရှိသူတွေက ညွှန်ကြားခဲ့ရပါတယ်။   စက်ရုံပေါက်ကွဲမှုမှာ အလုပ်သမား ၁ ယောက် ဒဏ်ရာရခဲ့တယ်လို့ ဒေသသတင်းစာ ကိုရီယာဒယ်ဗန်နက်တိုက ဖော်ပြပါတယ်။  စက်မှုဇုန်တခုအတွင်း‌ ပေါက်ကွဲမှုဖြစ်ခဲ့ပြီး မီးသတ်သမား ဒါဇင်နဲ့ချီ သွားရောက် ငြှိမ်းသတ်ခဲ့ပါတယ်။   ဓာတုစက်ရုံပေါက်ကွဲမှုက ထွက်လာတဲ့ မီးခိုးမည်းမည်းတွေကို ဗင်းနစ်မြို့ ပင်လယ်ထုံးအိုင်ကနေ မြင်တွေ့ရပါတယ်။  ဒီပေါက်ကွဲမှုဟာ ဗင်းနစ်မြို့က ကီလိုမီတာ အနည်းငယ်ဝေးတဲ့ ပေါ်တိုမာဂယ်တာ  အရပ်မှာ ဖြစ်ခဲ့တယ်လို့ ရိုက်တာသတင်းမှာ ဖော်ပြထားပါတယ်။ 
12 months Ago
More News
Up