ဖီးလ်နဗီးလ်

January 19, 2021

ဒေးဗစ်ဘက်ခမ်းပိုင် အင်တာမီယာမီအသင်း၏ နည်းပြချုပ်အဖြစ် ဖီးလ်နဗီးလ် တာဝန်ယူမည်

အင်္ဂလန်နောက်ခံလူဟောင်း ဖီးနဗီးလ်ဟာ ဒေးဗစ်ဘက်ခမ်းရဲ့ အင်တာမီယာမီအသင်းကို နည်းပြချုပ်အဖြစ် တာဝန်ယူမှာဖြစ်ပါတယ်။ အင်္ဂလန်အမျိုးသမီးအသင်း နည်းပြရာထူးကနေ နှစ်ဦးသဘောတူ လမ်းခွဲခဲ့တဲ့ ဖီးလ်နဗီးလ်ဟာ အသင်းကို အောင်မြင်မှုရအောင် လုပ်ဆောင်နိုင်ခဲ့ပါတယ်။ နဗီးလ်ရဲ့ နေရာမှာတော့ ဟော်လန်နည်းပြတစ်ဦးဖြစ်သူ ဆရီနာဝီမန်က တာဝန်ယူသွားမှာ ဖြစ်ပေမယ့် ၂၀၂၂ ယူရိုချန်ပီယံရှစ်နဲ့ ၂၀၂၃ ကမ္ဘာ့ဖလားခြေစစ်ပွဲစဉ်တွေမတိုင်ခင်မှာပဲ စတင်တာဝန်ယူမှာ ဖြစ်ပါတယ်။ မန်ယူ နောက်ခံလူဟောင်း တစ်ဦးလည်းဖြစ်သူ နဗီးလ်ဟာ  အင်္ဂလန်အမျိုးသမီးအသင်းကို SheBieleiveCup ဖိတ်ခေါ်ပြိုင်ပွဲမှာ ချန်ပီယံဖြစ်အောင် ဦးဆောင်ခဲ့ကာ ကမ္ဘာ့ဖလားမှာ ဆီမီးဖိုင်နယ် တက်ရောက်နိုင်ခဲ့ပြီး အိုလံပစ်ပြိုင်ပွဲခြေစစ်ပွဲလည်း အောင်မြင်သွားခဲ့တာ ဖြစ်ပါတယ်။
4 months Ago

July 8, 2020

ဖီးလ်နဗီးလ်၏သား ဟာဗေးကို မန်ယူအသင်း ၁ နှစ်သက်တမ်းတိုး

မန်ယူနောက်ခံလူဟောင်း ဖီးလ်နဗီးလ်ရဲ့ သားဖြစ်သူ ဟာဗေးဟာ မန်ယူအသင်းနဲ့ ပရော် ဖက်ရှင်နယ် စာချုပ်ချုပ်ဆိုလိုက်ပါတယ်။  ၂၀၁၈ ခုနှစ်ကတည်းက မန်ယူအသင်းအကယ်ဒမီဆီရောက်ရှိနေတဲ့ ဟာဗေးဟာ သူ့ရဲ့ဖခင် ဖီးလ်နဗီးလ်နဲ့ ဦးကြီးဖြစ်သူ ဂယ်ရီနဗီးလ်တို့လိုပဲ နောက်ခံအစွန်နေရာမှာ ကစားပါတယ်။  မန်ယူအသင်းဟာ အသက် ၁၈ နှစ်ပြည့်မြောက်ခဲ့တဲ့ ဟာဗေးကို တစ်နှစ်သက်တမ်းတိုး ခဲ့တာဖြစ်ပြီး ယူ ၂၃ အသင်းမှာ ပွဲထွက်ခွင့်ရဖို့ ကြိုးပမ်းရမှာဖြစ်ပါတယ်။  ယူနိုက်တက်အသင်းနဲ့ တစ်နှစ်သက်တမ်းတိုးနိုင်ခဲ့လို့ ပျော်ရွှင်မိပြီး မိသားစုဝင်တွေနဲ့ နည်းပြတွေကို ကျေးဇူးတင်တယ်လို့ ဟာဗေးက တွစ်တာကနေ ပြောပါတယ်။  ဟာဗေးဟာ အိုင်ယာလန်လူငယ်အသင်းတွေနဲ့ ဗလင်စီယာလူငယ်အသင်းမှာလည်း ကစားခဲ့ဖူးပါတယ်။ ကွင်းလယ်မှာ ကစားခဲ့တဲ့ ဟာဗေးဟာ လက်ရှိအချိန်မှာတော့ ညာနောက်ခံလူနေရာမှာ ကစားနေသူ ဖြစ်ပါတယ်။
10 months Ago
Up