ဖာမီနို

November 12, 2020

ဖာမီနိုကို သုံးလေးပွဲခန့် အနားပေးသင့်ကြောင်း ကာရေဂါအကြံပြု

ဒီယေဂိုဂျိုတာဟာ ဆာလက်နဲ့မာနေးတို့ရဲ့ ဖိအားတွေကို လျော့ပါးစေသူဖြစ်ပြီး လီဗာပူးလူစာရင်းကနေ ဖာမီနိုကို သုံးလေးပွဲလောက်အနားပေးသင့်တယ်လို့ ဂန္တဝင်ကစားသမား ဂျင်မီကာရေဂါက သုံးသပ်ပါတယ်။  ဂျိုတာဟာ လီဗာပူးလက်ကို စက်တင်ဘာလကမှ ပေါင် ၄၁ သန်းနဲ့ရောက်ရှိလာသူဖြစ်ပြီး အသက် ၂၃ နှစ်အရွယ်ကစားသမားဟာ သူ့ရဲ့ပထမဆုံး ၁၁ ပွဲမှာ ၇ ဂိုးအထိသွင်းယူနိုင်ခဲ့ပါတယ်။  တစ်ဖက်မှာတော့ ဖာမီနိုဟာ အခုရာသီ ၁၂ ပွဲကစားပြီး ၁ ဂိုးသာသွင်းယူနိုင်သေးပါတယ်။  ဒါ့ကြောင့် ကာရေဂါက အသင်းရဲ့ပွဲထွက်လူစာရင်းမှာ ဖာမီနိုကို ချန်လှပ်ပြီး ဂျိုတာကို နေရာပေးသင့်တယ်လို့ ယူဆထားတာဖြစ်ပြီး ဘရာဇီးလ်တိုက်စစ်မှူး ဖာမီနိုဟာ ပုံမှန်စွမ်းဆောင် ရည်အောက် ရောက်ရှိနေတယ်လို့လည်း ယုံကြည်နေပါတယ်။  လီဗာပူးအသင်းရဲ့ ပွဲထွက်တိုက်စစ်မှူး ၃ ဦးကို ရွေးချယ်စေခဲ့ရာမှာ “မာနေး၊ ဂျိုတာ၊ ဆာလက်” လို့ ကာရေဂါက ပြန်လည်ဖြေကြားခဲ့ပြီး ဖာမီနိုဟာ အခုချိန်မှာ ပုံစံကောင်းမှာရှိမနေ ဘူးလို့ ပြောပါတယ်။  “ဖာမီနိုဟာ ပုံစံကောင်း ပျောက်ဆုံးနေပါတယ်။ ပြီးခဲ့တဲ့ရာသီမှာလည်း သူဟာ အကောင်း ဆုံး အခြေအနေမှာရှိနေတယ်လို့ မထင်ပါဘူး။ လီဗာပူးဟာ လိဂ်ဖလားကိုရရှိခဲ့ပေမဲ့ ဖာမီနိုဟာ ချဲလ်ဆီးနဲ့ နောက်ဆုံးပွဲမတိုင်ခင်အထိ ပရီးမီးယားလိဂ်အိမ်ကွင်းမှာ ဂိုးမသွင်းယူနိုင်ခဲ့ပါဘူး” လို့ ကာရေဂါက ပြောပါတယ်။  “လီဗာပူးပရိတ်သတ်တွေက ဖာမီနိုရဲ့တာဝန်က ဂိုးသွင်းဖို့တခုတည်း မဟုတ်ဘူးဆိုတာကို သိရှိထားပါတယ်။ သူတို့ဟာ ဖာမီနိုဘယ်လိုဖန်တီးပေးလဲ၊ ဘယ်လို ဘောလုံး ပြန်ဆယ်ပေးလည်း ဆိုတာနဲ့ ဖိအားပေးမှုကို ဘယ်လိုစတင်လဲဆိုတာကို ကောင်းကောင်းသဘောပေါက်ထားပါတယ်။ ဒါပေမယ့် ပြီးခဲ့တဲ့သီတင်းပတ် ဖာမီနိုရဲ့ ဖိအားပေးမှုအချက်အလက်တွေကိုကြည့်မိတဲ့အခါမှာတော့ သူဟာအရင်လို မဟုတ်ဘူးဆိုတာကို ပြသနေပါတယ်။ ဒါဟာ ဂျိုတာကို အစားထိုးပြီး ဖာမီနိုရဲ့ ကစားသမားဘဝ အဆုံးသတ်သွားပြီလို့ ပြောတာမဟုတ်ပါဘူး။ သူ့အနေနဲ့ သုံးလေး ပွဲလောက် အရန်ခုံမှာထိုင်သင့်တယ်လို့ဆိုတာပါ” လို့ ကာရေဂါကပြောပါတယ်။  ပြီးခဲ့တဲ့ရာသီတွေအတွင်း လီဗာပူးအသင်းမှာ မာနေးနဲ့ ဆာလက်တို့ကသာ ဂိုးသွင်းဖို့ တာဝန်ယူထားရပြီး သူတို့ရဲ့ဖိအားကို သက်သာစေမယ့် ဂျိုတာလို ကစားသမားမျိုး လိုအပ်ခဲ့ တယ်လို့ ကာရေဂါက သုံးသပ်ပါတယ်။  ဂျိုတာ ခြေစွမ်းပြနေခြင်း၊ ဖာမီနိုခြေစွမ်းပြဖို့ ရုန်းကန်နေရခြင်းတို့ ဖြစ်နေချိန်မှာ လီဗာပူးနည်းပြ ကလော့က ပြီးခဲ့တဲ့သီတင်းပတ် မန်စီတီးနဲ့ပွဲမှာ ဖာမီနိုနဲ့ ဂျိုတာကို တပြိုင် နက်တည်း အသုံးပြုခဲ့ပြီး တိုက်စစ်ကစားသမား ၄ ဦးစလုံးကို ပွဲထွက်ကစားစေခဲ့ပါတယ်။ 
9 months Ago

February 11, 2020

ဖာမီနိုကို ပေါင် ၇၅ သန်းဖြင့် ခေါ်ယူရန် ဘိုင်ယန်မြူးနစ် ပြင်ဆင်

ဘွန်ဒက်စ်လီဂါ အင်အားကြီး ဘိုင်ယန်မြူးနစ်အသင်းဟာ လီဗာပူးအသင်းရဲ့ တိုက်စစ်မှူး ရောဘတ်တိုဖာမီနိုကို ပေါင် ၇၅ သန်းနဲ့ ကမ်းလှမ်းဖို့ ပြင်ဆင်နေတယ်လို့ သတင်းတွေမှာ ဖော်ပြပါတယ်။ ဘရာဇီး လက်ရွေးစင် ကစားသမား ဖာမီနိုဟာ ဂျာမနီကလပ် ဟော့ဖင်ဟိမ်းအသင်းကနေ လီဗာပူးအသင်းကို ၂၀၁၅ ခုနှစ်မှာ ရောက်ရှိလာခဲ့သူ ဖြစ်ပါတယ်။ အင်္ဂလန်မြေကို ရောက်ရှိလာချိန်ကစလို့တော့ ဒီကစားသမားဟာ ကမ္ဘာ့အကောင်းဆုံး တိုက်စစ်ကစားသမားတွေထဲက တဦးအဖြစ် ခြေစွမ်းပြသနိုင်ခဲ့သူလည်း ဖြစ်ပါတယ်။ အသက် ၂၈ နှစ်အရွယ် ကစားသမားဟာ လီဗာပူးအသင်းအတွက် ၂၂၈ ပွဲ ကစားထားပြီး ၇၈ ဂိုး သွင်းယူထားနိုင်သူဖြစ်ကာ ပြီးခဲ့တဲ့နှစ်မှာလည်း အသင်းနဲ့အတူ ချန်ပီယံလိဂ်ဖလားကို ဆွတ်ခူးနိုင်ခဲ့သူ ဖြစ်ပါတယ်။ ဒါ့အပြင် ဒီကစားသမားဟာ ဒီရာသီမှာလည်း လီဗာပူးအသင်းနဲ့အတူ ပရီးမီးယားလိဂ်ဖလားကို ဆွတ်ခူးဖို့အတွက် အနီးကပ်ဆုံး အနေအထားကို ရောက်ရှိနေပြီ ဖြစ်ပါတယ်။ လီဗာပူးအသင်းနည်းပြ ယာဂန်ကလော့ဟာ ဘရာဇီးကစားသမားကို အသင်းအတွက် အရေးပါဆုံး ကစားသမားတွေထဲက တဦးအဖြစ် သတ်မှတ်ထားပြီး ဘိုင်ယန်မြူးနစ်ဘက်ကသာ အမှန်တကယ် ကမ်းလှမ်းလာခဲ့ပါက ကစားသမားကို အသင်းမှာ ဆက်ထိန်းထားနိုင်ဖို့ ကြိုးစားရတော့မှာ ဖြစ်ပါတယ်။ ဘိုင်ယန်အသင်းဟာ လာမယ့်နွေရာသီ အပြောင်းအရွှေ့မှာ အသင်းလူစာရင်းကို ပြန်လည်တည်ဆောက်ဖို့အတွက် ပြင်ဆင်မှုတွေ ပြုလုပ်နေပြီး ဖာမီနိုဟာ သူတို့ရဲ့ ထိပ်တန်းပစ်မှတ်ကစားသမားတဦး ဖြစ်တယ်လို့ The Sun သတင်းမှာ ဖော်ပြပါတယ်။  ဘိုင်ယန်မြူးနစ် နည်းပြ ဟန့်စ်ဖလစ်က ဖာမီနိုရဲ့ခြေစွမ်းကို သဘောကျနေပြီး အသင်းတိုက်စစ်မှူး လီဝန်ဒေါစကီးကို ဖာမီနိုအပြင် မန်စီးတီးအသင်းကနေ ခေါ်ယူဖို့ ကြိုးစားနေတဲ့ လီရွိုင်းဆာနေးတို့နဲ့အတူ ဝန်းရံကစားစေဖို့ စီစဉ်နေပုံရပါတယ်။ ဒါပေမဲ့ တဖက်မှာလည်း လီဗာပူးအသင်းက အားထားရတဲ့ တိုက်စစ်မှူးကို အလွယ်တကူ လက်လွှတ်ခံမယ့် အနေအထားမျိုးမှာ ရှိမနေဘဲ လိုက်ပစ်ဇ်အသင်းရဲ့ တိုက်စစ်မှူး တီမိုဝါနာကို ခေါ်ယူနိုင်မှ ဖာမီနိုကို ရောင်းထုတ်ဖို့ စဉ်းစားမယ့်အနေအထားမျိုးမှာ ရှိနေပါတယ်။ ဖာမီနိုဟာ ဘောလုံး ဝေဖန်သုံးသပ်သူတွေရဲ့ ချီးကျူးမှုကို ရရှိထားတဲ့ ကစားသမားတဦး ဖြစ်ပြီး ယူနိုက်တက် ဂန္ထဝင်ကစားတဦးဖြစ်တဲ့ ဂယ်ရီနဗီးလ်က “ကမ္ဘာပေါ်မှာရှိတဲ့ ဘယ်နည်းပြမဆို ဖာမီနိုလို ကစားသမားမျိုးကို လိုချင်ကြလိမ့်မယ်” လို့ ထုတ်ဖော် ချီးကျူးခဲ့ဖူးပါတယ်။
1 year Ago
Up