ဖမ်းဆီးရမိ

September 28, 2021

မြန်မာနယ်စပ်မှ ထိုင်းနိုင်ငံမဲဆောက်သို့ တရားမဝင်တင်ပို့သည့် လိပ်များ ဖမ်းဆီးရမိ

ကရင်ပြည်နယ်၊ မြဝတီမြို့မှတဆင့်  ထိုင်းနိုင်ငံ မဲဆောက်မြို့စျေးကို တရားမဝင် ပို့ဆောင်မယ့် လိပ် အကောင်ရေ ၉၀၀၀ လောက် စက်တင်ဘာ ၂၈ ရက် ဒီကနေ့  ထိုင်းလုံခြုံရေးစစ်တပ်က ဖမ်းဆီးရမိခဲ့တယ်လို့ ထိုင်းအာဏာပိုင်တွေထံက သိရပါတယ်။

လိပ်တွေကို မဲဆောက်ဈေးကိုပို့ဖို့အတွက် မြန်မာကုန်သည်တယောက်က ထိုင်းနိုင်ငံသား တယောက်ကို စေခိုင်းခဲ့ရာမှာ ဒီကနေ့ တာ့ခ်ခရိုင်၊ မဲဆောက်မြို့၊ မယ်တော်တိုက်နယ်၊ ၆ ရပ်ကွက်မှာ ထိုင်းစစ်တပ်က ဖမ်းဆီးလိုက်တာဖြစ်ပါတယ်။

ခရီးသွားဝန်ဆောင်အိတ်တွေတင်ဆောင်လာတဲ့ မော်တော်ယာဉ်တစ်စီးကို ကင်းစောင့်နေတဲ့ ထိုင်းစစ်တပ်က မသင်္ကာလို့ စစ်ဆေးမေးရာမှာ ကားပေါ်မှာပါလာတဲ့ အသက်ရှင် ဂျပန်လိပ်တွေကို တွေ့ရှိခဲ့တာပါ။

ဖမ်းဆီးရမိတဲ့ ထိုင်းယာဉ်မောင်း အသက်(၅၈)နှစ်၊ ကားနဲ့ ဂျပန်လိပ်တွေကို မဲဆောက်မြို့အခွန်ဦးစီးဌာနထံ အပ်နှံပြီး ထိုင်းနိုင်ငံဥပဒေအတိုင်း အရေးယူသွားမယ်လို့ သိရပါတယ်။

2 months Ago

December 10, 2020

ထိုင်းတွင် မြန်မာအလုပ်သမားအချင်းချင်း ဓားဖြင့်ထိုးသတ်ပြီး ထွက်ပြေးနေသူ ဖမ်းဆီးရမိ 

ထိုင်းနိုင်ငံ၊ ဘန်ကောက်မြို့အနီး နခွန်းပထုန်ခရိုင်ထဲမှာ မြန်မာအလုပ်သမား အချင်းချင်း ဓားနဲ့ထိုးသတ်ပြီး ထွက်ပြေးတိမ်းရှောင်နေသူကို ဖမ်းဆီးရမိတယ်လို့  ထိုင်းလဝကရဲတပ်ဖွဲ့က ဒီဇင်ဘာ ၈ ရက်နေ့   သတင်းစာရှင်းပွဲမှာ ပြောပါတယ်။  နခွန်းပထုန်ခရိုင် နခွန်းပထုန်မြို့ သရီးဖရစ်ရပ်ကွက်ထဲမှာ ပြီးခဲ့တဲ့ နိုဝင်ဘာ ၂၇ ရက်နေ့က ခိုက်ရန်ဖြစ်ပွားဓားထိုးမှုဖြစ်ကြောင်း သတင်းပေးချက်အရ နခွန်းပထုန်ရဲစခန်းတာဝန်ရှိသူတွေက သွားရောက်စစ်ဆေးရာမှာ အခင်းဖြစ်ပွားတဲ့ ဆောက်လုပ်ရေးအလုပ်သမားတန်းလျားမှာ အသက် ၂၃ နှစ်ရွယ်ရှိမြန်မာအလုပ်သမား ခွန်အောင်သိန်း ဆိုသူမှာ ဓားဒဏ်ရာတွေနဲ့ လဲကျသေဆုံးနေတာ တွေ့ရတယ်လို့ ဆိုပါတယ်။  ဆေးရုံက ဆေးစစ်ချက်တွေအရ ခွန်အောင်သိန်းမှာ မျက်နှာ ၊ လည်ပင်း  နဲ့  ဝဲဘက်ရင်ဘတ်မှာ ချွန်ထက်သောအရာတွေနဲ့ ထိုးနှက်ခံထားရတဲ့ ဒဏ်ရာနဲ့ သေဆုံးသွားတာလို့ ဆိုပါတယ်။ အနီးနားရှိ မျက်မြင်သက်သေတွေ ပြောပြချက်အရ ဓားထိုးမှုကျူးလွန်သူမှာ အသက် ၂၈ နှစ်အရွယ်ရှိ ကိုချမ်းဆိုသူ မြန်မာအလုပ်သမားဖြစ်ကြောင်း ၊ ဓားထိုးမှုမဖြစ်ခင် ခွန်အောင်သိန်းနဲ့ ကိုချမ်းတို့ဟာ ကိုအေးရဲ့အခန်းထဲမှာ ဝိုင်းဖွဲ့အရက်သောက်နေကြောင်း၊ မကြာခင်မှာ အချင်းချင်းငြင်းခုံစကားများပြီး ကိုချမ်းက ခွန်အောင်သိန်းကို ဓားနဲ့ထိုးကာ ဇနီးသည်နဲ့အတူ ထွက်ပြေးတိမ်း ရှောင်နေတာလို့ ဆိုပါတယ် ။  တာဝန်ရှိရဲတပ်ဖွဲ့ဝင်တွေက ကိုချမ်းထွက်ပြေးရာနောက်ကို စီစီကင်မရာတွေနဲ့ လိုက်လံစုံ စမ်းစစ်ဆေးပြီး သူတို့ဟာ ဆမွတ်ဆာခွန်းခရိုင် ဆမွတ်ဆာခွန်းမြို့ မဟာချိုင်ရပ်ကွက်ရှိ အိမ်တစ်အိမ်မှာ ပုန်းရှောင်နေတာကို သိရတဲ့အတွက် နောက်ယောင်ခံဖမ်းဆီးခဲ့တယ်လို့ သတင်းစာရှင်းပွဲမှာ ပြောသွားပါတယ်။ 
12 months Ago
More News
Up