ဖခင်

April 20, 2021

သမီးကိုမတွေ့သဖြင့် သက်ကြီးရွယ်အိုဖခင်ဖြစ်သူကို စစ်ကောင်စီအကြမ်းဖက်အဖွဲ့က ဖမ်းဆီး

မန္တလေးတိုင်း၊ ကျောက်ဆည်မြို့နယ် ကြောင်ပန်းကုန်းကျေးရွာမှာ အမျိုးသားဒီမိုကရေစီအဖွဲ့ချုပ် ပါတီဝင်တွေကို စစ်ကောင်စီအကြမ်းဖက်အဖွဲ့က လိုက်လံဖမ်းဆီးနေရာမှာ မတွေ့တဲ့ အတွက် သက်ကြီးရွယ်အို ဖခင်တွေကို ဖမ်းဆီးသွားပါတယ်။

ကြောင်ပန်းကုန်းကျေးရွာမှာနေတဲ့ ကျောက်ဆည်မြို့နယ် အန်အယ်လ်ဒီ အမျိုးသမီးကော်မတီဝင် မကြွေနုငယ်နေအိမ်ကို ဧပြီ ၁၉ရက် နေ့လည်ပိုင်းမှာ အရပ်ဝတ် အကြမ်းဖက်အုပ်စုက အဓမ္မ ဝင်ရောက်ရှာဖွေကာ ဖမ်းဆီးဖို့ လုပ်ခဲ့ပေမဲ့ လွတ်မြောက်သွားတာကြောင့် သူမရဲ့ ဖခင် အသက် ၇၄ နှစ်အရွယ် အမြင်အာရုံချို့တဲ့သူ  ဦးအောင်ရင်ကို အတင်းအကြပ်ဖမ်းဆီးခေါ်ဆောင်သွားခဲ့တယ်လို့ သိရပါတယ်။

ဒါ့အပြင် အိမ်နီးချင်းဖြစ်တဲ့ အန်အယ်လ်ဒီအဖွဲ့ဝင် မမြသွေးအိမ်ကိုလည်း အကြမ်းဖက်စစ်အုပ်စုက သွားရောက်ဖမ်းဆီးပေမဲ့ ထပ်မံ လွတ်မြောက်သွားတာကြောင့် မမြသွေးရဲ့ ဖခင် အသက် ၆၅ နှစ်အရွယ် ဦးသောင်းရွှေကို အစားဖမ်းဆီးသွားတယ်လို့  သိရပါတယ်။

ကြောင်ပန်းကုန်းရွာက မကြွေနုငယ်နဲ့ မမြသွေးတို့အပြင် ဆန္ဒပြရာမှာ အမြဲလိုက်ပါတဲ့ ကြောင်ပန်းကုန်းရွာသား ၅ ယောက်ကိုလည်း  စစ်သားတွေနဲ့ ရဲတွေက ထပ်မံရှာဖွေဖို့ ကြိုးစားနေတယ်လို့  ရွာခံတွေက ပြောပါတယ်။ 

ဒါ့အပြင် လွတ်မြောက်သွားတဲ့ မကြွေနုငယ်နဲ့ မမြသွေးတို့ကို လာမအပ်နိုင်ရင် ကြောင်ပန်းကုန်းရွာကို မီးရှို့ပြာချပစ်မယ်လို့လည်း စစ်အုပ်စုက ခြိမ်းခြောက်ပြောဆိုသွား ခဲ့တယ်လို့ ရွာသားတွေရဲ့ ပြောပြချက်အရ သိရပါတယ်။ 

3 weeks Ago

November 21, 2020

ဟာလန်း၏အပြောင်းအရွှေ့ ဘာမဆိုဖြစ်လာနိုင်ဟု ဖခင်ဖြစ်သူ ပြော

ဟာလန်းရဲ့ အပြောင်းအရွှေ့နဲ့ပတ်သက်ပြီး အနာဂတ်မှာ ဘာဖြစ်မလဲဆိုတာ ဘယ်သူမှ မပြောနိုင်ကြောင်း ဖခင်ဖြစ်သူက ပြောလိုက်ပါတယ်။  နော်ဝေလူငယ်တိုက်စစ်မှူး ဟာလန်းဟာ သြစတြီးယားကလပ် ဆဲလ်ဘက်မှာ ခြေစွမ်းပြခဲ့ ပြီးနောက် ဘွန်ဒက်စ်လီဂါကလပ် ဒေါ့မွန်အသင်းဆီ ပြောင်းရွှေ့ခဲ့တာပါ။  ဒေါ့မွန်နဲ့ စုစုပေါင်း ၂၉ ပွဲကစားပြီးချိန်မှာ ၂၇ ဂိုးအထိ သွင်းယူထားတာကြောင့် ထိပ်တန်း ကလပ်အသင်းတွေရဲ့ ပစ်မှတ်ကစားသမားဖြစ်လာခဲ့တာပါ။ ကစားသမားတဦး အကောင်းဆုံးခြေစွမ်းပြနေပါက ထိပ်တန်းကလပ်တွေရဲ့ ပစ်မှတ် ဖြစ်လာတာက မထူးဆန်းကြောင်း၊ လက်ရှိ အချိန်မှာတော့ ဒေါ့မွန်နဲ့ စာချုပ်သက်တမ်း ကျန်သေး တာကြောင့် အပြောင်းအရွှေ့ကိစ္စ စဉ်းစားမှာ မဟုတ်ပေမဲ့ အနာဂတ်မှာ ဘာဖြစ်မလဲဆိုတာတော့ ဘယ်သူမှ မပြောနိုင်ကြောင်း ဟာလန်းရဲ့ဖခင်က မှတ်ချက်ပေးခဲ့တာပါ။  သားဖြစ်သူ ဟာလန်းအနေနဲ့ ဒေါ့မွန်အသင်းနဲ့အတူ ဆုဖလားတွေ ရယူနိုင်ဖို့က အရင်ဆုံး ပစ်မှတ်ထားနေတဲ့ ရည်မှန်းချက်ပန်းတိုင်ဖြစ်တယ်လို့လည်း ဟာလန်းရဲ့ဖခင်က ပြောပါတယ်။ ဟာလန်းကို မန်ယူအသင်းက ခေါ်ယူဖို့ ကြိုးပမ်းခဲ့ဖူးပြီး ရီးရဲလ်မက်ဒရစ်အသင်းနဲ့လည်း သတင်း ထွက်ခဲ့ဖူးပါတယ်။ 
6 months Ago
Up