ပွင့်ဖြူမြို့နယ်

September 4, 2021

ပွင့်ဖြူမြို့နယ်တွင် အကြမ်းဖက်စစ်တပ်က ပြည်သူ ၁ ဦးကို ပစ်သတ်

မကွေးတိုင်းဒေသကြီး၊ ပွင့်ဖြူမြို့နယ်မှာ စစ်တပ်က သေနတ်နဲ့ ပစ်ခတ်ခဲ့လို့ သေဆုံးသွားခဲ့တဲ့ အမျိုးသားတစ်ယောက်ရဲ့ အလောင်းကို  စက်တင်ဘာလ ၄ ရက် ဒီနေ့မွန်းလွဲပိုင်းမှာ  ဒေသခံတွေက တွေ့ရှိခဲ့ပါတယ်။

ပြီးခဲ့တဲ့ စက်တင်ဘာလ ၁ ရက်နေ့က ကျောင်းစုကျေးရွာနေ ကိုသန်းတိုးအောင်(ခ)ဘီလူးဆိုသူကို စစ်ကောင်စီရဲ့ သတင်းပေးဒလန်တွေက PDF တပ်ဖွဲဝင်လို့စွပ်စွဲပြီး  သတင်းပေးတာကြောင့် စစ်တပ်ကလာရောက် ဖမ်းဆီးခဲ့ပါတယ်။

ကိုသန်းတိုးအောင်က အဖမ်းမခံဘဲ ထွက်ပြေးခဲ့လို့ အကြမ်းဖက်စစ်တပ်က သေနတ်နဲ့ လိုက်ပစ်တာကြောင့် သေနတ်ဒဏ်ရာရပြီး ထွက်ပြေးလွတ်မြောက်သွားတာလို့  ရွာခံတစ်ယောက်က ဒီဗွီဘီကို ပြောပါတယ်။

ဒီကနေ့ မွန်းလွဲ ၁ နာရီကျော်လောက်မှာတော့  မုန်းချောင်းအတွင်းမှာ အပုပ်နံ့ထွက်လာလို့ ရွာသားတွေက သွားကြည့်ရာမှာ ကိုသန်းတိုးအောင်ရဲ့ အလောင်းကို သေနတ်ဒဏ်ရာနဲ့ တွေ့ရှိခဲ့ပြီး ပရဟိတအဖွဲ့တွေက ပွင့်ဖြူဆေးရုံကို ပို့ဆောင်ခဲ့ပါတယ်။

ကိုသန်းတိုးအောင်ရဲ့ ဦးလေးတော်စပ်သူ ဦးအောင်တင်မင်းကိုလည်း စစ်တပ်က  ဖမ်းဆီးသွားတယ်လို့ သိရပါတယ်။

2 weeks Ago

September 1, 2021

ပွင့်ဖြူမြို့နယ်ထဲက လူငယ် ၂ ဦးကို စစ်ကောင်စီ ဖမ်းဆီး

မကွေးတိုင်းဒေသကြီး၊ ပွင့်ဖြူမြို့နယ်မှာ သြဂုတ်လ ၃၁ ရက်နေ့က လူငယ် ၂ ယောက်ကို စစ်ကောင်စီက မတရားဖမ်းဆီးသွားတယ်လို့ ဒေသခံတွေဆီကနေ သိရပါတယ်။

ပွင်ဖြူမြို့နယ်မှာ စစ်ကောင်စီခန့် အုပ်ချုပ်ရေးမှူးတွေနဲ့ ဒလန်တွေက လက်နက်တွေ ဝှက်ထားတယ်ဆိုပြီး မဟုတ်မမှန်သတင်းပေးတာကြောင့် အကြမ်းဖက်စစ်အုပ်စုတွေ ရောက်လာ ပြီး လူငယ် ၂ ယောက် အဖမ်းခံလိုက်ရတာလို့ ဒေသခံတစ်ယောက်က DVB ကိုပြောပါတယ်။

ရှောတောကျေးရွာက ကိုလင်းကို မနေ့က မနက်ပိုင်းမှာ အကြမ်းဖက်စစ်အုပ်စုက ဖမ်းဆီးသွားပြီး မွန်းတည့် ၁၂ နာရီလောက်မှာ ဆင်လူးကျေးရွာက ကိုစစ်ထူးအောင်ကို ထပ်မံဖမ်းဆီးတာလို့ ဆိုပါတယ်။

ပွင့်ဖြူမြို့နယ်ထဲမှာ ပြီးခဲ့တဲ့လတွေကလည်း ဒလန်တွေက သူတို့နဲ့ အဆင်မပြေတဲ့သူတွေကို မဟုတ်မမှန် သတင်းပေးတာကြောင့် ဒေသခံပြည်သူတွေ မကြာခဏ ဖမ်းဆီးခံခဲ့ရတယ်လို့ သိရပါတယ်။

2 weeks Ago
More News
Up