ပျူစောထီးအဖွဲ့

October 16, 2021

ရွှေဘိုမြို့နယ်တွင် စိတ်ကျန်းမာရေးချို့တဲ့သူ ၁ ဦးကို ပျူစောထီးအဖွဲ့က ပစ်သတ်

စစ်ကိုင်းတိုင်း၊ ရွှေဘိုမြို့နယ်၊ ရုံးတောရွာက စိတ်ကျန်းမာရေးချို့တဲ့သူတယောက်ကို ပျူစောထီးတွေက ပစ်သတ်ပြီး PDF လို့ သတင်းမှား ဖြန့်နေကြတယ်လို့ ဒေသခံတွေက ပြောပါတယ်။

အောက်တိုဘာ ၁၀ ရက်နေ့က ရွာလမ်းပေါ်မှာ ဖမ်းဆီး သတ်ဖြတ်ခဲ့တာဖြစ်ပြီး အလောင်းကိုလည်း အခုအချိန်ထိ မကောက်ရဲကြသေးဘူးလို့ ရွာသားတွေက ပြောပါတယ်။

ရုံးတောရွာသားတယောက်က “သတ်ခံရတာက ဦးဖိုးသေးနဲ့ ဒေါ်ညွန့်မှီတို့ရဲ့သား မောင်ရန် ဆိုတဲ့သူ။ အသက် ၃၀ လောက်ရှိမယ်။ သူက စိတ်မနှံ့ဘူး။ သူ့ကို ညောင်ကိုင်းနဲ့ ရုံးတောကြားက လမ်းပေါ်မှာ ဖမ်းပြီး သတ်တာ။ ပြီးတော့ လက်နက်နဲ့ ဓာတ်ပုံရိုက်ပြီး PDF လို့ သတင်းလွှင့်နေတယ်” လို့  ပြောပါတယ်။

ညောင်ကိုင်းရွာမှာ တပ်စွဲထားတဲ့ စစ်သားတွေနဲ့ ပျူစောထီးတွေက ပူးပေါင်း သတ်ဖြတ်တာလို့လည်း ရွာသားတွေက ပြောပါတယ်။

အလောင်းဟာ သတ်ဖြတ်ခံထားရတဲ့နေရာမှာပဲ ရှိနေပြီး ဘေးမှာ မိုင်းတွေ ထောင်ထားတယ်လို့ ကြားသိရတာကြောင့် ဘယ်သူမှ သွားမကောက်ရဲကြဘူးလို့လည်း ဆိုပါတယ်။

ရွှေဘိုမြို့နယ် ညောင်ကိုင်းနဲ့ တည်သီတောရွာတို့က ပျူစောထီးတွေဟာ စစ်ကောင်စီတပ်တွေနဲ့ ပူးပေါင်းလို့ ဒေသခံတွေက ဒုက္ခပေးနေတယ်လို့လည်း ရွာသားတွေက ပြောပါတယ်။

5 mins Ago

October 11, 2021

ထီးလင်းမြို့နယ်တွင် ပျူစောထီးအဖွဲ့ထံမှ တူမီးသေနတ် အလက် ၂၀ သိမ်းဆည်းရမိ

မကွေးတိုင်းဒေသကြီး ထီးလင်းမြို့နယ်မှာ အောက်တိုဘာ ၁၀ ရက်နေ့မနက်ပိုင်းက ပျူစောထီးအဖွဲ့တွေဆီကနေ တူးမီးသေနတ် ၂၀ သိမ်းဆည်းရမိပြီး ပျူစောထီးတစ်ယောက် သေဆုံးခဲ့တယ်လို့ ထီးလင်း PDF တပ်ဖွဲ့ကနေ သိရပါတယ်။

ထီးလင်းမြို့နယ်မှာ ဒီကနေ့မနက် ၉ နာရီလောက်က ထီးလင်းရဲစခန်းကနေ ဇီးတောရွာကို ပျူစောထီးတွေ တူမီးသေနတ်တွေ သယ်လာတယ်လို့ ကြိုတင်သတင်းရတာကြောင့် ထီးလင်း PDF အဖွဲ့ကြားဖြတ်တိုက်ခိုက်ခဲ့ရာ ပျူစောထီးတစ်ယောက်သေဆုံးပြီးတော့ တူမီးသေနတ် အလက် ၂၀ သိမ်းဆည်းရမိခဲ့တာလို့ ထီးလင်း PDF ခေါင်းဆောင်က ပြောပါတယ်။

အဲဒီတူးမီးသေနတ်တွေဟာ ယခင်က PDF တပ်ဖွဲ့တွေဆီကနေ သိမ်းဆည်းထားတာဖြစ်ပြီး ပျူစောထီးအဖွဲ့တွေကို ပြန်ထုတ်ပေးလို့ ဆိုင်ကယ် ၃စီး နဲ့ ပျူစောထီး ၄ ယောက်သယ်လာတဲ့အချိန် ထီးလင်း PDF တပ်ဖွဲ့က ကြားဖြတ်တိုက်ခိုက်ခဲ့တာလို့ ဆိုပါတယ်။

အကြမ်းဖက်စစ်အုပ်စုတွေဟာ ထီးလင်းမြို့နယ်ထဲမှာ အင်တာနက်လိုင်းတွေ ဖြတ်တောက်ထားကာ စစ်ကြောင်းတွေထိုးနေပြီး ကျေးရွာတွေကို မီးရှို့ဖျက်ဆီးတာတွေ ​ဆက်တိုက်ပြုလုပ်နေတယ်လို့ သိရပါတယ်။

5 days Ago
More News
Up