ပျက်စီး

January 15, 2021

ဘင်္ဂလားဒေ့ရှ်တောင်ပိုင်းက ဒုက္ခသည်စခန်းတွင် မီးလောင်၊ နေအိမ် ၅၅၀ ကျော် ပျက်စီးဆုံးရှုံး

ဘင်္ဂလားဒေ့ရှ် တောင်ပိုင်းက ဒုက္ခသည်စခန်းမှာ ဇန်နဝါရီ ၁၄ ရက် မနက်အစောပိုင်းက မီးအကြီးအကျယ်လောင်ခဲ့ပြီး ထောင်နဲ့ချီတဲ့ လူတွေ ပိုင်ဆိုင်တဲ့ နေအိမ်တွေ ပျက်စီးခဲ့တယ်လို့  ကုလသမဂ္ဂက ပြောပါတယ်။ လူပေါင်း ၃,၅၀၀ လောက် နေထိုင်တဲ့ နေအိမ်ပေါင်း ၅၅၀ ကျော်ဟာ လုံး၀ ဒါမှမဟုတ် တစိတ်တပိုင်း မီးလောင်ခဲ့ပြီး NGO အဖွဲ့တွေရဲ့ ဈေးဆိုင် ၁၅၀ လောက်နဲ့ အဆောက်အဦ တခုလည်း  ပျက်စီးခဲ့တယ်လို့ ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး (UNHCR)က ဆိုပါတယ်။  မီးလောင်မှုကြောင့် သေဆုံးဒဏ်ရာရတဲ့ သတင်းကို မသိရပါဘူး။  ကော့ဘဇားဒုက္ခသည်စခန်းက နေရပ်စွန့်ခွာခဲ့ရတဲ့ ဒုက္ခသည်တွေကို နေစရာ၊ ဆောင်းရာသီ အဝတ်အထည်၊ အစားအစာနဲ့ ဆေးဝါး ပံ့ပိုးနေတယ်လို့ UNHCR က ပြောဆိုပါတယ်။  ဘင်္ဂလားဒေ့ရှ် တောင်ပိုင်းမှာ နေရပ်စွန့်ခွာ ဒုက္ခသည်ပေါင်း ၁ သန်းကျော် နေထိုင်နေတယ်လို့ ရိုက်တာသတင်းမှာ ဖော်ပြပါတယ်။
4 months Ago

November 27, 2020

မကွေးတိုင်းတွင်  သဘာဝဘေးကြောင့် မိုးသီးနှံ စိုက်ဧက ၁၉၀,၀၀၀ ကျော်ပျက်စီး

မကွေးတိုင်းအတွင်းမှာ မိုးဦးသီးနှံစိုက်ဧကပေါင်း ၁၉၀,၀၀၀ ကျော်ပျက်စီးခဲ့ပြီး ဆောင်းမြေပဲ ကြားပဲ အထွက်နှုန်းကောင်းမွန်တယ်လို့ တိုင်းဒေသကြီးစိုက်ပျိုးရေးဦးစီးဌာနကနေသိရပါတယ်။ မကွေးတိုင်း စိုက်ပျိုးရေးဦးစီးဌာန တိုင်းဒေသကြီးဦးစီးမှူး ဦးလင်းမြတ်က “မိုးဦးကာလမှာ မိုးခေါင်လို့ဖြစ်တဲ့အပြင်၊ ရေကြီးရေလျှံ၊ ကမ်းပြို စတဲ့သဘာဝဘေးတွေကြောင့် သီးနှံ စိုက်ဧကပေါင်း ၁၉၀,၀၀၀ ကျော်ပျက်စီးခဲ့ပြီးတော့ မိုးနှမ်းကတော့ ပျက်စီးဆုံးရှုံးမှုအများဆုံးဖြစ်တယ်" လို့ ပြောပါတယ်။ သီနှံပျက်စီးခဲ့တဲ့ တောင်သူတွေအတွက် နိုင်ငံတော်အနေနဲ့ ပြီးခဲ့တဲ့ ၂ နှစ်လောက်ကတည်းက သီးနှံအမျိုးအစား ဧကအလိုက်ထောက်ပံပေးတာတွေလုပ်ဆောင်နေပြီး အခုနှစ်မှာလည်း စာရင်းပေးပို့ထားပြီးတော့ မကြာခင် ထောက်ပံ့ပေးတော့မယ်လို့ဆိုပါတယ်။ ဆောင်းရာသီ သီးနှံမျိုးစုံ စိုက်ပျိုးဖို့ လျာထားချက်ကတော့ ဧက ၉၃၀,၀၀၀ လောက်ရှိပြီးတော့ ၆၅ ရာခိုင်နှုန်း စိုက်ပျိုးထားကာ ဆောင်မြေပဲ(ကြားပဲ)ကတော့ အထွက်နှုန်းကောင်မွန်တယ်လို့ တိုင်းဒေသကြီးဦးစီးမှူးက ပြောပါတယ်။ မကွေးမြို့နယ် ကံစွယ်ကျေးရွာက ဒေသခံတောင်သူ ဦးမြင့်စိုးက "ပြီးခဲ့တဲ့နှစ်ကတော့ ဆောင်းပဲ တစ်ဧကကို ၁၅ တင်းလောက်သာထွက်ရှိပြီးတော့ အခုနှစ်မှာ တင်း ၂၀ ကနေ ၂၅ တင်းထိ ထွက်ရှိတာကြောင့် အထွက်နှုန်းကောင်းတယ်လို့" ပြောပါတယ်။ မကွေးမြို့က ပွဲရုံလုပ်ငန်းရှင်တစ်ဦးဖြစ်တဲ့ ဒေါ်မြဝေကတော့ ဆောင်းပဲအတွက်နှုန်း ကောင်းမွန်ပြီး လက်ရှိ တစ်တင်းကို ကျပ် ၁၁,၀၀၀ ပေါက်ဈေးရှိကြောင်းနဲ့ မနက်က  ကျပ် ၁၂၀၀၀ ပေါက်ဈေးရှိလို့  စျေးကွက်အနေထား သိပ်မကွာဘူးလို့ ပြောပါတယ်။ မကွေးတိုင်းဒေသကြီးအတွင်းမှာ သီးနှံမျိုးစုံ စိုက်ဧက ၃၁ သိန်းလောက်ရှိပြီး  ဆီထွက်သီးနှံဖြစ်တဲ့ နှမ်းနဲ့ ပဲအမျိုးမျိုးကိုအဓိက စိုက်ပျိုးကြတယ်လို့ တိုင်းဒေသကြီး စိုက်ပျိုးရေး ဦးစီးဌာနကနေ သိရပါတယ်။ မင်းထီး
6 months Ago
More News
Up