ပျက်ကျ

August 27, 2021

မက္ကစီကိုရေတပ် ရဟတ်ယာဉ် ၁ စီး ပျက်ကျ

မက်ဆီကိုရေတပ်က ရဟတ်ယာဉ်တစ်စင်းဟာ သြဂုတ် ၂၅ ရက်က ဆင်းသက်ချိန် စက်ချွတ်ယွင်းလို့ ပျက်ကျခဲ့တယ်လို့ ဒေသခံအရာရှိတွေက ပြောပါတယ်။

 ရေတပ်ရဟတ်ယာဉ်ဟာ ဟာရီကိန်းမုန်တိုင်း ဂရေ့စ် တိုက်ခတ်ခဲ့တဲ့ ဒေသတွေဆီသွားဖို့ ကြိုးစားရင်း စက်ချို့ယွင်းတာကို ဘေးကင်းရေး အရာရှိတွေက သတိထားမိခဲ့တာပါ။

 ရဟတ်ယာဉ်ဟာ ဟိဒယ်ဂိုပြည်နယ်က အဂွါဘလန်ကာ မြို့မှာ ဆင်းသက်ခဲ့ပြီး အသေအပျောက် အစီရင်ခံတာ မရှိပါဘူး။

 ဒဏ်ရာရ ခရီးသည် ၃ ဦးကို လူနာတင်ယာဉ်တွေနဲ့ အနားက ဆေးရုံဆီ အမြန် ပို့ဆောင်ခဲ့ပါတယ်။

 ရဟတ်ယာဉ်ပေါ်မှာ ဗေရာခရုဇ်ပြည်နယ် အစိုးအဖွဲ့အတွင်းရေးမှူး အဲရစ်ခ် ဆစ်နဲရို့စ် ပါပြီး သူကတော့ အသေးစား ဒဏ်ရာရခဲ့တယ်လို့ ရိုက်တာသတင်းဌာနက ဖော်ပြပါတယ်။

2 months Ago

July 9, 2021

နယူးဇီလန်တွင် မီးပုံးပျံ ပျက်ကျ၊ ၁၁ ဦး ဒဏ်ရာရ

နယူးဇီလန်နိုင်ငံတောင်ပိုင်းကျွန်းတကျွန်းက လူကြိုက်များတဲ့ ခရီးသွားမြို့တမြို့မှာ အိမ်တစ်လုံးပေါ်ကို ဇူလိုင် ၉ ရက်က မီးပုံးပျံတလုံး ပျက်ကျခဲ့ပြီးနောက်မှာ အနည်းဆုံးလူ ၁၁ ဦး ဒဏ်ရာရရှိခဲ့ပါတယ်။ 

အဲရိုးတောင်းမြို့ရှိ မော်ဗန်ဖယ်ရီ လမ်းပေါ်မှာ ဒေသစံတော်ချိန်နံနက် ၁၀ နာရီလောက်က ပျက်ကျခဲ့တာလို့ ရဲအရာရှိက ရိုက်တာသတင်းဌာနကို ပြောကြားခဲ့ပါတယ်။ 

လူတယောက်ကတော့ အပြင်းအထန်ဒဏ်ရာရခဲ့ပြီး တခြားတယောက်က အလယ်အလတ် ဒဏ်ရာတွေ ရရှိခဲ့ကာ ကျန်တဲ့ ၉ ယောက်ကတော့ အသေးစားဒဏ်ရာတွေ ရခဲ့တယ်လို့ ရဲက ပြောပါတယ်။ 

ဒီအဖြစ်အပျက်ကို အရေးပေါ် ဝန်ဆောင်မှုတွေ လုပ်ဆောင်နေရဆဲဖြစ်ပြီး နောက်ထပ် အသေးစိတ်အချက်အလက်တွေကိုတော့ ချက်ချင်းမရရှိသေးပါဘူး။  

4 months Ago
More News
Up