ဧရာဝတီတိုင်း၊ ပုသိမ်မြို့၊ အမှတ် ၁၃ ရပ်ကွက်မှာရှိတဲ့ ပုသိမ်မြို့နယ် ကညနရုံးရှေ့မှာ ဧပြီ ၂၆ ရက် မနက် ၇ နာရီလောက်က သတိပေးတဲ့အနေနဲ့ ဗုံးဖောက်ခွဲခဲ့တယ်လို့ ပုသိမ်မြို့ပြပြောက်ကျားတပ်ဖွဲ့က သတင်းထုတ်ပြန်ပါတယ်။
“မနက် ၇ နာရီလောက်မှာခွဲတာ အစောပိုင်းသတိပေးတဲ့အနေနဲ့ ခွဲတာဆိုတော့ လူထိခိုက်တာမျိုး မရှိဘူး။ ရုံးရှေ့ မျက်နှာစာမှာပဲခွဲတာ”လို့ ပြောက်ကျားတပ်ဖွဲ့ဝင်တဦးက ပြောပါတယ်။
ပုသိမ်မြို့နယ်ကညနရုံးဟာ စစ်အုပ်စုကို အပြည့်အဝထောက်ခံနေပြီး ဝင်ငွေရှာပေးနေတဲ့ ဒေါက်တိုင်တစ်ခုဖြစ်တာကြောင့် ခုလိုသတိပေးတဲ့အနေနဲ့ ဒုတိယအကြိမ် ဖောက်ခွဲခဲ့တာလို့ ဆိုပါတယ်။
ပုသိမ်မြို့မှာ ဧပြီ ၁၆ ရက် သင်္ကြန်အတက်နေ့ကလည်း စစ်ကောင်စီဗဟိုမဏ္ဍပ်အနီး ဗုံးကွဲခဲ့ပါသေးတယ်။
ဧရာဝတီတိုင်း၊ ပုသိမ်မြို့မှာ ဒလန် တယောက်ကို အောက်တိုဘာ ၂၀ ရက် ဒီနေ့ မနက်ပိုင်းမှာ သေနတ်နဲ့ ပစ်သတ် ရှင်းလင်းခဲ့တယ်လို့ ပုသိမ်မြု့ပြပြောက်ကျားတပ်ဖွဲ့ Pathein Special Task Force က ထုတ်ပြန်ပါတယ်။
ပုသိမ်မြို့ ဘူတာစျေးမှာ ဒီနေ့မနက် ၇ နာရီခွဲအချိန်မှာ စစ်တပ်သတင်းပေး ဒလန်ချိုဝင်းကို သေနတ်နဲ့ အနီးကပ် ၄ ချက် ပစ်သတ်ခဲ့တာလို့ ဆိုပါတယ်။
"တော်လှန်ရေး ဆူးငြောင့်ခလုတ်တစ်ခုဖြစ်တာကြောင့် စစ်ကောင်စီ သတင်းပေး ဒလန် ချို၀င်း ကို ရှင်းလင်းတာဖြစ်တယ်။ ပုသိမ်မြို့ရှိ ဆူးငြောင့်ခလုတ်ထောက်တိုင်တွေကို ဆက်လက်ရှင်းလင်း မယ် "လို့ ပုသိမ်မြု့ပြပြောက်ကျားတပ်ဖွဲ့က ထုတ်ပြန်ပါတယ်။
အခင်းဖြစ်နေရာမှာ အကြမ်းဖက်စစ်တပ်နဲ့ ရဲတွေ လာရောက်စစ်ဆေးတာတွေ ပြုလုပ်နေကြောင်း သိရှိရပါတယ်။
ပုသိမ်မြို့က ပြည်သူလူထုအနေနဲ့ အခွင့်ရေးရရင်ရသလို ရတဲ့နေရာကနေ ကူညီပေးကြဖို့လည်း ပုသိမ်မြု့ပြပြောက်ကျားတပ်ဖွဲ့က တောင်းဆိုထားပါတယ်။
အောက်တိုဘာ ၂၀ ရက်နေ့ မနက်ပိုင်းအထိ စစ်တပ်အမာခံသတင်းပေး ၃ ယောက်အထိ ရှင်းလင်းပြီးဖြစ်တယ်လို့ သိရပါတယ်။
