ပုသိမ်

January 16, 2023

ပုသိမ်မြို့တွင် EPC က မီတာဆောင်သူများကို ကြွေးကျန် ၆ သိန်းထိ မိတာခတောင်းနေ

ဧရာဝတီတိုင်း၊ ပုသိမ်မြို့မှာ ဇန်နဝါရီလက စတင်ပြီး မြို့နယ်လျှပ်စစ်အင်ဂျင်နီယာဌာနက မီတာ မဆောင်ရင် မီးဖြတ်မယ်လို့ ကြေညာက မီတာခလာစောင်တဲ့အခါ ငွေ ၆ သိန်းအထိ ကြွေးကျန်ရှိတယ်ဆိုကာ တောင်းယူနေတယ်လို့ ဒေသခံတွေဆီက သိရပါတယ်။ 

မြို့ပေါ်ရပ်ကွက်တွေမှာ စစ်ကောင်စီလက်အောက်ခံဝန်ထမ်းတွေနဲ့ မီတာဆောင်ဖို့အတွက် လိုက်ကြေညာပြီး မီတာသွားရောက်ပေးစောင်တဲ့အချိန်မှာ မီတာခ ကြေးကျန်ရှိတယ်ဆိုပြီး ၂ သိန်းကနေ ၆ သိန်းကြား တောင်းယူနေတာလို့ ဒေသခံတွေက ပြောပါတယ်။

“ခုက အေးဓားပြတိုက်သလိုဖြစ်နေတယ်။ မဆောင်ရင်လည်း မီတာက အဖြတ်ခံရဦးမယ်၊ သွားစောင့် တော့လည်း မရှိတဲ့အကြွေးကို အကြွေးရှိတယ်ဆိုပြီးတောင်နေတယ်။ ကျနော်သိရသလောက်ဆို ၂ သိန်းကနေ ၆ သိန်းကြား တောင်းနေတာ” လို့ ဒေသခံတဦးက ပြောပါတယ်။ 

ခုလိုမျိုး ပုသိမ်မြို့နယ်လျှပ်စစ်အင်ဂျင်နီယာဌာနက မတရားမီတခကောက်ခံနေမှုကို ပြည်သူ့ကာကွယ်ရေးတပ်ဖွဲ့ PDF နဲ့ မြို့ပြပြောက်ကျားတပ်ဖွဲ့ဝင်တွေကို သိစေချင်တယ်လို့ ဆိုပါတယ်။ 

ပုသိမ်မြို့ပြပြောက်ကျားတပ်ဖွဲ့ရဲ့ တာဝန်ရှိသူကတော့ ခုလိုမျိုး မြို့နယ်လျှပ်စစ်အင်ဂျင်နီယာဌာနက မီတာခ ကြွေးကျန်ရှိတယ်ဆိုပြီး မတရားငွေတောင်းခံနေတဲ့ ဖြစ်စဉ်ဟာ မှန်ကန်ကြောင်း စုံစမ်းသိရှိရပေမယ့် ဒေသခံ ပြည်သူတွေအနေနဲ့ လာရောက်တိုင်ကြားတာမျိုးတော့ မရှိသေးဘူးလို့ ပြောပါတယ်။ 

မီတာ ကြွေးကျန်ရှိတယ်ဆိုပြီး ဒေသခံပြည်သူတွေကို မီတာခကောက်ခံနေတဲ့ လျှပ်စစ်အင်ဂျင်နီယာဌာနကို ၂၀၂၂ ခုနှစ် အောက်တိုဘာလပိုင်းက ဗုံးခွဲပေးဖို့အတွက် တောင်းဆိုတာတွေ ရှိခဲ့တယ်လို့ ဆိုပါတယ်။

2 weeks Ago

December 23, 2022

ပုသိမ်မြို့တွင် နာရေးကားကို ခရီးသည်တင်ကားဝင်တိုက်၊ အမျိုးသမီး ၂ ဦး ဒဏ်ရာရ

ဧရာဝတီတိုင်း၊ ပုသိမ်မြို့မှာ ဒီဇင်ဘာ ၁၆ ရက်နေ့က မေတ္တာစမ်းရေလူမှုကူညီရေးအဖွဲ့ရဲ့ နာရေးတင်ကားကို ဇွဲမှန်လုံခရီးသည်တင်ကားက နောက်ကနေ ဝင်တိုက်မှုဖြစ်ပွားခဲ့တယ်လို့ ဒေသခံတွေက ပြောပါတယ်။

မင်းကုန်းကြီးကျေးရွာနေ ကွယ်လွန်သူ ဦးစိန်မြင့် အသက်(၆၅) နှစ်ရဲ့ အလောင်းကို နာရေးကားထဲ ထည့်နေချိန်မှာ ပုသိမ် ချောင်းသာ ပြေးဆွဲတဲ့ ဇွဲမှန်လုံခရီးသည်တင်ကားက နောက်ကနေ ဝင်တိုက်ခဲ့တာလို့ ဒေသခံပရဟိတအဖွဲ့တွေက ပြောပါတယ်။

''ဘာကြောင့်တိုက်တယ်ဆိုတာတော့ မသိဘူး၊ အရှိန်တော့ပြင်းတယ်။ အရင်ဆုံး ကားတစီးကို တိုက်မိပြီးမှ အလောင်းသယ်ကားကိုတိုက်မိတာ။ အမျိုးသမီးတဦးလည်း မျက်ခုံး ကွဲသွားတယ်၊ ခုထိ ဘာမှမကူညီပေးသေးဘူး'' လို့ ဒေသခံပရဟိတအဖွဲ့ဝင်တဦးက ဒီဗွီဘီကိုပြောပါတယ်။

ချောင်းသာ ပြေးဆွဲတဲ့ ဇွဲမှန်လုံခရီးသည်တင်ကားရဲ့ ဝင်တိုက်မှုကြောင့် မေတ္တာစမ်းရေ လူမှုကူညီရေးအဖွဲ့ ရဲ့ နာရေးတင်ကားနောက်ခြမ်းနဲ့ အလောင်းထဲတဲ့ အအေးခေါင်းသေတ္တာလည်း ပျက်စီးခဲ့သလို အသင်းသူတဦးနဲ့ နောက်ထပ်အမျိုးသမီးတဦးတို့ ဒဏ်ရာတွေရရှိခဲ့တယ်လို့ ဆိုပါတယ်။

ဒဏ်ရာရတဲ့ အမျိုးသမီး ၂ ဦးကိုတော့ မေတ္တာစမ်းရေလူမှုကူညီရေးအဖွဲ့ရဲ့ လူနာတင်ကားနဲ့ပဲ ပုသိမ်ပြည်သူ့ဆေးရုံကြီးကို ပို့ဆောင်ခဲ့ရတယ်လို့ သိရပါတယ်။

1 month Ago
More News
Up