ပါဆယ်ထုပ်

June 26, 2019

ဘန်ကောက်ရှိ စာတိုက်တခုတွင် ပါဆယ်ထုပ်အတွင်းမှ မြွေအရှင် ထွက်လာ

ထိုင်းနိုင်ငံ ဘန်ကောက် ဘန်းခဲနယ်မြေ ဖားဆီကျလွန်း စာတိုက်ကြီးမှာ စာပို့ကားနဲ့ ရောက်ရှိလာတဲ့ ပါဆယ်တထုပ်ထဲကနေ မြွေအရှင်တကောင် ထွက်လာပါတယ်။ စာတိုက်ဝန်ထမ်းတဦးဟာ မနေ့မနက်က အနယ်နယ်အရပ်ရပ်က ရောက်လာတဲ့ ပါဆယ်ထုပ်တွေကို လိပ်စာအလိုက် ခွဲပြီးစုပုံနေစဉ် မိုးရေစိုပြီး ပေါက်ပြဲနေတဲ့ အထုပ်တခုကို ရွှေ့လိုက်ရာမှာ အရှည် ၂ မီတာလောက်ရှိတဲ့ မြွေတကောင် လျှောထွက်လာတာကြောင့် စာတိုက်ထဲကလူတွေ အားလုံး ထိတ်လန့်ပြီး ရုတ်ရုတ်သဲသဲ ဖြစ်ကုန်ပါတယ်။ ကံအားလျော်စွာ စာတိုက်ဝန်ထမ်းတဦးက မြွေဖမ်းရာမှာ အတွေ့အကြုံရှိတဲ့အတွက် အဲဒီမြွေကို ဖမ်းယူပြီး အိတ်ထဲပြန်ထည့်လိုက်ကြောင်း၊ အဲဒီနောက် လိပ်စာပိုင်ရှင်ကို အကြောင်းကြားလိုက်ရာမှာ ပိုင်ရှင်က အထုပ်ကိုယူပြီး ကားနဲ့ အမြန်ပြန်ထွက်သွားတယ်လို့  ဝန်ထမ်းတဦးက သတင်းထောက်ကို ပြောပါတယ်။ မြွေပါတဲ့အထုပ်ဟာ ချချိန်းဆောင်းခရိုင်ဘက်ကနေ ပို့လာာတာဖြစ်ပြီး လိပ်စာပိုင်ရှင်မှာလည်း တလတကြိမ် ပါဆယ်ထုပ် လာယူလေ့ရှိကြောင်း၊ အခုလို သက်ရှိသတ္တဝါ၊ အဆိပ်ရှိသတ္တဝါတွေ စာတိုက်ကနေ ပို့ဆောင်တာဟာ တရားဥပဒေနဲ့ ညီမညီ သေချာမသိကြောင်း၊ ဒါပေမယ့် သက်ရှိသတ္တဝါတွေကိုတော့ ပါဆယ်နဲ့ မပို့သင့်ကြောင်း၊ အများပြည်သူကို အန္တရာယ်ပြုနိုင်ပြီး တိရစ္ဆာန် ညှဉ်းပန်းနှိပ်စက်ရာရောက်ကြောင်း၊ အခန့်မသင့်က အဲဒီသတ္တဝါ မွန်းကျပ် သေဆုံးနိုင်ကြောင်း စာတိုက်မှူးက ပြောပါတယ်။ အရင်ကလည်း ပိုးဟပ်အကောင်ရေ တရာကျော် ပို့ဆောင်လာတာ ရှိခဲ့ဖူးပြီး အထုပ်ပေါက်ထွက်လို့ စာတိုက်ထဲက မိန်းကလေးတွေ အကုန်ထွက်ပြေးကုန်တယ်လို့ စာတိုက်မှူးက ပြောသွားပါတယ်။
2 years Ago

January 10, 2019

သြစတြေးလျရှိ သံရုံးများသို့ ပေးပို့ခဲ့သည့် ပါဆယ်ထုပ် ၁၄ ထုပ်ကို စုံစမ်းစစ်ဆေး

သြစတြေးလျနိုင်ငံမှာ သံရုံးနဲ့ ကောင်စစ်ဝန်ရုံးတွေဆီ ပေးပို့ခဲ့တဲ့ သံသယဖြစ်ဖွယ် ပါဆယ်ထုပ် ၁၄ ထုပ်ကို စုံစမ်းစစ်ဆေးနေတယ်လို့ သြစတြေးလျ ရဲတပ်ဖွဲ့က ဇန်နဝါရီ ၉ ရက်နေ့မှာ ပြောလိုက်ပါတယ်။ လိပ်မူထားတဲ့ နေရာတွေထဲမှာ မဲလ်ဘုန်းနဲ့ ကင်ဘာရာမြို့က အမေရိကန်နဲ့ ဗြိတိန်သံရုံးနဲ့ ကောင်စစ်ဝန်ရုံးတွေ ပါဝင်တယ်လို့ မီဒီယာနဲ့ တခြား တာဝန်ရှိသူတွေက ပြောပါတယ်။ အဲဒီ ပါဆယ်ထုပ်တွေကို အရေးပေါ်ကယ်ဆယ်ရေးအဖွဲ့က စစ်ဆေးနေတယ်လို့ သြစတြေးလျ ဖက်ဒရယ်ရဲတပ်ဖွဲ့က သတင်းထုတ်ပြန်ခဲ့ပေမယ့် အသေးစိတ်ကိုတော့ ဖော်ပြထားခြင်း မရှိပါဘူး။ ရဲတပ်ဖွဲ့က ဘယ်သံရုံးနဲ့ ကောင်စစ်ဝန်ရုံးတွေ ပါဝင်တယ်ဆိုတာကို မပြောကြားပေမယ့် သြစတြေးလျသတင်းစာကတော့ ဗြိတိန်၊ နယူးဇီလန်၊ အိန္ဒိယ၊ ဂျပန်၊ ပါကစ္စတန်၊ တောင်ကိုရီးယား၊ ဂျာမနီ၊ ဂရိ၊ စပိန်၊ ဆေးရှဲလ် (Seychelles)၊ ဆွစ်ဇာလန်နဲ့ အီဂျစ်နိုင်ငံတွေရဲ့ သံရုံးနဲ့ ကောင်စစ်ဝန်ရုံးတွေ ပါဝင်တယ်လို့ ဖော်ပြခဲ့ပါတယ်။
2 years Ago
Up