ပထမဆုံးခန့်အပ်

August 15, 2020

အင်္ဂလန်အမျိုးသမီးအသင်း သမိုင်းတလျှောက် နိုင်ငံခြားသားနည်းပြ ပထမဆုံးခန့်အပ်

အင်္ဂလန်ဘောလုံးအဖွဲ့ချုပ်ဟာ အမျိုးသမီးလက်ရွေးစင်အသင်းအတွက် သမိုင်းတလျှောက် ပထမဆုံး နိုင်ငံခြားသားနည်းပြအဖြစ် ဟော်လန်နည်းပြ ဝိချ်မန်းကို ခန့်အပ်လိုက်ပါတယ်။ လက်ရှိ ဟော်လန်အမျိုးသမီးအသင်းနည်းပြ ဆရီနာဝိချ်မန်းကို ၄ နှစ်စာချုပ်ချုပ်ဆိုခဲ့ပြီး အင်္ဂလန်နည်းပြ ဖီးလ်နဗီးလ် စာချုပ်သက်တမ်းကုန်ဆုံးချိန်မှာ အစားထိုး တာဝန်ယူသွားရမှာပါ။ မန်ယူနောက်ခံလူဟောင်း ဖီလ်နဗီးလ်ဟာ ၂၀၂၁ ခုနှစ် ဇူလိုင်လမှာ စာချုပ်သက်တမ်း ကုန်ဆုံးမှာဖြစ်ပြီး အဲဒီအချိန်မှာ ဝိချ်မန်းက စတင်တာဝန်ယူမှာပါ။  အသက် ၅၀ နှစ်ရှိ ဟော်လန်နည်းပြ ဝိချ်မန်းဟာ အိမ်ရှင်အဖြစ် လက်ခံကျင်းပခဲ့တဲ့ ၂၀၁၇ ယူရိုပြိုင်ပွဲမှာ ဟော်လန်အသင်းကို ချန်ပီယံဖြစ်အောင် ဦးဆောင်နိုင်ခဲ့ပြီး ပြင်သစ် ကမ္ဘာ့ဖလားမှာလည်း ပထမဆုံးအကြိမ် ယှဉ်ပြိုင်ခွင့်ရအောင် စွမ်းဆောင်နိုင်ခဲ့တာပါ။  ပြီးခဲ့တဲ့နှစ်တွေအတွင်းမှာ အမျိုးသမီးဘောလုံးလောကရဲ့ ဖွံ့ဖြိုးတိုးတက်မှု အများဆုံးရှိရာ အင်္ဂလန်အသင်းကို ကိုင်တွယ်ခွင့်ရလို့ ဂုဏ်ယူကြောင်း ဝိချ်မန်းက ပြောပါတယ်။  သူဟာ ဟော်လန်အသင်းနဲ့အတူ အိုလံပစ်ပွဲအတွက် ဆက်လက်တာဝန်ယူရမှာဖြစ်ပြီး ၂၀၂၁ ခုနှစ် စက်တင်ဘာလရောက်မှ အင်္ဂလန်အသင်းကို စတင်တာဝန်ယူမှာ ဖြစ်ပါတယ်။
12 months Ago

June 11, 2020

အမေရိကန်လေတပ်၏ကာကွယ်ရေးဦးစီးချုပ်အဖြစ်  လူမည်းအမျိုးသား ၁ ဦးကို ပထမဆုံးခန့်အပ်

လူမျိုးရေး မညီမျှမှုအပေါ် မေးခွန်းထုတ်ခံ နေရတဲ့ အမေရိကန်နိုင်ငံမှာ  အမေရိကန်လေတပ်ရဲ့ ပထမဆုံး လူမည်းကာကွယ်ရေးဦးစီးချုပ်ကို အထက်လွှတ်တော်က ဇွန်လ ၉ ရက်က ခန့်အပ်လိုက် ပါတယ်။ ရီပတ်ဗလစ်ကင်ပါတီဝင်တွေ ဦးဆောင်တဲ့ လွှတ်တော်အစည်းအဝေးကို ဒုသမ္မတ မိုက်ခ်ပန့်စ်က သဘာပတိအဖြစ် ထူးထူးခြားခြား ကြီးကြပ်ခဲ့ပြီး ထောက်ခံမဲ ၉၈မဲ ကန့်ကွက်မဲ မရှိဘဲ တခဲနက် အတည်ပြု ခဲ့ပါတယ်။ အတည်ပြု ခန့်အပ်ခံ ဗိုလ်ချုပ်ကြီး ချားလ်စ် ဘရောင်းက အာဖရိကန်နွယ်ဖွား အမေရိကန် နိုင်ငံသား တယောက် အနေနဲ့ သူ လေတပ်ထဲ မရောက်ခင်နဲ့ ရောက်အပြီး သူ့အတွေ့အကြုံတွေကို ခံစားချက် အပြည့်နဲ့ ပြန်ပြောခဲ့ပါတယ်။ အသက် ၅၈နှစ်အရွယ် ဘရောင်းဟာ လောလောဆယ်မှာ ပစိဖိတ်လေတပ်မှာ စစ်ဦးစီး အရာရှိချုပ်ပါ။ သူ့ကို လေတပ်ကာကွယ်ရေး ဦးစီးချုပ် ခန့်လိုက်တာဟာ အမေရိကန်သမိုင်းမှာ ရာစုနှစ်ချီ လူမျိုးရေး ခွဲခြားမှုအပြီး အပြုသဘောဆောင်တဲ့ မတူခြားနားမှုကို အတည်ပြုပေးလိုက်တာ ဖြစ်လို့ မျှော်လင့်ချက် ရှိတယ်လို့ သူက အပြုသဘော ပြောဆို ကောက်ချက်ချခဲ့ပါတယ်။ 
1 year Ago
Up